Gimpuunan 35:11 - Hanunuu

¹¹ Magkun waya gid ti Diyus sa kanya, “Aku ti Makamaskihan pag Diyus. Magkaimaw kawu mayamu pag anak. Bumaliw kawu ama nasyun Israil hanggan iba waya pag nasyun, ag bumaliw hari ti iba sa kanmu manga linahi.

Gimpuunan 35:11 Iomraidhean Croise

Gimpuunan 12:2

Buwatun niku bantug pag nasyun kanmu linahi. Papaladan niku kawu ag bumaliw bantug kanmu ngaran. Sa panab-anan nimu, mayamu ti makatanggap papalad.

Gimpuunan 13:16

Payamuun niku kanmu linahi ga taypuk sa kalibutan kay kayamu. Ti taypuk dayu mabilang, nakan kanmu linahi balaw diman mabilang.

Gimpuunan 15:5

Bag-u dinara siya Panginuun sa luwas ag magkun, “Bantayi nimu ti manga pamgasan sa langit; bilanga nu kaya nimu. Katunda diman kay kayamu kanmu linahi.”

Gimpuunan 17:1

Pagka 99 yi ka timpu si Abram, napakakit sa kanya ti Panginuun ag magkun, “Aku ti Diyus Makamaskihan. Pag pirmi kawu matinupadun sa kangku ag pagpangabuhi matadlung.

Gimpuunan 17:16

Papaladan niku siya ag pakan-an niku kawu anak sa panab-anan niya. Siya ti ina mayamu nasyun, ag ti iba niya ka linahi bumaliw hari.”

Gimpuunan 17:4

“Inda kang kasunduan sa kanmu: Kawu bumaliw ama mayamu nasyun.

Gimpuunan 18:14

May bagay aw lugud balaw mabuwat Panginuun? Parihu sa kang sinabi, bumalik aku sitaay sa sunud pag timpu sa ga kainda diman pag udas, ag si Sara may imaw yi anak lalaki.”

Gimpuunan 18:18

Pihu gid dumaka ag bumaliw makapangyarihan pag nasyun kay manga linahi aban. Ag sa panab-anan niya, papaladan niku ti tanan nasyun sa kalibutan.

Gimpuunan 28:14

Kanmu manga linahi yumamu ga galbuk sa daga. Man-ngalat sida sa inda pag tuhay-tuhay pag bahagi daga. Sa panab-anan nimu hanggan nimu manga linahi, papaladan niku ti tanan tawu sa kalibutan.

Gimpuunan 32:12

Dapat nagtaratu kawu sa kangku papaladan nimu aku ag payamuun nimu kang manga linahi ga baras sa baybay dagat dayu mabilang.”

Gimpuunan 36:31

Inda ti manga hari Idum katpung panahun udwaya may manga hari ti manga Israilita:

Gimpuunan 43:14

Mana tandugun Makamaskihan pag Diyus ti tagipusuun gubirnadur hampay maawa siya sa kanyu ag iuli niya sa kanyu si Simyun ag si Binhamin. Dapat nu unman sida makabalik, tanggapun yi lang niku maluag sa kang tagipusuun.”

Gimpuunan 46:3

Pagkatapus, magkun siya, “Aku ti Diyus nimu ama. Danga kawu magkadala mag-atag sa Ihiptu, dahil buwatun niku kamu usa ka bantug pag nasyun ati.

Gimpuunan 47:27

Nangulian ti manga Israilita sa Gusin sakup Ihiptu. Nagkaimaw sida ati daga ag nagyamu waya kanda lahi.

Gimpuunan 9:1

Pinapaladan Diyus si Nuwi hanggan kay manga anak ag sinabi, “Pagpakayamu kamu hampay umaduk ag mangalat sa buu kalibutan.

Gimpuunan 9:7

Taynguna, pagpakayamu kamu hampay umaduk ag mangalat sa buu kalibutan.”

1 Krunika 16:16

Inda pag kasunduan binwat niya sa kan Abraham ag itinaratu waydi niya sa kan Isaak.

1 Krunika 16:17

Ipinarargu niya inda pag kasunduan sa kan Hakub, pag-ingarnan diman Israil, ag pumarargu inda pag kasunduan hanggan aban.

1 Krunika 16:18

Magkun siya sa kada usa sa kanda, “Iayaw niku sa kanmu ti daga sa Kanaan bilang maranahun nimu hanggan nimu manga linahi.”

Pag-ighit 1:7

dapat madali nagyamu kanda lahi. Dahil sa masyadu mayamu sida, nas-ub yi harus ti daga Ihiptu.

Pag-ighit 2:24

Nadnugan Diyus kanda magdangup, ag naala-ala niya kay kasunduan sa kanda ni Abraham, ni Isaak, ag ni Hakub.

Pag-ighit 6:3

Napakakit aku sa kanda ni Abraham, ni Isaak, ag ni Hakub, bilang Makamaskihan pag Diyus, dapat unman aku nagpakilala sa kanda kuntay Panginuun kang ngaran.

Libitiku 26:42

tupadun niku kang kasunduan sa kanyu manga ginurang sa kanda ni Abraham, ni Isaak, ag ni Hakub bag-u ibalik niku kamu sa kanyu daga.

2 Kurintu 6:18

Magkun ti Panginuun Makamaskihan, “Aku yi gid kanyu Ama, kamu kang yi waydi manga anak lalaki, manga anak babayi.”