Gimpuunan 41:8 - Hanunuu

⁸ Pagka surip, magkaarimputu ti naisipan hari tungkul sa kay manga tagin-up, nakan ipinatawag niya ti tanan manughula hanggan ti madunung pag manga tawu sa Ihiptu. Itinultul niya sa kanda kay tagin-up, dapat una di usa sa kanda unman may nakatultul nu hintay kay ibug sabihun tunda pag tagin-up.

Gimpuunan 41:8 Iomraidhean Croise

Gimpuunan 40:6

Igu surip, pagka nagsabang si Husi sa kanda, nakitan niya maruku sida.

Gimpuunan 40:8

Sinmagut sida, “Nanagin-up ngani duy kami dapat unman may makatultul kay ibug sabihun inda.” Magkun si Husi, “Ti Diyus ti magpakaun kadunungan sa pagtultul kay ibug sabihun manga tagin-up. Ta malu, tultulan niyu sa kangku nu hintay kanyu manga tagin-up.”

Gimpuunan 41:15

Magkun ti hari sa kanya, “Nanagin-up aku dapat unman may nakatultul kay ibug sabihun inda. May nagkumun sa kangku kuntay madunung kawu magtultul kay ibug sabihun manga tagin-up.”

Gimpuunan 41:24

Kinaun yupa ti pitu ka mapugnung pag uhay. Itinultul yi niku inda sa manga manughula, dapat unman una di usa ti nakatultul kay ibug sabihun inda.”

Gimpuunan 41:7

Kinaun yupa ti pitu ka mapugnung pag uhay. Ag nimata maan ti hari. Kay isip tutuu tunda dapat tagin-up lang maaw.

Kanta 25:14

Panginuun, arani kawu sa manga tawu maggalang sa kanmu ag pag-ipaalaala nimu sa kanda kanmu kasunduan.

Pag-ighit 7:11

Ipinatawag waydi hari Ihiptu kay manga dunungin pag tawu hanggan manugsalumangka. Sa panab-anan nida salumangka, nabwat diman nida ti katida pag makadululaw.

Pag-ighit 7:22

Dapat nabwat diman inda manga manugsalumangka taga Ihiptu sa panab-anan nida salumangka, nakan nagmaganit diman ti hari Ihiptu. Balaw diman gid siya naniwala sa kanda ni Muysis ag ni Aarun, parihu sa sinabi Panginuun.

Pag-ighit 8:7

Dapat binuwat diman inda manga manugsalumangka sa panab-anan nida salumangka. Nipalwang diman nida ti manga pikaw sa danum Ihiptu.

Pag-ighit 9:11

Una ti manugsalumangka unman makapasrangu sa kan Muysis dahil sida hanggan may manga baga diman parihu sa nagtubu sa tanan Ihipsiyu.

Isayas 19:3

Mabul-an pagsarig ti manga taga Ihiptu, ag guluhun niku kanda manga gayak. Mamaingana sida sa manga diyus-diyusan, sa karadwa manga namatay, sa manga panhirian ag manga pandaniwan.

Isayas 29:14

Nakan utru aku bumuwat dasun-dasun pag makadululaw sa inda pag manga tawu. Ag madura ti kadunungan manga madunung hanggan ti pan-intindi manga may intindi.”

Isayas 8:19

Nu may magsabi sa kanyu paghagad kamu pasandam ginan sa manga namatay sa panab-anan manga panhirian ag manga pandaniwan magbudung-budung, danga niyu pagbuwata tida. Unman aw kailangan sa Diyus kamu paghumagad pasandam? Hayga sa manga namatay kamu pag mamaingana para sa buhi?

Danyil 1:20

Sa tanan ipinaingana hari sa kanda, nakitan niya kanda kadunungan sampulu ka dubli sa kadunungan manga manugsalumangka hanggan pandaniwan sa buu niya kaharian.

Danyil 4:18

“Imaw tunda kang tagin-up. Nakan aku, si Hari Nabukudunusur, magkun kan Biltisasar, ‘Tultuli aku kay kahulugan inda dahil unman gid una di usa sa manga dunungin sa kang kaharian ti makapaliwanag sa kangku kay kahulugan inda. Dapat makapaliwanag kawu dahil ti ispiritu banal pag manga diyus asan sa kanmu.’ ”

Danyil 4:19

Nataranta ag nadala gid si Danyil (pag-ingarnan diman Biltisasar). Nakan magkun ti hari sa kanya, “Biltisasar, danga kawu magkaaburidu sa kang tagin-up ag sa kay kahulugan.” Nagsagut si Biltisasar, “Mahal Hari, mana kanmu tagin-up ag kay kahulugan mangyari sa kanmu manga kalaban danga sa kanmu.

Danyil 4:5

Dapat may tagin-up aku madala imaw ti nakapaaburidu sa kangku.

Danyil 4:6

Nakan nagsugu aku daran-un sa kangku ti tanan pag dunungin sa Babilunya hampay mitultul nida sa kangku kay ibug sabihun kang tagin-up.

Danyil 4:7

Pagkarinmas-ug ti manga manugsalumangka, pandaniwan, manughula, hanggan pangiwaan, itinultul niku sa kanda kang tagin-up, dapat unman nida mag-itultul kay ibug sabihun.

Danyil 5:11

dahil may usa ka tawu sa kanmu kaharian ati sa kanya ti ispiritu banal manga diyus. Katpung panahun nimu ama ni Hari Nabukudunusur, inda pag tawu nagpakakit kay kadunungan parihu sa kadunungan manga diyus. Siya ti binwat nimu ama takinan manga manugsalumangka, manga tihulan, manga manughula ag manga pandaniwan.

Danyil 7:28

“Imaw tunda kang tagin-up. Naaburidu gid aku ag nanlapsi sa dala. Dapat unman niku itinultul inda una sa kantapu.”

Danyil 8:27

Tunda ginan, aku, si Danyil, linubayan ag nasakit manga pira ka sirang. Pagka naayadan aku, nagbalik aku sa tarabahu ipinakaun hari sa kangku. Dapat parargu di gid niku pag-isipun tunda pag pangakakitun balaw niku magkasalman.

Libitiku 19:31

Danga kamu magdangup sa manga pandaniwan maghampang sa manga karadwa namatay, dahil nu buwatun niyu inda miminsan kamu sa mayagting. Aku ti Panginuun kanyu Diyus.

Libitiku 20:6

Saadan diman niku ti manga magdangup ag magsunud sa manga pandaniwan maghampang sa karadwa manga namatay. Balaw niku sida kilalan-un nasakupan niyu.

Habakuk 3:16

Magkun si Habakuk, “Pagka nadnugan niku inda pag ipinasandam Panginuun sa kangku, nangirkirug kang buu bilug hanggan kang bibig dahil sa kadalaan. Nanlumuy aku ag nangirkirug kang manga tuud. Ag dahil sa inda pag ipinasandam Panginuun, agwantahun niku alagdun ti udas pagparusa niya sa manga naggira sa kanmi.

Matiyu 2:1

Pagka nilusad yi si Hisus sa banwa Bitlihim sa daga Hudiya katpung hari si Hirudis, may manga madunung pag tawu nagras-ug sa Hirusalim ginan sa butlakan init.

Binwat 17:18

May manga manugtudlu sa Ipikuryu hanggan sa Istuyku pag kalasi adal, nangatadlungan sida sa kan Pablu. Sinabi manga iba, “Hintay nguna kay ibug sabihun tunda pag magpadunungun pag tawu?” Magkun maan ti manga iba, “Magtudlu banta siya tungkul sa manga diyus sa iba pag manga nasyun.” Nakan katida kanda pagsabihun, dahil pag-itudlu ni Pablu tungkul sa kan Hisus hanggan tungkul sa pagkabuhi uman.

Binwat 7:22

Tinudluan nida si Muysis sa tanan kadunungan manga taga Ihiptu. Makapangyarihan yi siya una sa kay bagaw una sa kay buwat.

1 Kurintu 1:19

Dahil nisurat sa Banal Kasuratan magkun, “Duraun niku ti kadunungan manga madunung; bul-an niku halaga ti kadunungan manga madunung.”

1 Samwil 6:2

ipinasugu manga Pilistiyu kanda manga manughandug hanggan manugsalumangka, bag-u kanda sinabi magkun, “Hintay ti dapat nimi buwatun tungkul sa Kaban Panginuun? Tultulan sa kanmi nu kabitay nimi inda maibalik sa kay sadili ulian.”