Gimpuunan 39:2 - Hanunuu

² Giniyahan Panginuun si Husi, nakan marapanalu siya. Ati siya pag mag-uli sa balay niya amu Ihipsiyu si Putipar.

Gimpuunan 39:2 Iomraidhean Croise

Gimpuunan 21:20

Balaw pinabay-anan Diyus si Ismail tugka sa dinmaka. Ati siya pag nangulian sa pangawakawaan Paran ag usa siya ka manugpana. Sa kadugayun, ipinaasawa siya niya ina sa usa ka Ihipsiyu.

Gimpuunan 21:22

Ati katpung pag panahun, inmati si Abimilik sa kan Abraham kaibahan kay takinan manga sundalu si Pikul. Magkun si Abimilik sa kan Abraham, “Pag-awatan ungud kawu Diyus sa tanan nimu pagbuwatun.

Gimpuunan 26:24

Sa tunda pag yabi sa kay pagras-ug, napakakit sa kanya ti Panginuun ag magkun, “Aku ti Diyus nimu ama, ni Abraham. Danga kawu magkadala dahil kaibahan nimu aku. Papaladan niku kawu ag pakan-an mayamu pag lahi dahil sa kan Abraham kang manugsirbi.”

Gimpuunan 26:28

Sinmagut sida, “Napatutuuhanan nimi ti Panginuun kaibahan nimu, nakan nag-isip kami kailangan kita bumuwat kasunduan. Pagsumpa kawu sa kanmi

Gimpuunan 28:15

Pirmi nimu alalahanun aku kanmu kaibahan ag alagaan niku kawu una naan tabug. Ipabalik niku kawu sa inda pag daga ag balaw pabay-anan tugka sa matupad niku kang itinaratu sa kanmu.”

Gimpuunan 39:23

Unman nag-alinlangan ti manugpamahala pirisuhan sa manga ikinatiwala niya pag butang sa kan Husi, dahil paggiyahan Panginuun si Husi ag pagpapaladan sa tanan pagbuwatun niya.

Gimpuunan 39:3

Nakitan ni Putipar paggiyahan Panginuun si Husi ag pagpapaladan sa tanan niya buruwatun,

2 Hari 18:7

Pag-ibahan siya Panginuun, ag magpanalu siya sa tanan niya pagbuwatun. Naglaban siya sa hari Asirya ag unman nagsirbi sa kanya.

1 Krunika 9:20

Sa kabag-u si Piniis kay anak ni Iliyasar imaw ti takinan manga guwardiya sa sabian, ag inibahan siya Panginuun.

2 Krunika 1:1

Marig-un kay maghari ni Sulumun kay anak ni Dabid sa kay kaharian dahil kaibahan niya ti Panginuun niya Diyus, ag binwat siya makapangyarihan gid.

Kanta 1:3

Parihu siya sa kayu itinanum sa saruy sapa magburak nu udas tig bururak, ag balaw magkarubay kay manga labung. Ti kainda pag tawu umalwan sa kay manga pagbuwatun.

Kanta 46:11

Ti Panginuun Makamaskihan kaibahan nita. Ti Diyus ni Hakub imaw kanta darangpan.

Kanta 46:7

Ti Panginuun Makamaskihan kaibahan nita. Ti Diyus ni Hakub imaw kanta darangpan.

Kanta 91:15

Nu mandangup siya sa kangku, sagtun niku siya; nu udas may kakurian, ibahan niku siya; iribri niku siya ag pakan-an kadayawan.

Isayas 41:10

Danga kawu magkaarimputu dahil aku kanmu Diyus. Pabisugun niku kawu ag awatan. Alagaan niku kawu sa panab-anan niku kamaskihan imaw ti rumibri sa kanmu.

Isayas 43:2

Nu lumakaw kawu sa danum, kaibahan nimu aku. Nu dumipay kawu sa manga sapa, balaw kawu malimus. Nu lumakaw kawu sa apuy, balaw kawu mairub; kay labdab balaw umunu sa kanmu.

Hirimyas 15:20

Buwatun niku kawu parihu sa maganit pag alad galang sa inda pag manga tawu. Kalabanun kawu nida dapat unman kawu nida madaug, dahil kaibahan nimu aku. Alagaan niku kawu ag iribri.

Matiyu 1:23

“Ti tugnaw pag daraga magkabuduy aban ag manganak anak lalaki. Kay ngaran kanda ipaingaran sa kanya si Imanwil.” (Kay ibug sabihun, sa kanta ti Diyus.)

Binwat 8:31

Nagsagut ti pinunu magkun, “Kabitay pag masalman niku inda nu unman may tawu magpaliwanag sa kangku?” Bag-u ipinasakay niya si Pilipi sa kay kalisa, pinatukaw sa kay arani.

1 Timutiyu 6:1

Ti mayad paggalang ti manga panawuhun sa kanda amu hampay unman may ikalibak sa ngaran Diyus una hanggan sa kanta surundanun.

Huswi 1:5

“Unman may makatalu sa kanmu habang buhi kawu, dahil ibahan niku kawu parihu sa kang nag-iba sa kan Muysis. Balaw niku kawu tayakan ag pabay-anan.

Huswi 1:9

Alalahana nimu inda kang manga bilin sa kanmu: ‘Pagpakarig-un kawu hanggan pagkatutum. Danga kawu magkadala ngatay maglumuy, dahil aku, ti Panginuun kanmu Diyus, kaibahan nimu una naan tag kawu.’ ”

Huswi 6:27

Giniyahan gid Panginuun si Huswi, ag nibantug siya sa buu daga.

1 Samwil 16:18

Sinmagut ti usa sa kay manga suruguun, “Nakitan duy niku ti usa sa manga anak ni Isai taga Bitlihim, madunung gid siya magtugtug alpa. Bukud waya siti, maisug duy siya ag madunung sa labanan, marinu pag lalaki, madunung siya nu magbagaw, ag pag-awatan siya Panginuun.”

1 Samwil 18:14

Magpanalu gid si Dabid sa tanan niya pagbuwatun dahil kaibahan niya ti Panginuun.

1 Samwil 18:28

Pagka naalaman ni Saul paggiyahan Panginuun si Dabid ag pagmahalun gid siya ni Mikul,

1 Samwil 3:19

Parargu paggiyahan Panginuun si Samwil habang siya magdaka. Pinahintulutan Panginuun matupad ti tanan sinabi ni Samwil.