Gimpuunan 32:7 - Hanunuu

⁷ Magkadala yi gid si Hakub ag magkaarimputu, nakan tinunga niya sa duwa ka gurupu kay manga kaibahan hanggan kay manga karanidu, baka, kambing ag kamilyu.

Gimpuunan 32:7 Iomraidhean Croise

Gimpuunan 32:11

Paghagadun niku sa kanmu ribrihan nimu aku sa kang patar-ari, sa kan Isaw. Magkadala duy aku barang umataytag siya ag matyun kami hanggan yi kang magtal-anakan.

Gimpuunan 32:3

May manga sinugu si Hakub pag-una sa kanya hampay manpakabta sa kay patar-ari, sa kan Isaw ati sa daga Siir, ti pag-ingarnan diman Idum pag rugar.

Gimpuunan 32:8

Dahil mag-isip siya barang nu rumas-ug si Isaw ag girahun ti usa ka gurupu, makapalagiw di kay usa ka gurupu.

Gimpuunan 33:1

Pagka namantay si Hakub, nakitan niya si Isaw magras-ug kaibahan ti 400 lalaki. Nakan ipinakuyug niya ti manga anak sa kanda ina.

Gimpuunan 35:3

Atabug kita sa Bitil, ag bumuwat aku ati harandugan para sa Diyus imaw ti nag-awat sa kangku katpung sa udas niku kakurian, ag siya diman kang kaibahan una naan tabug aku.”

Kanta 107:6

Sa kanda kakurian, nandangup sida sa Panginuun, ag irinibri niya sida.

Kanta 112:5

Papaladan ti tawu maraayaw ag marapaudam, ag unman magdaya sa kay karabuhian.

Kanta 142:4

Bantayi lugud sa kang sangput, una si unu unman gid may nangawat sa kangku. Unman yi may mag-alaga ag magpasunaid sa kangku.

Kanta 31:13

Mag-adnugan niku ti maglilibakan mayamu pag manga kalaban. Una aku naan tabug magkadala aku, dahil maggayak sida matyun aku.

Kanta 61:2

Atay sa arayu gid pag rugar magtawag aku sa kanmu dahil naduraan aku pag-asa. Daraha aku sa abwat pag batu, sa rugar unman may mahawag,

Pag-ighit 14:10

Pagka magpakarani yi ti hari Ihiptu hanggan kay manga sundalu, nakitan sida manga Israilita. Nakan masyadu gid nadala ti manga Israilita ag nanhagad awat sa Panginuun.

Kabagawan 2:11

Nu makaintindi kawu ag madunung magpasya sa hustu, makadahan inda sa kanmu.

Isayas 28:26

Alam niya ti kailangan niya buwatun dahil pagtudluan siya Diyus.

Matiyu 10:16

Magkun si Hisus, “Pagsuguun niku kamu taynguna parihu ga manga karanidu tabug sa karaw-an manga simarun idu. Pagmadunung kamu parihu ga manga amu, pagmabuut kamu parihu sa kalampati.

Matiyu 8:26

Magkun si Hisus sa kanda, “Hayga lugud kamu magkadala, diit maaw kanyu pagsarig.” Bag-u tinmindug si Hisus ag nagbagaw, kay inampara ti untug hanggan ti humbak danaw. Bigla nagkalma.

Huwan 16:33

Itinultul niku inda tanan-tanan sa kanyu, hampay may kahusayan kanyu naisipan dahil sa kanyu magpakiusa sa kangku. Sitay sa babaw daga may malakawan kamu kakurian. Dapat pagmatutum duy kanyu naisipan. Tinalu yi niku ti kapangyarihan kalibutan.”

Binwat 14:22

Pinarig-un nida ti manga patar-ari, pinaanyuan danga sida umurung sa kanda pagsarig sa Panginuun. Nanudlu waya sida sa manga patar-ari magkun, “Dayu maamanan nita ti mayamu pag kakurian bag-u kita makapasakup sa kay paghari Diyus aban.”

2 Kurintu 1:4

Pinaariwaya niya kita sa tanan nita manga kakurian hampay kita maan makaawat sa tanan may manga kakurian dahil sa kanta maariwaya pag naisipan kanta tinanggap ginan sa Diyus.

2 Timutiyu 3:12

Ti tanan manga may gustu mangugali sakup sa Diyus ag magpakiusa sa kan Kiristu Hisus, pihu makalakaw pag-unuunu.