Gimpuunan 41:7 - Hanunuu

⁷ Kinaun yupa ti pitu ka mapugnung pag uhay. Ag nimata maan ti hari. Kay isip tutuu tunda dapat tagin-up lang maaw.

Gimpuunan 41:7 Iomraidhean Croise

Gimpuunan 20:3

Usa ka yabi, napakakit ti Diyus sa kan Abimilik sa panab-anan usa ka tagin-up. Magkun siya, “Mamatay kawu dahil bin-ul nimu tunda pag babayi may asawa yi.”

Gimpuunan 37:5

Sa usa ka yabi, nanagin-up si Husi. Igu kay pag-itultul inda sa kay manga patar-ari, nag-amat di ti pangagalit nida sa kanya.

Gimpuunan 41:6

Ag sa tunda diman pag bahi, inmuhay ti pitu maan ka uhay yupa nauga dahil sa mainit pag durus ginan sa butlakan.

Gimpuunan 41:8

Pagka surip, magkaarimputu ti naisipan hari tungkul sa kay manga tagin-up, nakan ipinatawag niya ti tanan manughula hanggan ti madunung pag manga tawu sa Ihiptu. Itinultul niya sa kanda kay tagin-up, dapat una di usa sa kanda unman may nakatultul nu hintay kay ibug sabihun tunda pag tagin-up.

1 Hari 3:15

Napulaw si Sulumun, ag nasalman niya naghampang ti Panginuun sa kanya sa panab-anan tagin-up. Pagbalik ni Sulumun sa Hirusalim, tinmindug siya sa atubangan Kaban Kasunduan Panginuun, ag nanhandug, manga handug pagsunugun hanggan manga handug para sa mayad pag pakiusa. Ag nagpaalistu siya karan-unun para sa tanan niya manga manugpamahala.