Gimpuunan 35:3 - Hanunuu

³ Atabug kita sa Bitil, ag bumuwat aku ati harandugan para sa Diyus imaw ti nag-awat sa kangku katpung sa udas niku kakurian, ag siya diman kang kaibahan una naan tabug aku.”

Gimpuunan 35:3 Iomraidhean Croise

Gimpuunan 28:15

Pirmi nimu alalahanun aku kanmu kaibahan ag alagaan niku kawu una naan tabug. Ipabalik niku kawu sa inda pag daga ag balaw pabay-anan tugka sa matupad niku kang itinaratu sa kanmu.”

Gimpuunan 31:3

Magkun ti Panginuun sa kan Hakub, “Pagbalik yi kawu sa daga nimu manga ginurang, ati sa kanmu manga katawuhan, ag kaibahan nimu aku.”

Gimpuunan 31:42

Nu balaw siguru aku giniyahan Diyus, ti paggalangun niku ama, ni Isaak, imaw diman ti Diyus ni Abraham, barang tinulak yi nimu aku unman may kadara-dara. Dapat nakitan Diyus kang pag-agwanta hanggan magtarabahu, nakan pinaandaman niya kawu kis-ab yabi.”

Gimpuunan 32:24

Igu usa-usa wadi siya, may rinmas-ug usa ka lalaki ag nandumug sa kanya. Nandurumugan sida sadsad gid surip.

Gimpuunan 32:7

Magkadala yi gid si Hakub ag magkaarimputu, nakan tinunga niya sa duwa ka gurupu kay manga kaibahan hanggan kay manga karanidu, baka, kambing ag kamilyu.

Gimpuunan 35:4

Nakan ipinakaun nida sa kan Hakub ti manga diyus-diyusan nida hanggan kanda manga aritus paggamitun bilang anting-anting. Ilinubung inda tanan ni Hakub sa sirung puun kayu insina arani sa Sikim.

Gimpuunan 35:7

Nagbuwat siya harandugan ati. Iningarnan niya Il Bitil tunda pag rugar dahil nagpakakit sa kanya ati ti Diyus katpung kay nalagiw sa kay patar-ari sa kan Isaw.

Gimpuunan 48:15

Pagkatapus, pinapaladan niya sida magkumun, “Mana papaladan Diyus inda pag manga anak, ti sinirbihan niku manga ginurang nida ni Abraham ni Isaak, imaw diman ti Diyus maggiya sa kangku ginan sa kang pagkalusad tugka taynguna.

Kanta 107:6

Sa kanda kakurian, nandangup sida sa Panginuun, ag irinibri niya sida.

Kanta 107:8

Kailangan pagpasalamat sida sa Panginuun dahil sa kay pagmahal ag sa kay makadululaw pag manga binwat sa manga tawu.

Kanta 46:1

Ti Diyus imaw ti mag-alaga ag magpakaun sa kanta kabisugan. Alistu gid siya pirmi mag-awat sa udas kakurian.

Kanta 50:15

Pagdangup kamu sa kangku sa udas kakurian, dahil iribri niku kamu, ag dayawun niyu aku.”

Kanta 91:15

Nu mandangup siya sa kangku, sagtun niku siya; nu udas may kakurian, ibahan niku siya; iribri niku siya ag pakan-an kadayawan.

Kabagawan 3:6

Alalahana ti Panginuun sa tanan nimu pagbuwatun, ag giyahan niya kawu sa matadlung pag dalan.

Isayas 30:19

Kamu manga taga Siun, manga nasakupan Hirusalim, balaw yi kamu utru manlumi! Kaawaan kamu Panginuun nu manhagad kamu awat sa kanya. Nu madnugan niya kanyu darangin, sagtun niya kamu.

Isayas 43:2

Nu lumakaw kawu sa danum, kaibahan nimu aku. Nu dumipay kawu sa manga sapa, balaw kawu malimus. Nu lumakaw kawu sa apuy, balaw kawu mairub; kay labdab balaw umunu sa kanmu.

1 Samwil 10:3

“Bag-u parargu kanmu lakaw siyun ginan ag rumas-ug kawu sa may daka puun kayu sa Tabur. Masulang nimu ati ti tulu ka lalaki atabug sa Bitil hampay mansamba sa Diyus. Kay usa sa kanda may dara tulu ka anak kambing, kay usa may dara tulu ka tinapay ag kay usa waya gid may dara bilugan paknul kay sukad intus.