Gimpuunan 41:25 - Hanunuu

²⁵ Magkun si Husi sa hari, “Mahal Hari, ti duwa nimu ka tagin-up usa lang duy kay ibug sabihun. Sa panab-anan inda pag manga tagin-up nimu, pag-ipaburayhaw Diyus sa kanmu nu hintay kay buwatun.

Gimpuunan 41:25 Iomraidhean Croise

Gimpuunan 40:8

Sinmagut sida, “Nanagin-up ngani duy kami dapat unman may makatultul kay ibug sabihun inda.” Magkun si Husi, “Ti Diyus ti magpakaun kadunungan sa pagtultul kay ibug sabihun manga tagin-up. Ta malu, tultulan niyu sa kangku nu hintay kanyu manga tagin-up.”

Gimpuunan 41:16

Nagsagut si Husi, “Balaw duy aku Mahal Hari, nu unman ti Diyus di ti magpakaun kay ibug sabihun manga tagin-up nimu para sa kanmu ikaayad.”

Gimpuunan 41:26

Ti pitu ka baka maratabul hanggan ti pitu ka uhay mapugnung parihu pitu ka timpu kay ibug sabihun.

Gimpuunan 41:28

“Parihu sa kang sinabi sa kanmu, Mahal Hari, ipinaburayhaw Diyus sa kanmu nu hintay kay buwatun.

Gimpuunan 41:32

Kadwa ginan duy kawu nanagin-up, Mahal Hari, hampay maalaman nimu itinagka Diyus inda mangyari udyi dugay aban.

Kanta 98:2

Ipinakakit Panginuun sa manga nasyun kay inawatan kita ag ipinanalu.

Pag-ighit 9:14

Dapat nu unman, mamadara aku masyadu pag sarut mamarusa sa kanmu, hanggan sa kanmu manga may kangaranan ag nasakupan nimu hampay maalaman nimu unman aku may kaparihu sa buu kalibutan.

Isayas 43:9

Tawaga nimu ti tanan nasakupan nasyun. Si unu sa kanda manga diyus-diyusan ti makahula sa aratubangun? Si unu sa kanda ti makasabi tungkul sa magpangyari taynguna? Ibahun nida kanda manga kastigus imaw ti puruyba sa kanda manga pagsabihun, hampay ti manga makadnug sumabi, ‘Tutuu gid ngani.’

Danyil 2:45

Parihu ngani sa kanmu nakitan pag batu nagipak ginan sa bantud (dapat balaw tawu ti naggipak) ti nagrunut sa diyus-diyusan baul, galang, lutuk, pilak, hanggan gintu. “Mahal Hari, ipinasandam duy makamaskihan pag Diyus sa kanmu nu hintay ti mangyari aban sa aratubangun. Imaw tida kanmu tagin-up hanggan kay ibug sabihun. Tutuu gid ti tanan niku sinabi.”

Danyil 2:47

Magkun siya sa kan Danyil, “Dahil sa kanmu pagtultul sa kang tagin-up ag pagtultul kay ibug sabihun, tutuu gid kanmu Diyus imaw ti higit makapangyarihan sa tanan pag diyus. Siya ti kailangan kilalan-un pag Panginuun manga hari. Ag siya lang gid ti makatultul manga madalum pag manga katutuuhanan.”

Amus 3:7

Sa tutuu, unman magbuwat ti Panginuun Diyus una hintay nu unman niya inda ipinasandam sa kay manga manugsirbi pag manga purupita.

Matiyu 24:40

Sa ati pag manga sirang, may duwa ka lalaki magtarabahu sa tanman, bul-un kay usa, tayakan kay usa.

Markus 13:23

Tandai gid niyu dahil udwaya nangyari tunda, ipinasandam yi niku daan sa kanyu.”

Ipisu 1:17

Kang paghagadun sa Diyus nita Panginuun Hisu-Kiristu, sa makamaskihan pag Ama, hampay ipakaun niya sa kanyu ti Ispiritu Banal, imaw ti tumudlu sa kanyu ag pumakakit tungkul sa Diyus hampay makilala niyu siya.

Huswi 11:6

Magkun ti Panginuun sa kan Huswi, “Danga kamu magkadala sa kanda, dahil aldaw sa kainda diman pag udas, panmatyun niku sida tanan para sa Israil. Pilayi niyu kanda manga kabayu, ag sunuga kanda manga kalisa.”

Ipinakakit 4:1

Bag-u tuhay maan kay ipinakakit Diyus sa kangku. Nakitan niku sa langit ti usa ka sabian mabukasan. Nadnugan maan niku ti matnug pag bagaw ga budyung kay kadaka kay tunug magkun, “Pag-atay tag kawu sa tungud hampay kang ipakakit sa kanmu ti manga bagay mangyari aban.”