Gimpuunan 36:8 - Hanunuu

⁸ Nakan ati pag nangulian si Isaw (pag-ingarnan diman Idum) sa kabantudan Siir.

Gimpuunan 36:8 Iomraidhean Croise

Gimpuunan 14:6

hanggan ti manga Hurita sa bantud Siir tugka sa Il Paran arani sa may pangawakawaan.

Gimpuunan 25:30

Magkun siya tag sa kan Hakub, “Aduy, nai gid duy aku kanmu pagtamaun sabakan maragang-ragang dahil magkalun-us yi gid aku.” (Nakan pag-ingarnan diman Idum si Isaw.)

Gimpuunan 32:3

May manga sinugu si Hakub pag-una sa kanya hampay manpakabta sa kay patar-ari, sa kan Isaw ati sa daga Siir, ti pag-ingarnan diman Idum pag rugar.

Gimpuunan 32:4

Tinudluan niya sida nu hintay kanda sabihun sa kan Isaw. Magkun si Hakub, “Sabiha niyu sa kan Isaw: Aku si Hakub ti pinakaababa pag manugsirbi nimu, dugay aku nangulian sa kan Laban ag unman waya aku nakauli tugka taynguna.

Gimpuunan 36:1

Inda ti tultulanun tungkul sa magtal-anakan ni Isaw (pag-ingarnan diman Idum).

Gimpuunan 36:9

Inda ti tultulanun tungkul sa magtal-anakan ni Isaw ti ama manga Idumita mag-uli sa kabantudan Siir.

1 Krunika 4:42

Kay 500 sa kanda nan-gira sa kabantudan Siir. Pagpangunahan sida ni Pilatyas, Niryas, Ripayas ag Usyil, kay manga anak ni Isi.

2 Krunika 20:10

“Taynguna, pag girahun kami manga tawu ginan sa Amun, Muab, ag Bantud Siir. Kaybi, kanda manga magkaakupahan unman nimu pinasnuan sakupun manga Israilita pagka nagluwas sida sa Ihiptu. Nakan nag-aman ti manga Israilita sa kanda ag unman sida rinuris.

2 Krunika 20:23

Ginira manga Amunita ag Muabita ti manga sundalu manga taga Bantud Siir ag rinuris sida tanan. Pagkalawuy nida manmatay, sida maan ti nanmaratyan.

Hirimyas 40:11

Nabaritaan diman tanan Hudiyu nagpinalagiw tag sa Muab, sa Amun, sa Idum ag sa iba waya manga nasyun kuntay may manga tawu tinayakan si Hari Nabukudunusur manga nasakupan sa Huda, ag binuwat niya gubirnadur si Gidalyas kay anak ni Ahikam kay laki ni Sapan.

Ubadyas 1:1

Inda ti sinabi Panginuun Diyus tungkul sa nasyun Idum sa panab-anan ni Ubadyas. Nadnugan nita, manga Israilita, ti barita ginan sa Panginuun, nagsugu siya manugbarita tabug sa manga nasyun hampay garyahun sida girahun ti nasyun Idum.

Ubadyas 1:3

Magkumun kamu unman may tumalu sa kanyu dahil mag-uli kamu sa mabatu ag abwat pag rugar. Dapat ay sa inda pag magpayabang niyu, pagdayaun lang niyu kanyu manga sadili.

Malakyas 1:3

dapat si Isaw unman. Dinaut niku kay manga kabantudan, nakan nagbaliw lang inda ulian manga simarun idu.

Diyuturunumiyu 2:22

Katunda diman ti pag-awat Panginuun sa manga linahi ni Isaw mag-uli sa Siir. Dahil ipinadamhak Panginuun sa kanda ti manga Huriyu hampay sida makapangulian sa tunda pag daga. Tugka kainda, mag-ulian di sida sa ati pag daga.

Diyuturunumiyu 2:4

Sabihun nimu sa manga tawu: Lumakaw kamu sa sakup niyu katawuhan manga linahi ni Isaw, mag-ulian sa Siir. Madala sida sa kanyu, dapat ay pag-aman kamu sa kanda.

Diyuturunumiyu 2:5

Danga niyu paglabuta sida, dahil ipinakaun yi niku sa kanda ti manga kabantudan Siir bilang kanda magkaapu, ag balaw niku kamu ayawan una lang diit pag bahagi nida daga.

Huswi 24:4

ag anak waydi ni Isaak si Isaw ag si Hakub. Ipinakaun niku sa kan Isaw ti kabantudan Siir bilang kanya pag kabahagi, dapat si Hakub ag kay manga anak nag-ati sa Ihiptu.

1 Samwil 14:47

Pagka maghari si Saul sa Israil, nanlaban siya sa manga kalaban nida sa kanda palibut. Kay manga kalaban ti manga Muabita, Amunita, Idumita, manga hari Suba, hanggan ti manga Pilistiyu. Magkatalu niya una si unu kay makalaban.