Gimpuunan 37:34 - Hanunuu

³⁴ Ginisi ni Hakub kay rutay ag nanrutay saku bilang pagpakakit niya karukuan. Nanhimanglaw siya dugay sa pagkamatay niya anak.

Gimpuunan 37:34 Iomraidhean Croise

Gimpuunan 37:29

Igu binmalik si Rubin sa bubun, udyi lagan ati si Husi. Nakan ginitas niya kay rutay dahil sa karukuan.

Gimpuunan 42:38

Dapat nagsagut si Hakub, “Balaw aku magpasnu kanyu ikuyug kang anak. Namatay yi kay patar-ari ag siya wadi ti nasawad. Barang may daut waya mangyari sa kanya sa dalan, ag sa inda pag kagurangun niku, ikamatay gid niku ti masyadu pag karukuan.”

Gimpuunan 44:13

Pagka nakitan inda magtar-arian, ginitas nida kanda manga rutay sa subra pag karukuan. Ipinasakay maan nida sa asnu kanda manga saku ag binmalik sa banwa.

2 Samwil 1:11

Pagka nadnugan inda ni Dabid hanggan tanan niya manga tawuhan, ginitas nida kanda manga rutay bilang pagpakakit paghimanglaw.

2 Samwil 3:31

Pagkatapus, sinabi ni Dabid sa kan Huab hanggan sa tanan niya kaibahan, “Gisia niyu kanyu manga rutay ag pagrutay saku. Paghimanglaw kamu habang maglakaw sa unahan bangkay ni Abnir sa paglubung sa kanya.” Nanlubung diman si Hari Dabid magdasun sa kay uryan bangkay.

1 Hari 20:31

Magkun sa kanya kay manga may kangaranan, “Nasaydan duy nimi kuntay maawaun kunu ti manga hari Israil. Nakan atag duy kami sa hari Israil, manulung saku ag manhigut lubid sa kanmi ulu. Barang nangus balaw kawu niya matyun.”

1 Hari 21:27

Pagka nasaydan ni Akab kay sinabi ni Ilyas, dinaut niya kay rutay ag nanulung saku una sa magkaturug. Balaw siya nanhandum karan-unun ag maruku nagpalakaw-lakaw.

2 Hari 19:1

Pagka nadnugan ni Hari Isikyas ti ibinarita sa kanya, ginisi niya kay rutay ag nagsulung saku, bag-u nag-atag siya sa Balay Diyus Panginuun.

2 Hari 2:12

Nakitan inda ni Ilisyu ag hinmuyaw siya, “Amang niku! Amang niku! Ti manga kalisa ag manga manugkalisa sa Israil!” Ag udyi niya nakitan si Ilyas. Bag-u ginisi niya kay rutay sa karukuan.

2 Hari 22:11

Pagka nakadnug ti hari sa nakasurat sa Ribru Kasuguan, ginitas niya kay rutay sa karukuan.

1 Krunika 21:16

Nagtangda si Dabid ag nakitan niya ti anghil Panginuun matindugan sa pawa, sa karaw-an langit ag daga may paghiyaptan baladaw matudluan sa Hirusalim. Bag-u nagluhud si Dabid hanggan ti manga manugpamahala Israil, may sulung saku sa pagpakakit sa kanda karukuan.

1 Krunika 7:22

Dugay gid nanruku si Ipraim sa kanda pagkamatay, ag nag-atag kay manga katawuhan sa pagpasulung sa kanya.

Nihimyas 9:1

Pagka sa ika-24 pag sirang sa tunda diman pag bulan, nagtipun ti manga Israilita hampay balaw manhandum karan-unun. Nanrutay sida manga saku ag pinaulian dapug kanda manga ulu.

Hub 1:20

Pagka tida nadnugan ni Hub, tinmindug siya ag ginitas kay rutay dahil sa karukuan. Bag-u inuguy niya kay buhuk bag-u napadapa sa daga hampay sumamba sa Panginuun.

Hub 16:15

Nansulung aku saku ag tinmukaw sa daga hampay manhimanglaw.

Hub 2:12

Pagka nakitan nida si Hub ginan sa arayu, harus udyi nida siya magkakilala, nakan nanlumi sida matnug. Ginitas nida kanda manga rutay ag dinapgan galbuk kanda ulu bilang pagpakakit karukuan.

Kanta 69:11

Nu magsulung aku saku sa pagpakakit pagpanrukuan niku, pagpuyaan nida aku.

Isayas 32:11

Dugay yi kamu masalimpayaan, unman may pag-isipun. Taynguna takigan yi kamu sa dala. Lukasa niyu kanyu manga rutay ag paghawud kamu saku sa kanyu awak.

Isayas 36:22

Bag-u ginisi nida ni Ilyakim, ni Sibna, ag ni Huwa kanda rutay sa masyadu pagkarukuan. Nagbalik sida sa kan Isikyas ag ipinaalam ti tanan binagaw kumandir manga sundalu.

Hirimyas 36:24

Balaw gid nadala ti hari hanggan ti tanan niya takinan sa nadnugan nida sa pagkumnun kasuratan. Balaw nida ginitas kanda rutay palatandaan sa karukuan nida.

Hirimyas 48:37

Ti kada usa nagpaburayhaw kanda karukuan sa panab-anan pagpakidkid, pag-uguy bungut, pagbiyag sa kanda manga kamang ag pagsulung manga rutay panhimanglaw.

Huwil 2:13

Pag-ampu kamu sa buu niyu tagipusuun ag balaw pabalhinguun lang pag patawad sa panab-anan paggisi kanyu manga rutay. Pagbalik kamu sa Panginuun niyu Diyus, dahil maawaun siya ag marapasunaidun. Maawaun siya balaw magalitun. Alistu siya umanun kay isip hampay balaw yi mamadara parusa.

Matiyu 11:21

Sinabi ni Hisus, “Kaawaawa kawu pag banwa Kurasin, kaawaawa kawu hanggan pag banwa Bitsayda, dahil nu abi sa banwa Tiru una sa banwa Sidun pag nabuwat ti manga makadululaw kang binwat sitay sa kanyu, dugay yi mana nanrutay saku, nagtukaw sa dapug ti manga taga ati, hampay ipakilala nida kanda nag-ampu yi sa kanda kasalanan.

Matiyu 26:65

Pagka nakadnug ti pangulu manughandug sa kay sinabi ni Hisus, ginisi niya kay sadili rutay magkun, “Inda lapastangan yi laban sa Diyus. Unman yi kailangan nita ti manga kastigus. Kamu yi ngani ti nakadnug taynguna kay lapastangan laban sa Diyus.

Binwat 14:14

Pagka naalaman nida ni Pablu ni Birnabi ti gayak manga tawu, ginisi nida kanda sadili rutay bilang ga mustara sa kanda unman magpasnu sa pagbuwatun manga tawu. Nagdali sida atag sa kayamuan tawu bag-u sinabi nida sa daraka buka,

Huswi 7:6

Dahil sa karukuan, ginitas ni Huswi hanggan manga takinan sa Israil kanda manga rutay ag pinaulian galbuk kanda manga ulu, bag-u napadapa sida sa atubangan Kaban Panginuun tugka sa yabi.

Ipinakakit 11:3

Dapat suguun niku ti duwa ka manugpadakit nakasulung rutay pustal. Bag-u itudlu nida ti Bagaw Diyus sa sulud usa ka libu may duwa ka gatus may unumpulu ka sirang kay kadugay.”

Talaghusay 11:35

Pagka nakitan siya ni Hipti, ginitas ni Hipti kay rutay, ag magkun, “Anak niku, pinaruku gid nimu aku dahil nakataratu aku sa Panginuun ihandug niku sa kanya ti un-an manulang sa kangku, ag balaw yi niku inda mabawi.”