Gimpuunan 42:13 - Hanunuu

¹³ Nagsagut sida, “Kami 12 ka magtar-ari, ag usa lang duy kanmi ama ati taynguna sa Kanaan. Kay kap-usan duy nimi natayak sa kanya. Kay usa nimi ka patar-ari udyi.”

Gimpuunan 42:13 Iomraidhean Croise

Gimpuunan 37:30

Pagkatapus, binmalik siya sa kay manga patar-ari ag magkun, “Udyi lagan ati kanta ari. Kabitay wadi aku makauli taynguna sa kan amang?”

Gimpuunan 42:11

Magtar-ari duy kami tanan usa lang kanmi ama, magsabi gid kami kay tutuu. Balaw duy kami manugtiid.”

Gimpuunan 42:12

Dapat magkun si Husi, “Unman aku magpaniwala! Nag-atay kamu hampay bantayan kanmi nasyun nu naan baliwa ti may mahina pag palalan-iban.”

Gimpuunan 42:14

Magkun si Husi, “Parihu sa kang sinabi, manga manugtiid ungud kamu!

Gimpuunan 42:32

Magkun diman kami 12 kami magtar-ari ag usa lang kanmi ama. Magkun waya kami kanmi usa ka patar-ari namatay yi ag kanmi kap-usan kaibahan nimu atay sa Kanaan.

Gimpuunan 42:36

Magkun si Hakub sa kanda, “Magkaibug aw lugud kamu maduraan aku manga anak? Udyi si Husi, udyi si Simyun ag taynguna pagkaibgan waya niyu bul-un si Binhamin. Pagpakurianan niyu kang tagipusuun.”

Gimpuunan 42:38

Dapat nagsagut si Hakub, “Balaw aku magpasnu kanyu ikuyug kang anak. Namatay yi kay patar-ari ag siya wadi ti nasawad. Barang may daut waya mangyari sa kanya sa dalan, ag sa inda pag kagurangun niku, ikamatay gid niku ti masyadu pag karukuan.”

Gimpuunan 43:29

Pagka nakitan ni Husi kay patar-ari si Binhamin kay anak niya ina, nagpaingana siya, “Inda aw kanyu kap-usan pag patar-ari ti pag-itultul niyu sa kangku sitay?” Bag-u susun niya sinabi sa kan Binhamin, “Anak, papaladan kawu Diyus.”

Gimpuunan 43:7

Nagsagut sida, “Kabitay ngani pagpaingan-un niya kami mayad-mayad tungkul sa magtal-anakan nita. Nagpaingana siya nu buhi waya kanmi ama ag nu may iba waya kami ka patar-ari. Nakan sinagut duy nimi siya. Balaw duy nimi pagsarigan kuntay sumabi siya sa kanmi daran-a nimi sa kanya kanmi kap-usan pag patar-ari.”

Gimpuunan 44:20

bag-u sinagut duy nimi may ama waya kami gurangun yi, ag may kap-usan kami patar-ari anak niya sa pagkagurangun. Magkun diman kami tigbak yi kay patar-ari ag siya wadi ti nasawad pag anak niya ina, ag pagmahalun gid duy siya nimi ama.

Gimpuunan 44:28

Kay usa udyi; mahimu ginutay-gutay siya maisug pag hayup. Ag udyi niku siya nakitan tunda di ginan.

Gimpuunan 45:26

Pagras-ug nida ati, itinultul nida sa kanda ama kuntay buhi waya si Husi, ag siya waya ngani ti manugpamahala sa buu Ihiptu. Nabung-anan si Hakub; unman siya makapasnu.

Hirimyas 31:15

Magkun waya ti Panginuun, “May nadnugan lulumian ag hirinangbitun ginan sa banwa Rama. Paglumian ni Rakil kay manga anak. Maglumi siya ag dayi magtanggap kasulungan dahil namatay kay manga anak.”

Karukuan 5:7

Nagsalan kanmi manga ginurang namatay yi taynguna, ag kami ti mag-agwanta dahil sa kanda kasalanan.

Matiyu 2:16

Pagka naalaman ni Hirudis siya maaw pinudilan manga madunung pag tawu, nagalit siya masyadu. Nagsugu siya manga sundalu kay ipinamatay ti tanan manga anak lalaki sa banwa Bitlihim hanggan sa kay manga kalibut ginan sa lapsag hanggan sa duwa tugka ka timpu angay sa udas kay pinaingana sa manga madunung pag tawu.

Matiyu 2:18

“May nadnugan sa banwa Rama maglulumian may magtarayagan. Paglumian ni Rakil kay manga anak, dayi malibang kay isip dahil udyi kay manga anak.”