Gimpuunan 31:7 - Hanunuu

⁷ dapat dinaya waya niya aku. Sampulu ka ulit niya binag-u ti kabaydanan niku. Dapat balaw aku pinabay-anan Diyus api-apihun lang niya.

Gimpuunan 31:7 Iomraidhean Croise

Gimpuunan 15:1

Pagkalawuy ati, nagbagaw ti Panginuun sa kan Abram sa panab-anan tagin-up. Magkun siya, “Abram, danga kawu magkadala dahil aku ti mag-alaga sa kanmu ag pakan-an niku kawu daka pag pirimyu.”

Gimpuunan 20:6

Magkun waya sa kanya ti Diyus sa tagin-up, “Hu, alam niku unman kawu may gayak daut, nakan balaw niku ipinahintulut garawun nimu siya hampay balaw kawu magkasala sa kangku.

Gimpuunan 29:25

Pagka sa sunud pag sirang, naalaman ni Hakub si Liya maaw kay kaulid. Nakan ngani inatihan niya si Laban ag sinabihan, “Hayga binwat nimu inda sa kangku? Nagsirbi aku sa kanmu hampay maasawa niku si Rakil. Hayga pinaumang nimu aku?”

Gimpuunan 30:28

Sabiha lang sa kangku nu pira kang ibayad sa kanmu ag bayadan niku kawu.”

Gimpuunan 31:24

Tunda katpung pag yabi, napakakit ti Diyus sa kan Laban taga Aram, sa panab-anan tagin-up. Magkun ti Diyus sa kanya, “Danga nimu pagbuwati daut si Hakub.”

Gimpuunan 31:29

May dahilan aku hampay buwatan niku kawu kadautan, nakan lang pinaandaman aku kis-ab yabi Diyus nimu ama kuntay danga niku kawu pagbuwati daut.

Gimpuunan 31:41

Sa sulud duwapulu ka timpu sa kang mag-ulian sa kanmu, 14 timpu aku nagsirbi sa kanmu para sa duwa nimu ka anak babayi. Nagsirbi waya aku unum ka timpu hampay bantayan kanmu manga hayup. Dapat hintay kanmu binwat? Sampulu ka ulit nimu binag-u ti pagbayad nimu sa kangku.

Nihimyas 4:12

Ti manga Hudiyu mag-uli arani sa kanda pirmi magbarita sa kanmi kanda gayak sa paggira.

Hub 1:10

Pag-alagaan nimu siya hanggan kay magtal-anakan, kaibahan yi ti tanan niya manga kasiyunan. Pagpapaladan nimu una hintay kay pagbuwatun niya. Nakan lalu di gid mag-amat magyamu kay manga hayup sa buu daga.

Hub 19:3

Pira yi ginan pagsurugun niyu aku daut. Unman kamu magkay-a magpuya sa kangku.

Hub 19:8

Hinarangan Diyus kang lakawan agud unman aku makalawuy. Pinatakipan niya madulum kang lakawan.

Kanta 37:28

Dahil magkaibug ti Panginuun sa katadlungan ag balaw niya pagpabay-anan ti manga matinupadun sa kanya. Pag-alagaan niya sida hanggan aban, dapat ti manga linahi manga daut palayasun sa daga Israil.

Isayas 4:1

Sa ati pag sirang, pitu ka babayi ti mangaragawan sa usa ka lalaki ag sabihun nida, “Kami yi ti bahala sa karan-unun ag rutay nimi, asawan-a lang nimu kami hampay balaw kami makakaray-a dahil sa unman kami may asawa.”

Isayas 54:17

Unman may una hintay pag armas ti binuwat hampay manalu laban sa kanmu, ag masagut nimu una hintay ti ibangdan laban sa kanmu. Inda ti ipamana niku sa kang manga manugsirbi. Pakan-an niku sida panalu. Aku, ti Panginuun, ti magsabi inda.”

Danyil 1:20

Sa tanan ipinaingana hari sa kanda, nakitan niya kanda kadunungan sampulu ka dubli sa kadunungan manga manugsalumangka hanggan pandaniwan sa buu niya kaharian.

Libitiku 26:26

Kurangun kanyu karan-unun, nakan usa lang wadi ka dapugan ti gamitun sampulu ka babayi sa pagtama tinapay, bag-u tunga-tungaun wadi nida inda sa kanyu. Tutuu may pagkan-un di kamu dapat udyi kamu magkabsug.

Sakaryas 8:23

Ag sa ati pag sirang, sampulu ka day-uhan ginan sa tuhay-tuhay pag manga nasyun iba-iba kay pamagaw ti pumakarani sa usa ka Hudiyu ag sumabi, ‘Gustu gid nimi kumuyug sa kanyu, dahil nadnugan nimi ti Diyus kaibahan niyu.’ ”

Bilang 14:22

unman una di usa sa kanda ti makaslud sa itinaratu niku pag daga sa kanda manga ginurang. Dahil una nakitan nida kang kadayawan hanggan ti manga makadululaw pag binwat niku sa Ihiptu ag sa pangawakawaan, pirmi diman nida aku pagsubukan ag unman sida magsunud sa kangku. Nakan balaw gid makaslud sa tunda pag daga ti manga magdayu sa kangku.