Gimpuunan 40:8 - Hanunuu

⁸ Sinmagut sida, “Nanagin-up ngani duy kami dapat unman may makatultul kay ibug sabihun inda.” Magkun si Husi, “Ti Diyus ti magpakaun kadunungan sa pagtultul kay ibug sabihun manga tagin-up. Ta malu, tultulan niyu sa kangku nu hintay kanyu manga tagin-up.”

Gimpuunan 40:8 Iomraidhean Croise

Gimpuunan 40:9

Nakan itinultul takinan manugsirbi irinmun hari kay tagin-up. Magkun siya, “Nanagin-up duy aku may usa ka wakat ubas sa kang atubangan

Gimpuunan 41:25

Magkun si Husi sa hari, “Mahal Hari, ti duwa nimu ka tagin-up usa lang duy kay ibug sabihun. Sa panab-anan inda pag manga tagin-up nimu, pag-ipaburayhaw Diyus sa kanmu nu hintay kay buwatun.

Hub 33:23

“Dapat nu may usa lang sa linibu manga anghil ti manab-anan sa kanya ag sa Diyus bag-u pumaalala sa kanya nu unu ti dapat niya buwatun,

Kanta 25:14

Panginuun, arani kawu sa manga tawu maggalang sa kanmu ag pag-ipaalaala nimu sa kanda kanmu kasunduan.

Isayas 8:19

Nu may magsabi sa kanyu paghagad kamu pasandam ginan sa manga namatay sa panab-anan manga panhirian ag manga pandaniwan magbudung-budung, danga niyu pagbuwata tida. Unman aw kailangan sa Diyus kamu paghumagad pasandam? Hayga sa manga namatay kamu pag mamaingana para sa buhi?

Danyil 2:11

Makuri gid kanmu paghagadun, Mahal Hari. Ti manga diyus lang gid ti makabwat katida, dapat unman sida mag-uli kaibahan sa manga tawu.”

Danyil 2:27

Sinmagut si Danyil, “Mahal Hari, unman may una si unu pag madunung, una pandaniwan, una manugsalumangka, ngatay manughula ti makatultul sa kanmu tagin-up.

Danyil 2:28

Dapat may Diyus sa langit makapaliwanag manga madalum pag katutuuhanan. Mahal Hari, sa panab-anan nimu tagin-up, ipinaalam Diyus sa kanmu nu hintay ti mangyari sa aratubangun. Taynguna itultul niku sa kanmu ti manga pangakakitun kanmu nakitan sa tagin-up.

Danyil 2:3

Pagka rinmas-ug sida magkun ti hari sa kanda, “Nanagin-up aku ag magpaaburidu gid inda sa kangku, nakan ipinatawag niku kamu dahil gustu niku maalaman nu hintay kay ibug sabihun tunda pag tagin-up.”

Danyil 2:47

Magkun siya sa kan Danyil, “Dahil sa kanmu pagtultul sa kang tagin-up ag pagtultul kay ibug sabihun, tutuu gid kanmu Diyus imaw ti higit makapangyarihan sa tanan pag diyus. Siya ti kailangan kilalan-un pag Panginuun manga hari. Ag siya lang gid ti makatultul manga madalum pag manga katutuuhanan.”

Danyil 4:8

“Pagka sa uryan, nag-atag si Danyil sa kangku. (Iningarnan siya Biltisasar imaw kay ngaran niku diyus. Ag asan sa kanya ti ispiritu banal pag manga diyus.) Itinultul niku sa kanya kang tagin-up.

Danyil 5:16

Dapat nabaritaan niku madunung kawu mag-alam manga kahulugan, ag kaya diman nimu alamun ti manga makuri pag manga kakurian. Bag-u nu mabasa nimu tunda pag nisurat ag mitultul kay kahulugan tunda, parutayan niku kawu panrutayun hari ag paunuan gintu. Ag buwatun niku kawu ikatlu sa pinakaabwat pag takinan sa kang kaharian.”

Amus 3:7

Sa tutuu, unman magbuwat ti Panginuun Diyus una hintay nu unman niya inda ipinasandam sa kay manga manugsirbi pag manga purupita.