Gimpuunan 42:2 - Hanunuu

² Nabaritaan niku may pag-ipabili karan-unun sa Ihiptu, nakan pag-ati kamu ag pagbili hampay balaw kita mamatay sa lun-us.”

Gimpuunan 42:2 Iomraidhean Croise

Gimpuunan 42:3

Nakan linmakaw ngani ti sampulu ka patar-ari ni Husi tabug sa Ihiptu hampay manbili karan-unun.

Gimpuunan 43:2

Natabu yi magtal-anakan ni Hakub ti binili nida pag karan-unun sa Ihiptu. Nakan magkun si Hakub sa kay manga anak, “Pagbalik kamu ati sa Ihiptu ag pagbili una pira lang ka karan-unun.”

Gimpuunan 43:4

Nu ipakuyug bay nimu siya sa kanmi bumalik di kami ati hampay manbili karan-unun.

Gimpuunan 43:8

Nakan magkun si Huda sa kanda ama, “Amang, pasnui yi duy nimu kami ikuyug nimi si Binhamin hampay makaginan yi duy kami ag makabili karan-unun agud balaw kita mamatay tanan sa lun-us.

Gimpuunan 45:9

Taynguna, pagdalidali kamu pagbalik sa kang ama ag tultulan niyu sa kanya kuntay kay anak binwat Diyus manugpamahala buu Ihiptu. Ag sabiha niyu sa kanya pag-ipaataytag niku siya danga yi magpadugay.

Kanta 118:17

Balaw aku mamatay, nu unman magkabuhi, ag itultul niku ti manga binwat Panginuun.

Kanta 33:18

Dapat ti Panginuun magbantay sa manga maggalang ag magsarig sa kay pagmahal.

Kanta 33:19

Pag-iribri sida sa kamatayan ag sa udas kalun-usan pag-alagaan niya kanda buhi.

Isayas 38:1

Ati katpung pag sirang, nasakit si Isikyas harus ikamatay yi niya. Nag-atag sa kanya si Purupita Isayas anak ni Amus ag magkun, “Magkun ti Panginuun pagbilin yi kawu sa kanmu magtal-anakan dahil udyi kawu maayadan, mamatay yi kawu.”

Matiyu 4:4

Dapat sinmagut si Hisus magkun, “Isinurat sa Banal Kasuratan magkun, ‘Balaw lang sa karan-unun pag mabuhi ti tawu nu unman sa kada bagaw Diyus.’”

Binwat 7:12

Nakan ngani pagka nabaritaan ni Hakub may tirigu maaw pag karan-unun ati sa Ihiptu, sinugu niya ati tabug kanta manga ginurang.