Gimpuunan 35:16 - Hanunuu

¹⁶ Nighit si Hakub hanggan kay magtal-anakan sa Bitil. Magkaanak yi tunda katpung si Rakil. Arayu waya sida sa banwa Iprata, magpanamdam yi si Rakil.

Gimpuunan 35:16 Iomraidhean Croise

Gimpuunan 3:16

Sinabi diman niya sa babayi, “Dahil sa kanmu binwat, dugangan niku kanmu kakurian sa magbuduy ag malakawan nimu ti masyadu pag sakit sa kanmu magpanganak. Dapat una katida, hangadun di gid nimu kanmu asawa, ag siya ti maghari sa kanmu.”

Gimpuunan 35:19

Namatay si Rakil ag ilinbung sa saruy dalan atabug sa Iprata (pag-ingarnan taynguna Bitlihim).

Gimpuunan 48:7

Magkaala-ala niku ti pagkamatay nimu ina. Ginan kami sa Padan tunda katpung ag maglakaw sa daga Kanaan. Arani yi kami sa Iprata tunda katpung kay magkamatay, nakan ilinbung yi lang niku siya sa saruy dalan atabug sa Iprata.” (Ti Iprata ti pag-ingarnan Bitlihim taynguna.)

2 Hari 5:19

Magsabi si Ilisyu, “Pag may kahusayan kanmu lakaw.” Dapat unman waya ngani arayu ti nalakawan ni Naaman,

1 Krunika 2:19

Pagka namatay si Asuba inasawa ni Kalib si Iprat ag may anak sida si Hur.

Kanta 132:6

Pagka ati kami sa Iprata nakadnug kami nu naan ti Kaban Kasunduan, ag nakitan nimi inda sa karatagan Haar.

Mikas 5:2

Magkun ti Panginuun, “Bitlihim Iprata, una usa kawu sa pinakadiit pag banwa Huda, ginan sa kanmu pag tawu ti sumirbi sa kangku bilang takinan sa Israil. Kay manga kaumputan bantug kaybi sa un-an pag panahun.”

Matiyu 2:1

Pagka nilusad yi si Hisus sa banwa Bitlihim sa daga Hudiya katpung hari si Hirudis, may manga madunung pag tawu nagras-ug sa Hirusalim ginan sa butlakan init.

Matiyu 2:16

Pagka naalaman ni Hirudis siya maaw pinudilan manga madunung pag tawu, nagalit siya masyadu. Nagsugu siya manga sundalu kay ipinamatay ti tanan manga anak lalaki sa banwa Bitlihim hanggan sa kay manga kalibut ginan sa lapsag hanggan sa duwa tugka ka timpu angay sa udas kay pinaingana sa manga madunung pag tawu.

Matiyu 2:18

“May nadnugan sa banwa Rama maglulumian may magtarayagan. Paglumian ni Rakil kay manga anak, dayi malibang kay isip dahil udyi kay manga anak.”

1 Timutiyu 2:15

Dapat ingatan di Panginuun ti manga babayi sa kanda katpung magpanganak, nu magpakumbaba sida kay ugali sa pagsarig, sa pagmahal ag sa lubus magpasakup sa Panginuun.

Rut 4:11

Sinmagut ti manga manugdumara banwa hanggan ti tanan tawu ati sa sabian, “Hu, manga kastigus kami. Ipahintulut mana Panginuun kanmu maasawa parihu sa kanda ni Rakil ag ni Liya, imaw ti gimpuunan Israil. Mana yumaman kawu sa Iprata ag bumaliw bantug sa Bitlihim.

1 Samwil 10:2

Nu kita mamululagan yi sab, may masampakan kawu duwa ka lalaki arani sa may lubung ni Rakil sa Silsa, sa katugkaan daga Binhamin. Bag-u sumabi sida sa kanmu magkun, ‘Ti manga asnu kanmu paghanapun nakitan yi. Udyi pag-alalahanun nimu ama, kamu yi ngap kay pag-alalahanun taynguna, magkun siya, “Kabitay wadi kang buwatun hampay makitan niku kang anak?” ’

1 Samwil 4:20

Pagka arani yi siya mamatay magkun ti manga babayi magpaanak sa kanya, “Pagmatutum duy kawu, lalaki kanmu anak!” Dapat unman siya sinmagut.