Gimpuunan 4:9 - Hanunuu

⁹ Nagpaingana ti Panginuun sa kan Kain, “Naan yi duy kanmu ari si Abil?” Nagsagut si Kain, “Tau duy, aku lugud alam aw. Hayga, aku aw lugud ti manugbantay niku ari?”

Gimpuunan 4:9 Iomraidhean Croise

Gimpuunan 37:26

Magkun si Huda sa kay manga patar-ari, “Hintay kanta mab-ul nu matyun nita kanta patar-ari ag ilihim kay pagkamatay?

Gimpuunan 37:32

Bag-u dinara nida sa kanda ama kay rutay ni Husi ag magkun, “Nakitan duy nimi inda. Bantayi duy niyu kaayad nu kan Husi ngani inda ngatay bukun.”

Gimpuunan 4:10

Magkun ti Panginuun sa kan Kain, “Hintay lugud kanmu binwat? Kay dugu nimu ari ga magdangup sa kangku ginan sa daga magpaawa-awa hampay balusan niku ti nagmatay sa kanya.

Kanta 9:12

Unman niya pagkalimtan ti magpaawat manga pag-unuunuhun; pagbalusan niya ti manga magpakuri sa kanda.

Kanta 9:13

Panginuun, bantayi nimu nu kabitay kay magpakuri sa kangku niku manga kalaban. Kaawai duy aku ag ribrihan sa kamatayan,

Kabagawan 28:13

Unman gid kawu umunlad nu balaw nimu isabi kanmu manga kasalanan, dapat nu itultul nimu inda ag dayuun, kaawaan kawu Diyus.

Huwan 8:44

Parihu kamu sa kanyu ama, sa diyablu. Gustu diman niyu buwatun ti kagustuhan niyu ama. Kaybi ginan waya sa kabag-u usa ka manlilibun tawu tunda. Unman gid siya magpakampi baliwa sa katutuuhanan dahil unman may makitan katutuuhanan sa kanya. Nu magbagaw siya kapudilan, tida kay yi gid ugali. Dahil tutuu gid pudilun siya. Sa kanya ngap ginan ti gimpuunan kapudilan.