Gimpuunan 34:13 - Hanunuu

¹³ Dapat dahil sa inuringan ni Sikim ti pagkababayi ni Dina, pinaumang manga anak ni Hakub si Sikim hanggan kay ama si Hamur.

Gimpuunan 34:13 Iomraidhean Croise

Gimpuunan 34:12

Kamu duy ti bahala nu pira kanyu hagadun ag nu hintay kang ipakaun hampay maasawa niku kanyu patar-ari. Bayadan duy niku kamu una pira kanyu hagadun basta maasawa lang niku si Dina.”

Gimpuunan 34:14

Magkun sida, “Balaw kami magpasnu mag-asawa si Dina sa usa ka tawu balaw tinuri, dahil makakaray-a tunda para sa kanmi.

Hub 13:4

Dahil paghingabtun niyu aku bulungun manga kapudilan. Kamu tanan parihu sa manugbulung unman may pulus.

Hub 13:7

Pag-apinan aw niyu ti Diyus sa panab-anan niyu pamudil?

Kanta 12:2

Harus ti tanan magpudil sa kanda kaparihu. Pagpaumangun nida ti iba hampay madaya.

Kabagawan 12:13

Ti baragawun daut pag tawu imaw ngap ti makapakaun sa kanya kaguluhan, dapat ti matadlung pag tawu mag-aman sa kaguluhan.

Isayas 59:13

Naglaban kita ag naglabag sa Panginuun. Binugyahan nita kanta Diyus. Pag-apihun nita ag paglugihun kanta kaparihu. Pagpinsaran nita mayad nu kabitay kita makabagaw kapudilan.

Mikas 7:2

Ti ibug niku sabihun, unman yi aku may nakitan tawu sa Israil matinupadun sa Diyus. Udyi may nasawad tawu matadlung. Ti kada usa maghanap paraan hampay matyun kay kasimanwa, ga tawu mag-alistu suduk sa bulayun niya pag hayup.

Matiyu 28:13

Bag-u kanda binilinan sida magkun, “Sabihun lang niyu, ‘Pagka yabi kami naturug nagluwang kay manga tuludluan, kanda tinakaw kay bangkay ni Hisus.’

Ruma 12:19

Manga mayad patar-ari, danga kamu magbalus. Ipabahala niyu tunda sa Diyus. Dahil nakasurat sa Banal Kasuratan magkun, “Magkun ti Panginuun, aku ti bahala magganti, pihu gumanti aku.”

1 Tisalunika 5:15

Una si unu sa kanyu danga magbalus sa manga magbuwat daut sa kanyu, bagkus ngap parargu kamu sa pagbuwat mayad sa usa kag sa usa hanggan sa tanan tawu.

Talaghusay 15:3

Magkun si Samsun, “Sa inda pag binwat niyu, danga niyu aku pagsisiha nu unu ti buwatun niku sa kanyu pag manga Pilistiyu.”