Gimpuunan 38:14 - Hanunuu

¹⁴ Igu nasaydan tunda ni Tamar, inilisan niya kay rutay pan balu, ag tinumungan kay uyahun. Tinmukaw siya sa may sabian banwa Inaim, sa saruy dalan atabug sa Timna. Gayak niya dayaun si Huda dahil udwaya pag-ipakaun sa kanya si Sila una kan-akan yi inda hampay kay asawan-un.

Gimpuunan 38:14 Iomraidhean Croise

Gimpuunan 24:65

ag nagpaingana sa suruguun ni Abraham, “Si unu pag tawu ti maglakaw tidaay sa may tanman?” Sinmagut ti suruguun, “Siya kang amu si Isaak.” Nakan tinumungan ni Ribika kay uyahun.

Gimpuunan 38:15

Igu nakitan ni Huda si Tamar, unman niya nakilala kay umagad maaw inda dahil may panaung kay uyahun. Kay isip usa inda ka babayi baraydan. Nakan napakarani siya sa kay arani sa saruy dalan ag magkun, “Abala, man-ululidan kita.” Sinmagut si Tamar, “Hintay kanmu ibayad sa kangku nu mangulid aku sa kanmu?”

Gimpuunan 38:26

Nakilala ni Huda kanya tunda pag manga gamit nakan magkun siya, “Balaw siya may kasalanan. Aku ti may salan dahil unman niku pinasnuan maasawa niya kang anak si Sila.” Udyi nag-uman nag-ulid si Huda sa kan Tamar.

Kabagawan 7:10

Bag-u sinulang siya babayi kay rutay parihu sa sulung babayi baraydan. Nakagayak yi siya daan nu hintay kay buwatun sa tunda pag lalaki.

Kabagawan 7:12

Pirmi siya sa luwas manga dalan ngatay sa manga pagsalakan, ag nu kas-a sa manga buruybuyahan.

Hirimyas 3:2

“Bantayi niyu ti arabwat pag rugar nu naan asan kamu pag nagsamba sa kanyu manga diyus-diyusan. May rugar aw waya ati ti unman niyu inuringan? Pinayagting niyu ti daga dahil sa kadautan niyu. Kamu ga babayi baraydan matukawan sa saruy dalan mag-alagad lalaki. Parihu diman kamu sa usa ka mananakaw mag-alagad kay matakawan sa pangawakawaan.

Isikil 16:25

ag sa manga pagsalakan manga dalan. Ag ati inuringan nimu kanmu karinuan, ag nagpagamit kawu una lang sa kantapu pag lalaki maglawuy ati. Mag-amat di magdugang kanmu pagpanguragin.