Gimpuunan 42:38 - Hanunuu

³⁸ Dapat nagsagut si Hakub, “Balaw aku magpasnu kanyu ikuyug kang anak. Namatay yi kay patar-ari ag siya wadi ti nasawad. Barang may daut waya mangyari sa kanya sa dalan, ag sa inda pag kagurangun niku, ikamatay gid niku ti masyadu pag karukuan.”

Gimpuunan 42:38 Iomraidhean Croise

Gimpuunan 37:33

Nakilala gid ni Hakub ti rutay. Magkun siya, “Kanya ngani duy inda! Minatay siya maisug pag hayup! Pihu gid ginutay-gutay siya hayup.”

Gimpuunan 37:34

Ginisi ni Hakub kay rutay ag nanrutay saku bilang pagpakakit niya karukuan. Nanhimanglaw siya dugay sa pagkamatay niya anak.

Gimpuunan 37:35

Linibang siya niya tanan manga anak, dapat imaw diman gid kay magpanrukuan. Magkun siya, “Pabay-ani yi lang niyu aku! Mamatay aku magpanhimanglaw dahil sa pagkamatay niku anak.” Ag parargu siya maglumi dahil sa kan Husi.

Gimpuunan 42:13

Nagsagut sida, “Kami 12 ka magtar-ari, ag usa lang duy kanmi ama ati taynguna sa Kanaan. Kay kap-usan duy nimi natayak sa kanya. Kay usa nimi ka patar-ari udyi.”

Gimpuunan 42:37

Magkun si Rubin, “Amang, aku duy ti bahala sa kanya. Matya duy nimu kang duwa ka anak lalaki nu unman niku siya maibalik sa kanmu.”

Gimpuunan 42:4

Dapat balaw ipinakuyug ni Hakub si Binhamin kay ari ni Husi dahil magkadala siya barang may mangyari balaw mayad.

Gimpuunan 43:13

Kuyugan niyu kanyu patar-ari si Binhamin ag pagbalik kamu rargu sa gubirnadur Ihiptu.

Gimpuunan 44:20

bag-u sinagut duy nimi may ama waya kami gurangun yi, ag may kap-usan kami patar-ari anak niya sa pagkagurangun. Magkun diman kami tigbak yi kay patar-ari ag siya wadi ti nasawad pag anak niya ina, ag pagmahalun gid duy siya nimi ama.

Gimpuunan 44:22

Magkun kami sa kanmu balaw mahimu tayakan nimi kap-usan patar-ari kanmi ama, dahil barang imaw waya tunda ti pun-an niya kamatayan.

1 Hari 2:6

Nakan buwata ti mayad angay sa kanmu naisipan buwatun sa kanya, dapat danga siya pagpahintuluti mamatay may kahusayan sa kay pagkagurangun.

Hub 41:32

Ti danum kay malakawan magbura malagti, nu bantayun ga malagti pag buhuk.

Kanta 71:18

Ag una gurangun yi aku ag may uban yi, danga aku pagpabay-ani, Diyus, habang pag-ipabantug niku kanmu kapangyarihan ag kabisugan sa dumasun pag sinulput.

Kanta 90:10

Ti pinakadugay nimi buhi 70 ka timpu, ngatay 80 ka timpu nu mabisug kami. Dapat una kanmi pinakamarinu pag manga timpu mayamu kaarimputuhan ag kakurian. Ungud gid balaw magdugay kanmi buhi ag madura kami.

Manugtudlu 1:14

Nakitan niku ti tanan manga pagbuwatun tawu sitay sa kalibutan, ag inda tanan unman may pulus; ga parihu lang sa maglagas aku durus.

Manugtudlu 2:26

Sa kay tutuu, pagpakan-an Diyus kadunungan, hanggan kaalaman ag kabayaan ti magpakaun kasulungan sa kanya pag tawu. Dapat ti manga makasalanan pagpabudlayun niya sa kakatipun kayamanan, hampay kanda matipun iayaw niya sa manga tawu magpakaun kabayaan sa kanya. Ti pangabudlay manga makasalanan unman diman may pulus; ga parihu lang sa maglagas sida durus.

Isayas 38:10

Kang isip mamatay yi aku udas niku kasupangan, ag pumirmaminti sa rugar manga namatay.

Isayas 46:4

Alagaan niku kamu tugka sa maggurangun ag manlagti kanyu buhuk. Linalang niku kamu nakan kamu alagaan niku. Awatan niku kamu ag iribri.