Gimpuunan 39:9 - Hanunuu

⁹ Unman yi duy may tumupung sa kangku sa inda pag magtal-anakan. Ikinatiwala niya sa kangku ti tanan purya lang sa kanmu dahil asawa niya kawu. Nakan balaw duy niku mabuwat tunda sa kang amu ag magkasala sa Diyus.”

Gimpuunan 39:9 Iomraidhean Croise

Gimpuunan 13:13

Ti manga tawu sa Suduma daut gid ag makasalanan. Subra gid kanda kadautan laban sa Panginuun.

Gimpuunan 20:3

Usa ka yabi, napakakit ti Diyus sa kan Abimilik sa panab-anan usa ka tagin-up. Magkun siya, “Mamatay kawu dahil bin-ul nimu tunda pag babayi may asawa yi.”

Gimpuunan 20:6

Magkun waya sa kanya ti Diyus sa tagin-up, “Hu, alam niku unman kawu may gayak daut, nakan balaw niku ipinahintulut garawun nimu siya hampay balaw kawu magkasala sa kangku.

Gimpuunan 20:9

Bag-u ipinatawag ni Abimilik si Abraham ag pinaingana, “Hintay inda kanmu binwat sa kanmi? Hintay kang kasalanan sa kanmu? Hayga dinarahan nimu kadamhakan kang buu kaharian? Balaw mayad kanmu binwat.

Gimpuunan 24:2

Sa usa ka sirang, hinampang niya kay manugpamahala pag suruguun taga asikasu sa tanan niya kasiyunan. Magkun siya, “Paulian kanmu usa ka kamang sa tab-anan niku balangbang,

Gimpuunan 39:10

Una sirang-sirang ti maggarya babayi sa kan Husi hampay man-ululidan, unman diman gid magpasnu si Husi.

Gimpuunan 41:40

Pag-iintirga kawu niku taynguna taga asikasu niku kaharian ag bilang gubirnadur buu Ihiptu, bag-u sumunud sa kanmu ti tanan tawuhan niku. Dapat mas makamaskihan aku kaysa kanmu.”

Gimpuunan 42:18

Sa ikatlu pag sirang, magkun si Husi sa kanda, “Maggalang aku sa Diyus, nakan pakan-an niku kamu panahun hampay mabuhi nu sundun niyu kang pag-isugu sa kanyu.

2 Samwil 11:27

Pagkatapus panrukuan, ipinab-ul siya ni Dabid ag dinara sa balay hari. Inasawa siya ni Dabid ag unman nagdugay, nagkaimaw siya usa ka anak lalaki. Dapat daut kan Dabid binwat sa magbantay Panginuun.

2 Samwil 12:13

Magkun si Dabid sa kan Natan, “Nagkasala aku sa Panginuun.” Nagsagut si Natan, “Pinatawad yi kawu Panginuun ag balaw kawu mamatay.

Nihimyas 5:15

Dapat ti manga gubirnadur nag-una nagbaliw pabuyat sa manga tawu, dahil maghagad gid sida sa kanda sirang-sirang pagkaun hanggan irinmun purya waya sa 40 ka pulud pilak. Hanggan kanda manga may kangaranan nagpakuri sa manga tawu. Dapat unman gid niku tunda binwat, dahil magkadala aku sa Diyus.

Nihimyas 6:11

Dapat sinmagut aku, “Balaw inda pag lalaki ti malagiw; hayga aku malagiw ag patagu sa sulud Balay Diyus hampay iribri kang buhi? Balaw aku patagu!”

Hub 31:23

Balaw niku mabuwat inda pag manga bagay dahil magkadala aku sa parusa ag sa kamaskihan Diyus.

Kanta 51:4

Sa kanmu lang gid aku nagsalan. Binwat niku ti manga bagay daut sa kanmu magbantay. Nakan tama kawu sa kanmu manga pagbagawun laban sa kangku. Balaw kawu nagsalan sa kanmu pagsintinsiya sa kangku.

Pag-ighit 20:14

“Danga kamu magpanguragin.

Kabagawan 6:29

Nakan nu mangulid kawu asawa iba, makurian kawu.

Kabagawan 6:32

Ti tawu mag-ulid sa asawa iba unman may intindi. Pagdautun lang niya kay sadili.

Manugtudlu 7:26

Nasalman niku ti babayi magtuksu mas mapait waya kaysa kamatayan. Kay pagmahal parihu sa suduk, ag kay manga kamang maghakus sa kanmu parihu sa tarikada. Makaaman sa kanya ti tawu mayad sa pamantay Diyus, dapat ti makasalanan masduk niya.

Hirimyas 28:16

Nakan inda ti pagsabihun Panginuun, ‘Madura kawu sa inda pag kalibutan. Mamatay kawu sa inda diman pag timpu dahil tinudluan nimu ti manga tawu manlaban sa kangku.’ ”

Hirimyas 50:7

Siniba sida manga nakakit sa kanda. Magkun ti manga kalaban nida, ‘Nagsalan sida sa Panginuun imaw ti tutuu nida paraharyan ag pagsarigan manga kaumputan nida nakan unman kita may kasalanan sa kanta paggira sa kanda.’

Libitiku 20:10

Nu ti usa ka lalaki mangulid sa asawa iba, siya hanggan ti babayi kailangan matyun.

Libitiku 6:2

tungkul sa maglabag sa kagustuhan Panginuun sa panab-anan pandaya sa kay kaparihu tungkul sa kay manga kasiyunan ipinahamnu aw ngatay iinintirga sa kanya, una abi sa pagtakaw sa tunda pag manga kasiyunan hanggan sa magpanguwarta,

Bilang 32:23

“Dapat nu balaw katida kanyu buwatun, magkasala kamu sa Panginuun, ag pihu gid bayadan niyu kanyu kasalanan.

Lukas 12:48

Dapat ti unman nakaalam sa kay amu daan bilin, bag-u bumuwat siya daut kailangan siya bakulun, dapat balaw masyadu waydi kay bakul sa kanya. Nu mayamu ti ipinakaun sa usa ka tawu mayamu diman ti paghanapun sa kanya. Nu mas lalu mayamu ti inintirga sa kanya, lalu diman ngap ti paghanapun sa kanya.”

1 Kurintu 4:2

Ti piniyaran kailangan pagtupad sa kay buruwatun niya amu.

Titu 2:10

Sabihi nimu sida danga maggawhin. Kailangan paglubus masarigan sida hampay sa tanan nida ugali pag-ipakakit nida ti kaayadan kay pag-itudlu Diyus imaw kanta Manugribri.

Hibriyu 13:4

Kailangan galangun tanan tawu ti pag asawa. Kailangan magtupad ti mag-asawa sa usa kag sa usa. Dahil ti manga mahalay hanggan ti magpanguragin pasay sintinsiyahan Diyus.

1 Huwan 3:9

Una hintay pag tawu ti nianak Diyus unman mag-ugali sa kasalanan, dahil kay tinanggap yi ti bag-u buhi ginan sa Diyus. Dayu mahimu siya mag-ugali sa kasalanan dahil Diyus yi kay Ama.

Ipinakakit 21:8

Dapat makuri masyadu ti malakawan manga madalain, manga unman nagsarig sa Diyus, manga magkadara sa daut pag kahalayan, manga maglibun sa kay kaparihu tawu, manga uragin, manga magsarig sa kapangyarihan ni Satanas, manga magsamba sa diyus-diyusan hanggan tanan pag manga pudilun. Iyamut sida sa malabdaban danaw apuy asupri, tida imaw ti ikadwa pag kamatayan.”

Ipinakakit 22:15

Dapat matayak sa luwas banwa ti manga daut pag tawu, ti manga magsarig sa kapangyarihan ni Satanas, ti manga magpanguragin, ti manga maglibun tawu, ti manga magsamba sa diyus-diyusan, ti tanan magbaya sa maradaya hanggan ti manga magdaya.