Gimpuunan 31:55 - Hanunuu

⁵⁵ Igu sa sunud pag sirang, maaga waya hinagkung ni Laban ag pinapaladan kay manga anak hanggan manga laki, bag-u nuli yi siya.

Gimpuunan 31:55 Iomraidhean Croise

Gimpuunan 18:33

Igu natapus kanda harampangan, nighit ti Panginuun ag si Abraham nuli yi waydi sa kanda.

Gimpuunan 24:60

Pinapaladan nida si Ribika sa kay pagginan. Magkun sida, “Patar-ari, mana kawu ti ina mayamu gid pag linahi. Mana taluhun manga linahi nimu kanda manga kalaban.”

Gimpuunan 28:1

Nakan ipinatawag ni Isaak si Hakub. Igu rinmas-ug, pinapaladan niya ag sinugu, “Danga kawu mag-asawa taga Kanaan.

Gimpuunan 30:25

Igu ainanak ni Rakil si Husi, magkun si Hakub sa kan Laban, “Pasnui yi duy nimu aku makauli sa kanmi rugar.

Gimpuunan 31:28

Udyi lang waydi nimu aku pinakan-an rugar hampay maarkan niku kang manga laki hanggan manga anak bag-u sida ginminan. Balaw gid mayad inda kanmu binwat.

Gimpuunan 31:43

Sinmagut si Laban, “Tunda pag manga babayi kangku pag anak, ag kanda manga anak kang manga laki. Tunda pag manga hayup kangku diman. Tanan mag-akitan nimu kangku. Dapat taynguna, unu waya kang mabuwat sa kang manga anak hanggan manga laki?

Gimpuunan 33:4

Dapat nalagiw si Isaw hampay sulangun siya. Hinagkung siya ni Isaw ag inarkan, bag-u nanlulumian sida duwa.

2 Samwil 19:39

Hinagkung ni Dabid si Barsilay ag pinapaladan. Siyun ginan, dinmipay si Dabid hanggan kay manga tawuhan sa Sapa Hurdan, ag si Barsilay nuli yi waydi sa kay balay.

Kanta 76:10

Pihu kanmu pangagalit sa manga tawu makapakaun kadayawan sa kanmu; pagpigilan waya nimu ti nasawad nimu pangagalit.

Kabagawan 16:7

Nu pagbayaun Panginuun kanta ugali, una manga kalaban buwatun niya kaibahan nita.

Bilang 23:11

Magkun si Balak sa kan Balaam, “Hintay inda kanmu binwat sa kangku? Ipinab-ul niku kawu hampay saadan nimu kang kalaban, dapat kanmu binwat pinapaladan di ngap nimu sida!”

Bilang 23:5

Pinakan-an Panginuun si Balaam padakit magkun, “Pagbalik kawu sa kan Balak ag itultul nimu sa kanya inda ti pagsabihun niku.”

Bilang 23:8

Kabitay niku saadan ti manga tawu balaw pagkadat-an Diyus? Kabitay niku sumpaun ti manga tawu pagpapaladan Panginuun?

Bilang 24:25

Bag-u nuli si Balaam katunda diman hanggan si Balak.

Diyuturunumiyu 23:5

Dapat balaw pinatingihan Panginuun niyu Diyus si Balaam. Bagkus, binuwat niya papalad ti saad sa kanyu, dahil pagmahalun kamu Panginuun niyu Diyus.

Diyuturunumiyu 32:36

Apinan Panginuun kay manga nasakupan; kaawaan niya kay manga manugsirbi, nu makitan niya unman yi sida may kabisugan ag nu pira wadi ti nasawad sa kanda, panawuhun man una balaw panawuhun.

Rut 1:14

Nanlumi maan sida matnug. Bag-u inarkan ni Urpa kay manugang ag nuli, dapat si Rut napatayak di kaibahan ni Nuymi.