Gimpuunan 40:20 - Hanunuu

²⁰ Nagras-ug ti ikatlu pag sirang ag inda ti kasirangan hari Ihiptu. Nakan nag-alistu siya para sa tanan takinan niya. Pinaluwas niya sa pirisuhan ti takinan manga manugsirbi niya irinmun hanggan ti takinan manugtama tinapay, bag-u pinaatubang sa kay manga takinan.

Gimpuunan 40:20 Iomraidhean Croise

Gimpuunan 21:8

Dinmaka si Isaak, ag pagka sa sirang niwalay yi siya sa kay magsusu sa kay ina, nanhiwat si Abraham usa ka daka pag karan-an.

Gimpuunan 40:13

Udwaya magkatapus ti tulu ka sirang, paluwasun kawu hari sa pirisuhan ag ibalik kawu sa kanmu buruwatun bilang manugsirbi irinmun niya.

Gimpuunan 40:19

Udwaya magkatapus ti tulu ka sirang, paluwasun kawu hari sa pirisuhan, dapat puldan kawu ulu ag kanmu bangkay tuhugun matarum pag kayu, bag-u tindukun inda manga manuk.”

1 Hari 3:15

Napulaw si Sulumun, ag nasalman niya naghampang ti Panginuun sa kanya sa panab-anan tagin-up. Pagbalik ni Sulumun sa Hirusalim, tinmindug siya sa atubangan Kaban Kasunduan Panginuun, ag nanhandug, manga handug pagsunugun hanggan manga handug para sa mayad pag pakiusa. Ag nagpaalistu siya karan-unun para sa tanan niya manga manugpamahala.

2 Hari 25:27

Pagka sa ika-37 pag timpu sa kay pagkabihag ni Hari Hihuyakin taga Huda, naghari sa Babilunya si Ibil Mirudak. Pinalpasan niya si Hihuyakin pagka sa 27 pag sirang sa ika-12 ka bulan sa tunda pag timpu.

Istir 1:3

Pagka may tulu yi ka timpu kay pagka hari, nag-alistu siya daka pag karan-an sa kay manga takinan ag sa iba waya niya suruguun sa balay hari. Nandulud diman waydi ti manga takinan manga sundalu taga Pirsiya hanggan taga Midya, una ti may kangaranan pag manga tawu hanggan ti manga takinan manga purubinsiya.

Hub 3:1

Pagka dugay, nagbagaw si Hub ag sinaadan niya kay sirang kapanganakan.

Kanta 105:19

tugka sa nangyari kay ipinurupita. Ti tultulanun Panginuun natupad sa kanya magpatutuu kuntay matadlung siya.

Hirimyas 52:31

Katpung ika-37 pag timpu kay pagkabihag ni Hari Hihuyakin taga Huda, naghari sa Babilunya si Ibil Mirudak. Pinalpasan niya si Hihuyakin pagka sa ika-25 pag sirang sa ika-12 pag bulan sa tida diman pag timpu.

Matiyu 14:6

Pagka nagras-ug ti sirang kay pag-alalahanun ni Hirudis kay kapanganakan, nagsayaw sa atubangan manga bisita ti anak babayi ni Hirudiyas. Binaya gid ni Hirudis ti daraga.

Matiyu 25:19

“Pagka dugay pag timpu nagluwang maan kay amu tunda pag manga panawuhun bag-u kay inusisa ti kuwarta sa kanda.

Markus 6:21

Pagka dugay nakakit waydi si Hirudiyas kay paraan. Ati katpung pag-alalahanun ni Hirudis kay kapanganakan. Nagbuwat si Hirudis karan-an sa kay nasakupan may katungkulan, sa manga manugmandar sundalu ag sa may manga kangaranan sa Galiliya.