Gimpuunan 32:30 - Hanunuu

³⁰ Iningarnan ni Hakub tunda pag rugar Pinwil, dahil magkun siya, “Nakitan niku ti uyahun Diyus dapat buhi di aku.”

Gimpuunan 32:30 Iomraidhean Croise

Gimpuunan 16:13

Iningarnan ni Hagar “Diyus Maghiling” ti naghampang sa kanya pag Panginuun, dahil magkun siya, “Nakitan aw gid niku ti Diyus, ti maghiling sa kangku sa inda pag rugar?”

Gimpuunan 28:19

Iningarnan ni Hakub tunda pag rugar Bitil. Kaybi Lus kay ngaran tunda pag rugar.

Gimpuunan 35:9

Igu nuli si Hakub ginan sa Padan Aram, napakakit maan ti Diyus sa kanya ag pinapaladan siya.

1 Hari 12:25

Pinasangputan ni Hirubuam alad batu ti banwa Sikim sa kabantudan Ipraim ag ati siya pag nangulian. Sa kadugayun, nag-ati siya sa Pinwil ag ipinahiwat niya inda.

Pag-ighit 33:14

Sinmagut ti Panginuun, “Aku gid ngap ti kumuyug sa kanmu, ag pakan-an niku kawu kahusayan.”

Isayas 6:5

Magkun aku, “Kaawaawa aku! Pihu gid midamhak aku, dahil makasalanan kang bibig ag mag-ulian aku minsan sa manga tawu makasalanan diman kay bibig. Kainda nakitan niku ti Hari, ti Panginuun Makamaskihan.”

Isayas 9:5

Makabaya diman sida dahil umapas yi ti girahan. Irubun yi ti manga pan-gira pag rutay manga sundalu pasay dugu, hanggan kanda manga lapak.

Bilang 12:8

Nu maghampang aku sa kanya, ga mag-aratubangan diman kami dahil kang pagbagawun sa kanya magkasalman gid mayad ag balaw sa pahalimbawa. Ga mag-akitan niya aku. Nakan hayga kamu unman gid magkadala magbagaw daut laban sa kang suruguun sa kan Muysis?”

Huwan 1:18

Kaybi ginan unman may tawu nakakit sa Diyus. Ti Bugtung Anak ti nagpakilala sa manga tawu nu kabitay ti Diyus. Dahil ti Bugtung Anak kaibahan Diyus ag pirmi gid sa kay arani Ama.

1 Kurintu 13:12

Dahil nu kainda di waya baliwa, malamun sa kanta maghiling ga sa usa ka salamin. Dapat aban makitan yi nita sa mata. Kainda udwaya lubus aku makakilala, dapat aban makilala yi ngapu niku, parihu sa kay magkilala Diyus sa kangku.

2 Kurintu 3:18

Taynguna nab-ul yi sa kanta uyahun ti patakip, kita tanan-tanan amat-amat mag-akitan yi nita sa kadayawan Panginuun. Inda pag kadayawan ginan sa Panginuun, sa Ispiritu imaw tigpabag-u sa kanta ugali pagkatawu agud amat-amat lalu dumaka ti kadayawan sa kanta hanggan sa udwaya kita mag-iparihu sa kanya.

2 Kurintu 4:6

Dahil Diyus ti nagsabi magkun, “Ginan sa kadudulman pagsinggit ti karayawan.” Siya diman ti nagpakaun rayaw sa kanmi manga naisipan hampay makilala ti kadayawan Diyus mag-akitan sa uyahun ni Kiristu.

Galasya 1:6

Naglingut gid aku nu hayga madali lang tinalikdan niyu ti Diyus, ti nagbutung sa kanyu dahil sa kay pangaawa ni Hisu-Kiristu. Nagpatalad kamu sa tuhay maan pag mayad pag barita.

Ipisu 1:17

Kang paghagadun sa Diyus nita Panginuun Hisu-Kiristu, sa makamaskihan pag Ama, hampay ipakaun niya sa kanyu ti Ispiritu Banal, imaw ti tumudlu sa kanyu ag pumakakit tungkul sa Diyus hampay makilala niyu siya.

Diyuturunumiyu 34:10

Ginan kaybi unman gid may purupita sa Israil parihu sa kan Muysis, magkahampang Panginuun mag-aratubangan.

Diyuturunumiyu 5:24

Bag-u nagsabi sida, ‘Pag-ipakakit Panginuun nita Diyus sa kanta kay kadayawan, ag nasaydan nita kay busis ginan sa apuy. Nakitan nita kainda pag sirang mahimu di maaw mabuhi ti tawu una naghampang sa kanya ti Diyus.

Kulusas 1:15

Sa kan Kiristu pag makilala ti Diyus, ti unman mag-akitan sa mata. Si Kiristu daan di Anak Diyus. Siya diman ti may kamaskihan sa tanan linalang.

2 Timutiyu 1:10

Dapat niburayhaw lang inda pagka rinmas-ug si Kiristu Hisus kanta Manugribri. Tinalu niya ti kamatayan ag ipinakilala ti buhi unman may katapusan sa panab-anan Mayad pag Barita.

Hibriyu 11:27

Dahil sa kay pagsarig, nighit si Muysis ginan sa Ihiptu ag unman siya nadala sa kay pangagalit hari. Balaw siya mag-urung sa kay sarig, nakan bilang ga mag-akitan niya ti Diyus, langmadi unman mag-akitan sa mata.

Huswi 5:13

Habang ati si Huswi sa arani Hiriku, kadaka niya nakitan ti tawu matindugan sa kay atubangan may bitbit baladaw. Pinaingana siya ni Huswi, “Sundalu aw kawu nimi ngatay kalaban?”

Talaghusay 13:17

Napaingana si Manwa, “Unu duy kanmu ngaran, hampay mapasalamatan nimi kawu sa udas matupad kanmu sinabi.”

Talaghusay 13:18

Nagsagut ti anghil, “Hayga gustu gid niyu maalaman kang ngaran? Makuri inda intindihun.”

Talaghusay 8:17

Bag-u dinaut niya ti bantayaw sa Pinwil ag pinanmatay ti manga lalaki ati.

Talaghusay 8:8

Ati ginan tinmukad sida ni Gidyun sa Pinwil ag imaw diman kay pag-ipakihampang sa manga taga ati, dapat kay sagut nida parihu diman sa sagut manga taga Sukut.