Gimpuunan 32:4 - Hanunuu

⁴ Tinudluan niya sida nu hintay kanda sabihun sa kan Isaw. Magkun si Hakub, “Sabiha niyu sa kan Isaw: Aku si Hakub ti pinakaababa pag manugsirbi nimu, dugay aku nangulian sa kan Laban ag unman waya aku nakauli tugka taynguna.

Gimpuunan 32:4 Iomraidhean Croise

Gimpuunan 23:6

“Panginuun, pagkilalan-un kawu nimi bantug pag tawu, nakan mahimu nimu ilubung kanmu asawa una naan sa kanmi pinakamarinu pag manga lulubngan. Unman gid may mangirang lulubngan sa kanmu una di usa sa kanmi hampay milubung nimu kanmu asawa.”

Gimpuunan 25:30

Magkun siya tag sa kan Hakub, “Aduy, nai gid duy aku kanmu pagtamaun sabakan maragang-ragang dahil magkalun-us yi gid aku.” (Nakan pag-ingarnan diman Idum si Isaw.)

Gimpuunan 27:29

Mana pumasakup ag sumirbi sa kanmu ti mayamu manga tawu. Mana kawu ti humari sa kanmu manga katawuhan ag pumasakup sida sa kanmu. Mana ti magsaad sa kanmu, saadan diman, ag ti magpapalad sa kanmu, papaladan diman.”

Gimpuunan 27:37

Sinmagut si Isaak, “Binwat yi niku siya kanmu amu ag binwat diman niku suruguun niya ti tanan niya katawuhan. Ipinakaun yi niku sa kanya ti abunda pag karan-unun ag irinmun ubas. Nakan hintay waya anak ti miayaw niku sa kanmu?”

Gimpuunan 31:41

Sa sulud duwapulu ka timpu sa kang mag-ulian sa kanmu, 14 timpu aku nagsirbi sa kanmu para sa duwa nimu ka anak babayi. Nagsirbi waya aku unum ka timpu hampay bantayan kanmu manga hayup. Dapat hintay kanmu binwat? Sampulu ka ulit nimu binag-u ti pagbayad nimu sa kangku.

Gimpuunan 32:18

saguta niyu siya kuntay kangku tunda pag manga hayup, pakaun niku tunda sa kanya. Sabiha diman niyu sa kanya magdasun aku sa kanyu.”

Gimpuunan 32:5

Ag sabiha niyu sa kanya kuntay may manga baka aku, manga asnu, karanidu, kambing hanggan manga suruguun lalaki ag babayi. Sabiha niyu sa kanya kamu kang sinugu hampay hilingun sa kanya ti mayad pag pakiusa niya sa kangku.”

Gimpuunan 33:14

Ti mayad waya, pag-una yi lang kawu sa kanmi. Dumasun kami sa kanmu angay sa bisug manga anak hanggan manga hayup kaibahan nimi. Ati yi lang kita magsampak sa Siir.”

Gimpuunan 33:8

Nagpaingana waya si Isaw sa kan Hakub, “Hintay kay ibug sabihun manga gurupu hayup kang nasulang?” Magkun si Hakub, “Pakaun niku tunda sa kanmu hampay tanggapun nimu aku.”

Gimpuunan 36:8

Nakan ati pag nangulian si Isaw (pag-ingarnan diman Idum) sa kabantudan Siir.

Gimpuunan 36:9

Inda ti tultulanun tungkul sa magtal-anakan ni Isaw ti ama manga Idumita mag-uli sa kabantudan Siir.

Gimpuunan 4:7

Nu kawu mana magbuwat lang mayad, man-aw masulung diman kawu. Dapat nu dayu kawu magbuwat mayad, bilang ga mablitangan sa kanmu sabian ti kasalanan, mag-alagad wadi sa kanmu pasaka, bag-u aban kawu yi kay suruguun. Nakan kailangan kawu di gid ti panalu.”

1 Hari 20:32

Nakan nanulung ngani sida saku, ag hinigtan lubid kanda ulu. Bag-u nag-atag sida sa hari Israil ag magkun, “Kanmu duy manugsirbi si Bin Hadad magpakihampang nu mahimu, danga niyu siya pag matya.” Sinmagut ti hari, “Buhi waya maaw siya? Ga patar-ari yi niku siya.”

Pag-ighit 32:22

Sinmagut si Aarun, “Danga kawu magkagalit sa kangku. Alam diman nimu nu kabitay sida kay ka dali magbuwat kadautan.

Kabagawan 15:1

Ti maalumanay pag sagut makabuul galit, dapat ti masakit pag bagaw lalu ngap ikagalit.

Kabagawan 25:15

Ti marapasunaid ag ti maalumanay magbagaw makapabaya sa manga takinan ag una sa manga maganit kay tagipusuun.

Kabagawan 6:3

ag may saragtun kawu sa iba. Dapat kaindaay kanmu buwatun hampay maayus kanmu saragtun sa kanya: Atihi nimu siya ag hampanga kuntay palpasan niya kawu sa kanmu saragtun.

Manugtudlu 10:4

Nu nangisug sa kanmu ti usa ka takinan, danga kawu kadaka magbul-iw sa kanmu katungkulan, nu balaw kawu mangingay, barang patawadun di niya kawu una waya kabitay kabuyat kanmu nabwat kasalanan.

Isayas 21:11

Inda ti pagsabihun tungkul sa Idum: May tawu ginan sa Idum pirmi magpaingana sa kangku, “Manugbantay, dugay aw waya ti surip?”

Lukas 14:11

Dahil ti kada magpalabaw-labaw ipaababa ag ti mapinakumbabaun ipaabwat.”

1 Pidru 3:6

Tida imaw yi gid kan Sara itinayak pag mustara. Nagsunud kabay siya sa kay asawa sa kan Abraham, kay iningarnan niya kay takinan. Kamu diman ga kan Sara manga linahi nu mahal lang kanyu manga buwat ag nu unman kamu may pagkadalaan una di.

Talaghusay 5:4

Panginuun, pagka inmighit kawu sa Bantud Siir, pagka linmuwas kawu sa daga Idum, natandug ti kalibutan ag inmuran mabaskug.

1 Samwil 26:17

Nasalman ni Saul kay busis ni Dabid, nakan magkun siya, “Dabid, anak, kawu aw tunda?” Sinmagut si Dabid, “Aku ngani duy, Mahal Hari.