Gimpuunan 35:4 - Hanunuu

⁴ Nakan ipinakaun nida sa kan Hakub ti manga diyus-diyusan nida hanggan kanda manga aritus paggamitun bilang anting-anting. Ilinubung inda tanan ni Hakub sa sirung puun kayu insina arani sa Sikim.

Gimpuunan 35:4 Iomraidhean Croise

Gimpuunan 12:6

naparargu sida tugka sa inmaput sida sa daka puun kayu Muri ati sa Sikim. (Ati katpung, ati di waya ti manga Kananiyu.)

Gimpuunan 35:3

Atabug kita sa Bitil, ag bumuwat aku ati harandugan para sa Diyus imaw ti nag-awat sa kangku katpung sa udas niku kakurian, ag siya diman kang kaibahan una naan tabug aku.”

Gimpuunan 35:5

Igu magginan yi sida ni Hakub, dinurnan kadalaan ginan sa Diyus ti manga tawu sa palibut manga banwa, nakan unman nida linagas sida ni Hakub.

Pag-ighit 32:20

Bag-u bin-ul niya ti diyus-diyusan baka kanda binuwat, ag sinunug inda sa apuy. Rinunut niya inda ka pinu ag sinawug sa danum, bag-u ipinainum sa nasakupan Israil.

Isayas 2:20

Sa ati pag sirang, ipanyamut nida tag sa manga angbu hanggan banug ti manga tawu-tawu pilak ag gintu kanda binwat hampay sambahun.

Isayas 30:22

Baliwun yi niyu mauring kanyu diyus-diyusan binwat sa pilak ag gintu. Iyamut niyu ga mauring pag paris ag sumabi, “Balaw yi niku pagkaibgan makitan kamu!”

Husyas 2:13

Parusahan niku siya dahil may manga udas magtuub siya kamangyan sa manga diyus-diyusan ni Baal. Nansulung siya manga pamarinu ag nanlagas sa kay manga lalaki, ag kinalimtan niya aku. Aku, ti Panginuun, ti magsabi inda.

Diyuturunumiyu 7:25

Sunuga niyu kanda manga diyus-diyusan, ag danga niyu pagkaibgi kanda manga gintu hanggan manga pilak masaputan sa inda pag manga diyus-diyusan. Danga gid niyu inda pagbul-a dahil bumaliw suduk inda sa kanyu. Amanan gid niyu inda dahil pagkadat-an inda Panginuun niyu Diyus.

Diyuturunumiyu 7:5

Bagkus ngap, kaindaay kanyu buwatun: Pandauta niyu kanda manga harandugan, runuta kanda aramirawan pag manga batu, pamulda kanda manga tulduk tanda diyusa si Asira, ag sunuga kanda manga diyus-diyusan.

Talaghusay 9:6

Nag-atag ti manga taga Sikim hanggan ti taga Bit Millu sa may daka pag kayu sa Sikim ag ati binwat nida hari si Abimilik.