Gimpuunan 32:10 - Hanunuu

¹⁰ Balaw duy aku karapat-dapat mantanggap tanan kaayadan ag katapatan kanmu ipinakakit sa kangku, sa kanmu manugsirbi. Dahil katpung nandipay aku sa Hurdan, unman duy aku may iba dara nu unman sugkud lang, dapat taynguna may duwa ka gurupu yi duy aku ka kaibahan.

Gimpuunan 32:10 Iomraidhean Croise

Gimpuunan 18:27

Nagpaingana gid maan si Abraham, “Panginuun, patawada duy nimu aku nu maghampang gid sa kanmu. Tawu lang aku, ga galbuk lang, ag unman aku may karampatan sabihun inda sa kanmu.

Gimpuunan 24:12

Nandarangin ti suruguun magkun, “Panginuun, Diyus niku amu, ni Abraham, mana mitarus duy kang turunu atay, pakakitan nimu kanmu kaayadan sa kang amu.

Gimpuunan 24:27

Magkun siya, “Dayawun ti Panginuun, ti Diyus niku amu, ni Abraham. Ipinakakit gid niya kay kaayadan sa kang amu. Aku ngap mismu kay giniyahan atabug sa manga katawuhan niku amu.”

Gimpuunan 28:13

Nakitan diman niya ti Panginuun matindugan sa tungud agdan ag magkun tag sa kanya, “Aku ti Panginuun, ti Diyus ni Abraham ag ni Isaak. Ipakaun niku sa kanmu ag sa kanmu manga linahi inda pag daga kanmu pag paigyaan.

Gimpuunan 28:15

Pirmi nimu alalahanun aku kanmu kaibahan ag alagaan niku kawu una naan tabug. Ipabalik niku kawu sa inda pag daga ag balaw pabay-anan tugka sa matupad niku kang itinaratu sa kanmu.”

Gimpuunan 30:43

Sa panab-anan tunda, nagyaman gid si Hakub. Yinmamu kay manga hayup hanggan kay manga kamilyu ag asnu. Yinmamu diman hanggan kay suruguun lalaki ag babayi.

Gimpuunan 31:3

Magkun ti Panginuun sa kan Hakub, “Pagbalik yi kawu sa daga nimu manga ginurang, ati sa kanmu manga katawuhan, ag kaibahan nimu aku.”

Gimpuunan 32:5

Ag sabiha niyu sa kanya kuntay may manga baka aku, manga asnu, karanidu, kambing hanggan manga suruguun lalaki ag babayi. Sabiha niyu sa kanya kamu kang sinugu hampay hilingun sa kanya ti mayad pag pakiusa niya sa kangku.”

Gimpuunan 32:7

Magkadala yi gid si Hakub ag magkaarimputu, nakan tinunga niya sa duwa ka gurupu kay manga kaibahan hanggan kay manga karanidu, baka, kambing ag kamilyu.

2 Samwil 17:24

Rinmas-ug yi sida ni Dabid hanggan kay manga tawuhan sa Mahanaim katpung dinmipay si Absalum hanggan kay manga tawuhan sa Sapa Hurdan.

2 Samwil 7:18

Pagkatapus, nagsaka si Hari Dabid sa turda nu naan pag maulian ti Kaban Kasunduan. Tinmukaw siya ati sa atubangan Panginuun ag nandarangin, “Panginuun Diyus, si unu duy aku hanggan kang magtal-anakan kanmu pinapaladan parihu sa inda?

Hub 17:9

Angay sa kanda ti matadlung pag tawu marig-un sa kay magkabuhi ag magmabisug waya gid.

Hub 8:7

Ag ti ipakaun pag kasiyunan sa kanmu subra waya kaysa kasiyunan nimu kaybi.

Kanta 16:2

Kawu kang Panginuun. Ti tanan niku natanggap pag kaayadan ginan lang gid sa kanmu.

Kanta 18:35

Kawu parihu sa panangga mag-alaga sa kangku, nakan ribri kang buhi. Pagpatakipan nimu aku sa panab-anan nimu kamaskihan, ag sa panab-anan nimu awat nibantug aku.

Kanta 61:7

Mana humari siya hanggan aban pag-ibahan nimu, Diyus. Alagai siya sa kanmu pagmahal ag katapatan.

Kanta 8:5

Binwat nimu siya mas ababa kaysa manga anghil, dapat pagparangalan nimu siya parihu sa hari.

Kanta 84:7

Lalu di gid sida magbisug habang maglakaw, tugka sa makaras-ug ti kada usa sa atubangan Diyus ati sa Siun.

Kanta 85:10

Ti pagmahal ag ti katapatan magkaraminsan, katunda diman ti katadlungan ag ti kahusayan.

Kabagawan 4:18

Ti pangabuhi tawu matadlung parihu sa pagbutlak init mag-amat di magrayaw habang magdugay.

Isayas 6:5

Magkun aku, “Kaawaawa aku! Pihu gid midamhak aku, dahil makasalanan kang bibig ag mag-ulian aku minsan sa manga tawu makasalanan diman kay bibig. Kainda nakitan niku ti Hari, ti Panginuun Makamaskihan.”

Isayas 63:7

Ipaburayhaw niku ti pagmahal Panginuun. Dayawun niku siya sa tanan niya pag binwat sa kanta. Pagkayamu kay binwat sa kanta sa kay nasakupan Israil dahil sa daka niya pag pangaawa ag pagmahal.

Mikas 7:20

Ipakakit nimu kanmu pagmahal ag matinupadun sa kanmi sa manga linahi ni Abraham hanggan ni Hakub, parihu sa kanmu itinaratu sa kanda kaybi.”

Lukas 17:10

Nakan katunda diman kamu nu tinabu sinunud niyu ti tanan pag isinugu sa kanyu, sabiha niyu, ‘Unman nimu mapakinabangan kami pag manga panawuhun, dahil natupad lang waydi nimi ti dapat nimi buwatun.’ ”

Lukas 5:8

Pagka nakitan ni Simun Pidru ti nangyari, nagluhud siya sa atubangan ni Hisus ag magkun, “Pagpakarayu duy kawu Panginuun sa kangku ginan, dahil makasalanan aku.”

2 Kurintu 12:11

Aku inda ga patalang-talang yi, dapat kamu ti nagpilit sa kangku hampay katunda. Kamu mana ti dapat dumayaw sa kangku. Bilang madi ga ud may gana aku pag tawu dapat unman kailangan ipalabi niyu aku sa kanyu pagkumnun mayad pag manga apustul asan.

Diyuturunumiyu 8:18

Dapat alalahanun gid niyu ti Panginuun niyu Diyus imaw ti nagpakaun sa kanyu kakayahan yumaman kamu, ag binuwat niya inda hampay matupad niya ti kasunduan niya sa kanyu manga ginurang, parihu sa kay binwat taynguna.

1 Pidru 5:5

Kamu duy pag manga udwaya masyadu kanyu idad, kailangan pagpasakup kamu sa manga manug-asiwa iglisya. Pagparasakpan kamu tanan magsirirbihan kamu sa usa kag sa usa. Angay sa isinurat sa Banal Kasuratan magkun, “Ti Diyus lumaban sa mayabang-yabang, dapat pakan-an niya kaayadan ti mapinakumbabaun kay naisipan.”