Gimpuunan 38:9 - Hanunuu

⁹ Dapat alam ni Unan balaw bumaliw kanya ti mianak nida pag anak, nakan kada mag-ululidan sida ni Tamar, balaw niya pag-islud kay similya hampay unman sida magkaanak para sa kay patar-ari.

Gimpuunan 38:9 Iomraidhean Croise

Gimpuunan 38:10

Daut kay binwat ni Unan sa magbantay Panginuun, nakan minatay diman siya Panginuun.

Hub 5:2

Ti pangagalit hanggan ti pangimun magmatay sa balaw may intindi pag tawu hanggan sa unman may kadunungan.

Kabagawan 27:4

Madala ti tawu magkagalit, dapat lalu waya madala ti tawu mag-imun.

Diyuturunumiyu 25:5

“Nu ti magtar-ari lalaki mag-uli sa usa lang ka rugar, ag namatay ti usa sa kanda unman may anak, kay asawa kailangan balaw mag-asawa sa iba sa bukun katawuhan niya asawa. Ti patar-ari niya asawa ti umasawa sa kanya. Katungkulan niya inda sa kanya.

Diyuturunumiyu 25:6

Kanda un-an pag anak lalaki baliwun anak sa namatay pag patar-ari hampay balaw madura kay ngaran sa Israil.

Titu 3:3

Nu kaybi waya kita diman nagsimray sa dalan, kurang kita sa intindi, manga palasupladu kita, ga panawuhun kita nita sadili kagustuhan naisipan hanggan tanan kalasi kasayahan. Ati katpung may ugali diman kita magkutub ag maghamnu galit ag pirmi kita kinagalitan manga iba. Nagkalagalitan diman kita sa usa kag sa usa.

Santiyagu 3:14

Dapat kamu nu mahinirakun ag maramuun kanyu tagipusuun, danga waydi niyu iyabang tunda, danga waydi ipaulam ti katutuuhanan.

Santiyagu 3:16

Dahil una naan katpung ti may parahirak ag maramuun, siyun diman ti kaguluhan hanggan ti tanan kadautan buwat.

Santiyagu 4:5

Barang kanyu isip unman mahalaga ti nisurat sa Banal Kasuratan magkun, “Magkaibug gid ti Diyus magpakiusa sa manga tawu, dahil kay pinakan-an sida arup.”

Rut 1:11

Dapat magkun si Nuymi, “Pag-uli yi kamu manga anak. Hayga manguyug waya kamu sa kangku? Kanyu aw isip makaasawa waya aku ag manganak lalaki hampay maasawa niyu? Unman yi mahimu dahil aku gurangun yi. Dapat nangus makaasawa aku taynguna pag yabi ag manganak waya,

Rut 4:10

Ag bukud waya siyun, asawan-un niku si Rut taga Muab, kay buranday ni Mahalun, hampay nu magkaimaw anak kami, pirmaminti ti daga ni Mahalun sa kay magtal-anakan, ag hampay balaw madura ti lahi niya sa kay manga kasimanwa.” Bag-u sinabi waya gid ni Buus sa manga tawu, “Kastigus kamu taynguna pag sirang!”