Gimpuunan 31:48 - Hanunuu

⁴⁸ Sinabi ni Laban, “Inda pag manga batu matumpukan ti pumatutuu sa kasunduan nita duwa.” Inda kay dahilan nu hayga iningarnan Gal-id.

Gimpuunan 31:48 Iomraidhean Croise

Gimpuunan 21:30

Sinmagut si Abraham, “Tanggapa inda pag pitu ka babayi karanidu bilang puruyba kuntay aku ti nagkali tunda pag bubun.”

Gimpuunan 31:23

Nakan linagas niya si Hakub sa sulud pitu ka sirang. Iniba niya kay manga katawuhan. Natakdan nida sida ni Hakub ati sa bantud Gilyad.

Diyuturunumiyu 2:36

“Inawatan kita Panginuun nita Diyus sa kanta nag-agaw Aruwir sa saruy Luung Arnun hanggan sa manga sangput luung pag banwa, hanggan manga rugar tugka sa Gilyad. Unman may banwa mapag-un kay manga alad batu ti unman nita nakaya naslud.

Diyuturunumiyu 3:16

Ipinakaun niku sa manga lahi nida ni Rubin ni Gad ti manga daga ginan sa Gilyad tugka sa Luung Arnun. Ti karaw-an Arnun kanda tab-anan sa salatan baliwa bag-u kanda tab-anan sa kanaway ti Luung Habuk, ti tab-anan diman daga manga Amunita.

Huswi 22:27

nu unman para bumaliw tanda sa kanmi, sa kanyu, ag para sa kanta manga lahi kuntay pagsambahun nimi ti Panginuun sa panab-anan manga handug pagsunugun, manga handug para sa mayad pag pakiusa sa Panginuun, ag iba waya pag manga handug ati sa kay Turda. Nakan unman makasabi kanyu manga laki aban sa uryan sa kanmi manga lahi kuntay unman sida may labut sa Panginuun.

Huswi 22:28

Ag nu mangyari gid waydi inda kanda sabihun sa kanmi manga lahi, sumabi diman waydi sida, ‘Malu bantayi! Namatindug harandugan kanmi manga ginurang parihu sa harandugan Panginuun, balaw para sa manga handug pagsunugun ag sa iba waya pag manga handug, nu unman bilang palatandaan sa kanmi ag sa kanyu kuntay usa lang ka Diyus kanta pagsambahun.’

Huswi 22:34

Iningarnan manga lahi nida ni Rubin ni Gad ti harandugan “Kastigus”, dahil magkun sida, “Kastigus inda para sa kanta tanan ti Panginuun Diyus nita.”

Huswi 24:27

Ag magkun si Huswi sa tanan manga tawu, “Inda pag batu imaw kanta kastigus kuntay nagpakihampang ti Panginuun sa kanta. Pumatutuu inda laban sa kanyu nu unman kamu mantupad sa kanyu sinabi sa Diyus.”

Talaghusay 10:3

Dinmasun sa kan Tula si Hair taga Gilyad. Pinangunahan niya ti Israil sa sulud 22 ka timpu.