Gimpuunan 32:3 - Hanunuu

³ May manga sinugu si Hakub pag-una sa kanya hampay manpakabta sa kay patar-ari, sa kan Isaw ati sa daga Siir, ti pag-ingarnan diman Idum pag rugar.

Gimpuunan 32:3 Iomraidhean Croise

Gimpuunan 14:6

hanggan ti manga Hurita sa bantud Siir tugka sa Il Paran arani sa may pangawakawaan.

Gimpuunan 25:30

Magkun siya tag sa kan Hakub, “Aduy, nai gid duy aku kanmu pagtamaun sabakan maragang-ragang dahil magkalun-us yi gid aku.” (Nakan pag-ingarnan diman Idum si Isaw.)

Gimpuunan 32:11

Paghagadun niku sa kanmu ribrihan nimu aku sa kang patar-ari, sa kan Isaw. Magkadala duy aku barang umataytag siya ag matyun kami hanggan yi kang magtal-anakan.

Gimpuunan 32:7

Magkadala yi gid si Hakub ag magkaarimputu, nakan tinunga niya sa duwa ka gurupu kay manga kaibahan hanggan kay manga karanidu, baka, kambing ag kamilyu.

Gimpuunan 33:14

Ti mayad waya, pag-una yi lang kawu sa kanmi. Dumasun kami sa kanmu angay sa bisug manga anak hanggan manga hayup kaibahan nimi. Ati yi lang kita magsampak sa Siir.”

Gimpuunan 33:16

Nakan binmalik yi lang ngani si Isaw sa Siir sa tunda diman pag sirang.

2 Samwil 2:8

Taynguna, ti kumandir manga sundalu ni Saul, si Abnir kay anak ni Nir nag-ati sa Mahanaim kaibahan si Isbusit kay anak ni Saul.

2 Hari 6:17

Nandarangin si Ilisyu magkun, “Panginuun, bukasi ti mata niku panawuhun hampay makakit siya.” Binukasan ngani Panginuun kay mata, nakitan niya ti kabantudan sa sangput ni Ilisyu pudu manga kabayu hanggan manga kalisa apuy.

1 Krunika 12:23

Inda ti kayamuun armadu manga sundalu nag-atag sa kan Dabid ati sa Hibrun sa pag-awat sa kanya hampay maagaw ti kaharian ni Saul, angay sa itinaratu Panginuun:

Kanta ni Sulumun 7:1

Maangay pag babayi, pagkarinu kanmu manga lulud may lapak. Mayad gid kay histuda kanmu balangbang. Parihu inda sa manga alahas binwat anad pag manugbuwat.

Isayas 21:11

Inda ti pagsabihun tungkul sa Idum: May tawu ginan sa Idum pirmi magpaingana sa kangku, “Manugbantay, dugay aw waya ti surip?”

Hirimyas 49:7

Inda ti sinabi Panginuun Makamaskihan tungkul sa Idum: “Naan yi ti manga maradunung sa Timan? Udyi aw may nasawad madunung magpaanyu?

Malakyas 3:1

Pagpatingi kamu sa pagsabihun Panginuun Makamaskihan, “Ipadara niku kang manugbarita hampay ialistu kang lakawan. Bag-u ti Panginuun kanyu pag-alagdun kadaka rumas-ug sa kay Balay. Rumas-ug kanyu pagpatigagadun pag manugbarita imaw ti mamatigayun sa kang kasunduan.”

Bilang 24:18

Sakupun niya ti Idum kay kalaban, pag-ingarnan diman Siir, dapat ti Israil lalu di magrig-un.

Lukas 9:52

Ipinauna ni Hisus ti iba hampay maghanap kanda dayunan. Nag-una sida ag nagras-ug sida sa usa ka baryu manga taga Samarya hampay maghanda dayunan.

Diyuturunumiyu 1:2

(Manga 11 ka sirang lakawun ginan sa Bantud Sinai atabug sa Kadis Barnia nu lakaw sa Bantud Siir.)

Diyuturunumiyu 2:22

Katunda diman ti pag-awat Panginuun sa manga linahi ni Isaw mag-uli sa Siir. Dahil ipinadamhak Panginuun sa kanda ti manga Huriyu hampay sida makapangulian sa tunda pag daga. Tugka kainda, mag-ulian di sida sa ati pag daga.

Diyuturunumiyu 2:5

Danga niyu paglabuta sida, dahil ipinakaun yi niku sa kanda ti manga kabantudan Siir bilang kanda magkaapu, ag balaw niku kamu ayawan una lang diit pag bahagi nida daga.

Huswi 13:30

Ginan sa Mahanaim tugka sa buu Basan, ti buu kaharian ni Ug sa Basan, ag ti 60 ka banwa sa Hair sakup Basan.

Huswi 24:4

ag anak waydi ni Isaak si Isaw ag si Hakub. Ipinakaun niku sa kan Isaw ti kabantudan Siir bilang kanya pag kabahagi, dapat si Hakub ag kay manga anak nag-ati sa Ihiptu.