Gimpuunan 34:7 - Hanunuu

⁷ Igu naalaman manga anak ni Hakub ti nangyari, rargu sida nuli ginan sa tanman. Daut gid kanda buut ag subra gid magkagalit sa kan Sikim dahil sa kay binwat balaw gid dapat buwatun, imaw ti nagdara kakay-ahan sa magtal-anakan ni Hakub.

Gimpuunan 34:7 Iomraidhean Croise

Gimpuunan 20:9

Bag-u ipinatawag ni Abimilik si Abraham ag pinaingana, “Hintay inda kanmu binwat sa kanmi? Hintay kang kasalanan sa kanmu? Hayga dinarahan nimu kadamhakan kang buu kaharian? Balaw mayad kanmu binwat.

Gimpuunan 34:6

Nag-ati kay ama ni Sikim si Hamur sa kan Hakub hampay manpakihampang.

Gimpuunan 34:8

Dapat magkun si Hamur sa kanda, “Naibug kang anak si Sikim sa kanyu daraga, nakan magpakihampang aku pasnui niyu siya maasawa niku anak.

2 Samwil 13:21

Pagka naalaman ni Hari Dabid ti nangyari, nangisug gid siya.

Kanta 93:5

Panginuun, kanmu manga sugu masarigan gid ag ti kabanalan imaw ti magparinu sa kanmu Balay sa unman may katapusan.

Kabagawan 7:7

ag nakitan niku ti manga kalay-awan lalaki unman may alam sa buhi. Ti usa sa kanda unman may intindi.

Hirimyas 29:23

Mangyari inda sa kanda dahil nagbuwat sida manga mayagting pag bagay sa Israil. Nanguragin sida sa asawa nida kaparihu ag nagbagaw kapudilan sa ngaran niku balaw kang pag-isugu kuntay buwatun nida. Magkaalaman niku kanda manga pagbuwatun, bag-u makapatutuu aku laban sa kanda. Aku, ti Panginuun, ti magsabi inda.”

Libitiku 4:13

Nu ti buu nasyun Israil makalapastangan sa sugu Panginuun, dapat balaw nida tikis, nagkasala diman sida una unman nida alam tunda.

Libitiku 4:27

Nu usa sa kanyu ti makalapastangan sa sugu Panginuun, dapat balaw niya tikis, nagkasala diman siya.

1 Kurintu 10:8

Danga diman waydi kita mag-uragin, balaw parihu sa kanda, ti iba nag-uragin, nakan duwapulu may tulu ka libu ti namatay sa usa ka sirang dahil sa parusa Panginuun.

1 Kurintu 6:18

Pag-iwas kamu sa panguragin. Ti tanan kasalanan nu pagbuwatun tawu, iba ti mag-idamhak sa kakurian dapat tigpanguragin midamhak ngap kay sadili bilug.

Ipisu 5:3

Kamu manga nasakup sa Diyus, nakan ngani danga yi magbuwat una magsampit man sa harampangan una kabitay pag kalasi magpanguragin, kayagtingan una manga mahalay pag hilig.

Diyuturunumiyu 22:20

“Dapat nu tutuu ti pagsabihun asawa ag unman may mag-akitan puruyba kuntay tugnaw pag daraga ti babayi,

Diyuturunumiyu 22:21

darahun tunda pag babayi sa atubangan balay niya ama ag ati bintukun siya manga lalaki sa banwa tugka sa mamatay. Makakaray-a pag bagay kay binuwat sa Israil dahil sa pagpanguragin katpung ati waya siya sa pudir niya ama. Kailangan duraun niyu inda pag kadautan sa kanyu.

Diyuturunumiyu 23:17

“Kailangan unman may Israilita, lalaki man ngatay babayi, ti magpabili kay sadili bilang pagsamba sa manga diyus-diyusan sa balay diyus nida.

Kulusas 3:5

Nakan kailangan matyun yi lang niyu ti kagustuhan niyu angay waya sa kalibutan, ti panguragin, ti manga mahalay, ti gamun sa kahalayan, ti daut pag manga hilig, ti mairibgun sa kasiyunan imaw diman ti usa ka kalasi panamba sa diyus-diyusan.

1 Timutiyu 5:13

Maanad sida sa bugyahin, magkahilig yi gid sa magpanungbalay. Ti usa waya ka alangan sa kanda pagka dugay sida mapinasilabutun ag ragayrayan waya paman.

Hibriyu 13:4

Kailangan galangun tanan tawu ti pag asawa. Kailangan magtupad ti mag-asawa sa usa kag sa usa. Dahil ti manga mahalay hanggan ti magpanguragin pasay sintinsiyahan Diyus.

Santiyagu 3:10

Ginan sa bibig ti pagdayaw sa Diyus. Imaw diman hanggan pag bibig tigmuransa sa tawu. Balaw mana inda mahimu duy, manga patar-ari.

Huswi 7:15

Ti itudlu niku pag tawu nanagu manga bagay ihinandug yi buu sa kangku sunugun kaibahan kay magtal-anakan hanggan ti tanan niya kasiyunan. Dahil linabag niya kang kasunduan, ag nagbuwat siya kakay-ahan sa Israil.’ ”

1 Pidru 2:9

Dapat kamu ungud usa ka pinili pag lahi. Parihu sa manga manughandug sa Balay Diyus, kanyu pagsirbihan si Kiristu pag Hari. Kamu usa ka nasyun binukud para sa Diyus. Pinili kamu Diyus hampay kamu kay sadili yi pag nasakupan ag hampay ipaburayhaw niyu kay manga buwat makadululaw. Siya diman waydi ti nagtawag sa kanyu ginan sa kadudulman tabug sa kaladulawan pag karayawan niya.

Talaghusay 20:6

Nakan dinara niku pauli kay bangkay ag pinamulud-pulud ag ipinadara sa 12 ka linahi Israil, dahil masyadu daut ag makakaray-a kanda binwat sitay sa Israil.