Gimpuunan 33:3 - Hanunuu

³ Si Hakub sa kanda tanan unahan ag pitu ka ulit siya nagluhud habang magpakarani sa kay patar-ari.

Gimpuunan 33:3 Iomraidhean Croise

Gimpuunan 18:2

Habang magbantay siya, may nakitan siya tulu ka lalaki matindugan balaw arayu. Susun siya tinmindug ag daldali sinulang sida. Yinmuk-ub siya sa kanda bilang paggalang

Gimpuunan 33:2

Ipinauna niya ti duwa ka suruguun babayi hanggan kanda manga anak, dinmasun si Liya hanggan kay manga anak, bag-u si Rakil ag kay anak si Husi.

Gimpuunan 42:6

Bilang gubirnadur Ihiptu, katungdanan ni Husi ti magpabili karan-unun sa tanan tawu. Nakan igu rinmas-ug kay manga patar-ari, nagyuk-ub sida sa kan Husi bilang paggalang sa kanya.

Gimpuunan 43:26

Pagras-ug ni Husi, ipinakaun nida kanda manga pamakaun ag nagyuk-ub sida sa kay atubangan bilang paggalang.

Gimpuunan 48:12

Bin-ul ni Husi kay manga anak sa sarapupwan ni Israil ag yinmuk-ub siya bilang paggalang sa kay ama.

Kabagawan 6:3

ag may saragtun kawu sa iba. Dapat kaindaay kanmu buwatun hampay maayus kanmu saragtun sa kanya: Atihi nimu siya ag hampanga kuntay palpasan niya kawu sa kanmu saragtun.

Manugtudlu 10:4

Nu nangisug sa kanmu ti usa ka takinan, danga kawu kadaka magbul-iw sa kanmu katungkulan, nu balaw kawu mangingay, barang patawadun di niya kawu una waya kabitay kabuyat kanmu nabwat kasalanan.

Lukas 14:11

Dahil ti kada magpalabaw-labaw ipaababa ag ti mapinakumbabaun ipaabwat.”

Huwan 10:15

parihu diman sa kay magkilala niku Ama sa kangku ag kang diman magkilala sa kang Ama. Handa diman aku mamatay tungkul sa kang manga karanidu.

Huwan 10:4

Pagka nipalwas yi niya sida tanan, umuna siya bag-u kay manga karanidu kumuyug sa kay uryan, dahil kilala nida kay busis.

1 Samwil 2:5

Ti manga abunda kaybi magtarabahu yi taynguna hampay lang may makaun. Dapat ti manga magkalun-us kaybi abunda yi ngap taynguna. Ti manga unman mag-anak kaybi, mayamu yi kay anak taynguna. Dapat ti manga mayamu kay anak kaybi maruku taynguna dahil udyi may anak.