Gimpuunan 32:11 - Hanunuu

¹¹ Paghagadun niku sa kanmu ribrihan nimu aku sa kang patar-ari, sa kan Isaw. Magkadala duy aku barang umataytag siya ag matyun kami hanggan yi kang magtal-anakan.

Gimpuunan 32:11 Iomraidhean Croise

Gimpuunan 24:27

Magkun siya, “Dayawun ti Panginuun, ti Diyus niku amu, ni Abraham. Ipinakakit gid niya kay kaayadan sa kang amu. Aku ngap mismu kay giniyahan atabug sa manga katawuhan niku amu.”

Gimpuunan 27:41

Pagtimaan ni Isaw si Hakub dahil sa ipinakaun papalad niya ama sa kan Hakub. Magkun si Isaw sa kay sadili, “Arani yi mamatay si amang; nu tigbak yi siya, matyun niku kang patar-ari si Hakub.”

Gimpuunan 27:42

Dapat nabaritaan ni Ribika kay gayak ni Isaw, nakan ipinatawag niya si Hakub ag magkun, “Kanmu aka si Isaw maggayak mumatay sa kanmu hampay madura kay galit sa kanmu.

Gimpuunan 32:3

May manga sinugu si Hakub pag-una sa kanya hampay manpakabta sa kay patar-ari, sa kan Isaw ati sa daga Siir, ti pag-ingarnan diman Idum pag rugar.

Gimpuunan 32:7

Magkadala yi gid si Hakub ag magkaarimputu, nakan tinunga niya sa duwa ka gurupu kay manga kaibahan hanggan kay manga karanidu, baka, kambing ag kamilyu.

Gimpuunan 33:4

Dapat nalagiw si Isaw hampay sulangun siya. Hinagkung siya ni Isaw ag inarkan, bag-u nanlulumian sida duwa.

2 Samwil 7:18

Pagkatapus, nagsaka si Hari Dabid sa turda nu naan pag maulian ti Kaban Kasunduan. Tinmukaw siya ati sa atubangan Panginuun ag nandarangin, “Panginuun Diyus, si unu duy aku hanggan kang magtal-anakan kanmu pinapaladan parihu sa inda?

Kanta 119:134

Ribrihan aku sa manga mag-api sa kangku hampay matupad niku kanmu manga surundanun.

Kanta 142:6

Patingihi kang maghagad awat, dahil balaw yi gid aku may mabuwat. Ribrihan aku sa manga mag-unuunu sa kangku, dahil sida mabisug man sa kangku.

Kanta 16:1

Diyus, alagai aku; sa kanmu aku pag maghagad awat.

Kanta 25:20

Alagai kang buhi ag ribrihan aku! Danga aku pagpakay-aha, dahil sa kanmu aku pag magpalan-ib.

Kanta 31:2

Patingihi aku ag rargu ribrihan. Kawu kang palalan-iban pag batu, hanggan alad batu paratag-an para sa kang karibrihan.

Kanta 43:1

Diyus, patutuuhani unman aku may kasalanan, ag apini aku laban sa manga balaw maka-diyus pag manga tawu. Ribrihan aku sa madaya ag magbuwat daut pag manga tawu.

Kabagawan 18:19

Makurian kawu manhagad patawad sa kanmu patar-ari nadaut kay buut sa kanmu. Ga makuri waya inda buwatun kaysa mansalakay sa nasangputan alad batu pag banwa. Nu kabitay kakuri dautun ti kandadu talakup sabian balay hari, katunda diman kakuri amparahun ti aratwan duwa ka tawu.

Danyil 3:17

Nu imaw yi gid waydi ti mangyari, iribri di kami Diyus nimi pagsirbihan ginan sa maglabdaban pag pugun. Iribri di niya kami ginan sa kanmu kamang.

Husyas 10:14

rumas-ug sa kanyu manga nasakupan ti girahan ag magkaradaut kanyu manga banwa may alad batu. Buwatun niyu manga kalaban ti binwat ni Salman sa banwa Bit Arbil — rinunut niya ti manga ina hanggan kanda manga anak.

Matiyu 6:13

Danga ipalakaw nimu kami sa mahigpit pagsubuk, dapat ingatan nimu kami sa May Puun Kadautan. Dahil kawu yi ngani tig hari may kamaskihan hanggan kadayawan hanggan waya aban. Amin.’

Diyuturunumiyu 22:6

“Nu may mag-akitan kamu pugad manuk sa saruy dalan, sa kayu ngatay sa daga, bag-u kay ina mag-ukub sa kay manga pispis ngatay manga itlug, danga niyu pagbul-a kay ina kaibahan kay manga pispis ngatay manga itlug.

1 Samwil 12:10

Bag-u nagdangup maan sida sa Panginuun magkun, ‘Kami duy nagkasala dahil pinatlikudan nimi kawu, ti Panginuun. Nagsamba kami sa kanda ni Baal hanggan ni Astarut. Dapat taynguna ribrihan nimu kami sa kamang nimi manga kalaban, bag-u sumunud kami sa kanmu.’

1 Samwil 24:15

Ti Panginuun mana ti humukum ag magpasya nu si unu ti may salan sa kanta duwa. Mana sagutun niya ag apinan aku, ag iribri ginan sa kanmu manga kamang.”