Gimpuunan 39:4 - Hanunuu

⁴ nakan mayad kay magpakiusa niya sa kan Husi. Binwat niya siya katiwala ag manugpamahala niya magtal-anakan hanggan tanan niya kasiyunan.

Gimpuunan 39:4 Iomraidhean Croise

Gimpuunan 15:2

Dapat magkun si Abram, “Panginuun Diyus, hintay kay pulus kanmu pirimyu sa kangku nu tugka taynguna unman aku may anak. Kang manugmana lang si Iliyisir taga Damasku.

Gimpuunan 18:3

ag magkun, “Panginuun, nu kanyu gustu duy, paghapit waya kamu atay sa kanmi.

Gimpuunan 19:19

Kinaawaan nimu aku ag pinakakitan kaayadan sa panab-anan pagribri sa kang buhi. Dapat arayu duy ti bantud; barang matakdan aku kadamhakan ag mamatay bag-u di makaras-ug ati.

Gimpuunan 24:2

Sa usa ka sirang, hinampang niya kay manugpamahala pag suruguun taga asikasu sa tanan niya kasiyunan. Magkun siya, “Paulian kanmu usa ka kamang sa tab-anan niku balangbang,

Gimpuunan 32:5

Ag sabiha niyu sa kanya kuntay may manga baka aku, manga asnu, karanidu, kambing hanggan manga suruguun lalaki ag babayi. Sabiha niyu sa kanya kamu kang sinugu hampay hilingun sa kanya ti mayad pag pakiusa niya sa kangku.”

Gimpuunan 33:10

Dapat magpilit gid si Hakub, “Tanggapa yi gid duy nimu tunda. Nu ungud ngani pinatawad yi nimu aku, tanggapa kang pakaun sa kanmu. Dahil igu nakitan niku kanmu uyahun, naungdan niku kanmu pagtanggap sa kangku, ga nakitan diman niku ti uyahun Diyus.

Gimpuunan 33:8

Nagpaingana waya si Isaw sa kan Hakub, “Hintay kay ibug sabihun manga gurupu hayup kang nasulang?” Magkun si Hakub, “Pakaun niku tunda sa kanmu hampay tanggapun nimu aku.”

Gimpuunan 39:8

Dapat unman nagpasnu si Husi. Magkun siya sa babayi, “Patingihi duy nimu aku! Ikinatiwala duy sa kangku niku amu ti tanan niya kasiyunan, nakan udyi siya nag-alinlangan sa manga butang atay sa kay magtal-anakan.

1 Hari 16:9

Si Simri, usa sa manga may kangaranan ni Ila ag kumandir katunga manga manugkalisa, naggayak daut laban sa kanya. Usa ka sirang, nanlangu si Ila ati sa Tirsa, sa balay ni Arsa, imaw ti manug-asikasu ati sa balay hari.

Istir 2:9

Nakabaya gid si Hagay sa kan Istir, nakan mayad gid kay nabubut-un sa kanya. Nakan madali gid niya pinakan-an siya karan-unun hanggan kay pangailangan sa pagparinu. Hinanapan di gid marinu pag sulud-sulud ag pinakan-an pitu ka suruguun babayi.

Kabagawan 14:35

Magbaya ti hari sa madunung pag suruguun, dapat pagkadat-an niya ti magpakay-a sa kanya pag suruguun.

Kabagawan 16:7

Nu pagbayaun Panginuun kanta ugali, una manga kalaban buwatun niya kaibahan nita.

Kabagawan 17:2

Ti madunung pag suruguun mandumara sa makakaray-a pag anak niya amu, ag pakan-an siya maranahun kaibahan sa iba waya pag manga anak niya amu.

Kabagawan 22:29

Ti tawu mayad magtarabahu sumirbi sa hari ag balaw sa kay kaparihu lang tawu.

Kabagawan 27:18

Nu alagaan nimu ti puun igus, makakaun kawu kay burak. Katunda diman nu alagaan nimu kanmu amu, parangalan kawu niya.

Kabagawan 3:4

Nu buwatun nimu inda, makabaya sa kanmu ti Diyus hanggan ti manga tawu, ag bumaliw mayad kanda magbantay sa kanmu.

Binwat 20:28

Ingatan duy niyu kanyu sadili hanggan ti iglisya dahil sida iinintirga Ispiritu Banal sa kanyu. Pangalagaan niyu ti iglisya Diyus kay sinakup niya pagka ibinuhus ti dugu niya Anak sa kay kamatayan.

Rut 2:6

Sinmagut kay piniyaran, “Usa duy siya ka Muabita kinmuyug sa kan Nuymi sa kay pagbalik ginan sa Muab.

1 Samwil 16:22

Bag-u nagpadara tultulanun si Saul sa kan Isai magkun, “Pabay-ani dap sitaay sa kangku si Dabid hampay mansirbi sa kangku dahil pagbayaun gid niku siya.”

1 Samwil 2:26

Si Samwil waydi mag-amat magdaka ag pagbayaun gid siya Panginuun hanggan manga tawu.