Gimpuunan 35:27 - Hanunuu

²⁷ Nag-ati si Hakub sa kay ama sa kan Isaak sa Mamri, arani sa Kiryat Arba (pag-ingarnan diman Hibrun). Inda pag rugar ti inulianan ni Isaak imaw diman ti inulianan kaybi ni Abraham.

Gimpuunan 35:27 Iomraidhean Croise

Gimpuunan 13:18

Nakan hinalin ni Abram kay turda, ag ati siya pag nangulian sa may arani daka puun kayu ni Mamri ati sa Hibrun, bag-u nagbuwat siya ati harandugan para sa Panginuun.

Gimpuunan 14:13

Taynguna, may usa ka tawu nakapalagiw ag nagbarita sa kan Abram tungkul sa nangyari. Si Abram usa ka Hibriyu, mag-uli sa may arani daka puun kayu ni Mamri usa ka Amuriyu. Si Mamri hanggan kay manga patar-ari, sida ni Iskul ni Anir, ti manga kakampi ni Abram.

Gimpuunan 17:8

Kamu manga day-uhan lang taynguna sa daga Kanaan. Dapat ipakaun niku inda pag buu daga sa kanmu hanggan sa kanmu manga linahi. Kanyu yi inda hanggan aban, ag aku kanyu Diyus hanggan aban.”

Gimpuunan 18:1

Napakakit ti Panginuun sa kan Abraham katpung mag-uli di waya siya sa may arani daka manga puun kayu ni Mamri. Mainit tunda katpung, ag si Abraham matukawan sa may sabian niya turda.

Gimpuunan 23:19

Ilinbung ngani ni Abraham si Sara sa lukib ati sa tanman Makpila, sakup daga Kanaan. Ti Makpila arani sa Mamri pag-ingarnan diman Hibrun.

Gimpuunan 23:2

Ati siya pag namatay sa Kiryat Arba (imaw diman ti Hibrun) sa daga Kanaan. Masyadu gid kay karukuan ni Abraham sa pagkamatay ni Sara.

Gimpuunan 28:5

Bag-u pinaati ni Isaak si Hakub sa Padan Aram, sa rugar ni Laban kay anak ni Bitwil usa ka Amuriyu. Si Laban kay patar-ari ni Ribika kay ina nida ni Hakub ni Isaw.

Gimpuunan 49:29

Pagkatapus, magkun si Hakub sa kay manga anak, “Taynguna, balaw yi dugay ag makaibahan yi niku kang manga katawuhan namatay. Nu mangyari yi inda, lubngan niyu aku sa lulubngan niku manga ginurang, ati sa lukib sa may tanman ni Iprun usa ka Hitiyu.

2 Samwil 2:1

Siyun ginan, namaingana si Dabid sa Panginuun, “Atabug aw duy aku sa usa sa manga banwa sa Huda?” Nagsagut ti Panginuun, “Pag-atag kawu.” Namaingana maan si Dabid, “Naan duy ati?” Nagsagut ti Panginuun, “Sa Hibrun.”

2 Samwil 2:11

naghari siya sa Huda sa sulud pitu ka timpu may unum ka bulan. Ati siya pag nangulian sa Hibrun.

2 Samwil 2:3

Iniba diman ni Dabid kay manga tawuhan hanggan ti manga magtal-anakan nida. Ati sida pag nangulian sa Hibrun hanggan sa kay manga palibut pag rugar.

2 Samwil 5:1

Nag-ati ti tanan linahi Israil sa kan Dabid sa Hibrun ag sinabi, “Kadugu nimi kamu.

2 Samwil 5:3

Nakan ati sa Hibrun, nagbuwat kasunduan si Dabid sa manga manugpamahala sa Israil sa atubangan Panginuun. Bag-u binuhusan nida lana ulibu kay ulu ni Dabid bilang pagkilala siya yi ngani ti hari Israil.

2 Samwil 5:5

Naghari siya sa Huda sa sulud pitu ka timpu may unum ka bulan, ati siya pag nangulian sa Hibrun. Ag 33 ka timpu kay maghari sa buu Israil hanggan Huda, ati siya pag nangulian sa Hirusalim.

Huswi 15:13

Sinugu Panginuun si Huswi pakan-an niya ti usa ka bahagi daga lahi ni Huda sa kan Kalib anak ni Hipuni. Inda pag daga ti Kiryat Arba, imaw yi ti Hibrun. (Iningarnan inda Arba kay ama ni Anak.)

Huswi 21:11

Ipinakaun sa kanda ti Kiryat Arba (imaw ti Hibrun) sa kabantudan Huda, kaibahan yi ti manga paraharaban sa kay sangput. (Si Arba imaw kay ama ni Anak.)