Gimpuunan 4:4 - Hanunuu

⁴ Si Abil waydi nagbuul usa sa kay panganay pag manga alaga hayup, iniyaw niya inda ag ihinandug sa Diyus ti pinakamayad pag bahagi. Nakabaya ti Panginuun sa kan Abil hanggan sa kay handug,

Gimpuunan 4:4 Iomraidhean Croise

Gimpuunan 15:17

Pagka nisalup yi ti init ag madlum yi, rargu may nakitan si Abram anglit mag-anus ag may sulu maglakaw sa karaw-an manga linapa hayup.

Gimpuunan 4:3

Sa usa ka sirang, nagdara si Kain kay manga burak halaman kay ihinandug sa Panginuun.

1 Hari 18:24

Pagkatapus, mandarangin kamu sa kanyu diyus, ag mandarangin diman waydi aku sa kang Panginuun. Ti sumagut sa panab-anan apuy imaw ti tutuu pag Diyus.” Ag pinmaangay ti manga tawu.

1 Hari 18:38

Susun rinmas-ug ti apuy ginan sa Panginuun, ag inirub ti handug, ti pagba, ti manga batu hanggan ti daga, ag nak-at ti kanal.

1 Krunika 21:26

Bag-u nagbuwat siya ati harandugan para sa Panginuun ag nansagda manga handug pag sunugun ag manga handug para sa mayad pag pakiusa. Ag rargu nandarangin siya. Sinagut siya Panginuun sa panab-anan pagpadara apuy ginan sa langit hampay sunugun ti manga handug sa harandugan.

2 Krunika 7:1

Pagka natapus ni Sulumun kay darangin, may apuy dinmugsun ginan sa langit ag inayum ti handug pagsunugun hanggan ti iba waya pag manga handug, ag nasaput kadayawan Panginuun ti Balay Diyus.

Kanta 20:3

Mana tanggapun niya kanmu manga handug, hanggan yi kanmu handug surunugun.

Pag-ighit 13:12

italaga niyu sa Panginuun kanyu panganay pag anak lalaki hanggan ti lalaki pag panganay niyu hayup, dahil sa Panginuun tunda.

Kabagawan 3:9

Dayawa ti Panginuun sa panab-anan pagsagda kanmu manga kasiyunan sa kanya, hanggan pagsagda un-an pag bahagi sa tanan nimu ani.

Manugtudlu 4:4

Nakitan diman niku ti tawu magpangabudlay ag magbuwat gid sa kay kakayahan dahil maghirak siya sa kay kaparihu. Unman diman inda may pulus; ga parihu lang sa maglagas kawu durus.

Bilang 16:15

Nagalit si Muysis, magkun siya sa Panginuun, “Danga pagtanggapa kanda manga handug. Unman aku may kasalanan una sa kantapu sa kanda; unman aku may bin-ul sa kanda una lang usa ka asnu.”

Bilang 16:35

Bag-u nagpadara ti Panginuun apuy, ag inirub ti 250 ka tagasunud ni Kura maghandug kamangyan.

Bilang 18:12

Pag-ipakaun diman niku sa kanyu ti mayad pag manga kalakal pag-ihandug manga Israilita ginan sa kanda un-an ani: lana, irinmun ubas, ag uyas.

Bilang 18:17

Dapat danga niyu pagpalukatan ti panganay tudu baka, karanidu ngatay kambing dahil kangku inda. Iyawun niyu ag iwidwisik kay dugu sa harandugan bag-u sunugun kay taba, handug sa panab-anan apuy. Kay hungaw inda pag handug makapasulung sa kangku.

Hibriyu 11:4

Dahil sa kay pagsarig ni Abil, nakan mayad man kay ihinandug sa Diyus balaw lang ngap ga kan Kain pag ihinandug. Dahil diman sa kan Abil pagsarig nakan binaya Diyus kay ihinandug sa kanya ag kinilala Diyus si Abil kuntay siya matadlung. Dahil una taynguna tigbak yi si Abil, nagmustara waya siya sa kanta dahil sa kay pagsarig.

Hibriyu 9:22

Angay sa Kasuguan harus ngani ti tanan bagay paglumpiyuhun sa dugu, ag nu unman may nabuhus dugu, unman waydi may kapatawadan sa kasalanan.

Ipinakakit 13:8

Sumamba sa kanya ti tanan tawu magkabuhi sa babaw daga, purya lang ti manga tawu kay ngaran nisurat yi sa ribru kabuhian ginan waya sa pagkalalang kalibutan. Tunda pag ribru kay apu ti Anak Karanidu imaw ti minatay.

Talaghusay 6:21

Bag-u tinanggap anghil Panginuun ti karan-unun, sa panab-anan niya pudpud sugkud paghiyaptan. Kadaka lang inmapuy ginan sa batu, ag inirub apuy ti taguban ag tinapay. Bag-u nadura ti anghil Panginuun.

1 Samwil 15:22

Dapat nagsagut si Samwil, “Magbaya aw lugud ti Panginuun sa manga handug niyu kaysa pagsunud sa kanya? Ti pagsunud sa Panginuun mas mayad man kaysa manga handug. Ti pagpatingi sa kanya mas mayad man kaysa paghandug manga taba karanidu.