Gimpuunan 31:42 - Hanunuu

⁴² Nu balaw siguru aku giniyahan Diyus, ti paggalangun niku ama, ni Isaak, imaw diman ti Diyus ni Abraham, barang tinulak yi nimu aku unman may kadara-dara. Dapat nakitan Diyus kang pag-agwanta hanggan magtarabahu, nakan pinaandaman niya kawu kis-ab yabi.”

Gimpuunan 31:42 Iomraidhean Croise

Gimpuunan 11:5

Taynguna, nagdugsun ti Panginuun hampay bantayan ti pag-ipatindug manga tawu sa banwa hanggan sa paminaw-pinawan mata pag bantayaw.

Gimpuunan 16:11

Magkun waya ti anghil sa kanya, “Magbuduy yi kawu ag balaw dumugay manganak kawu lalaki. Paingarnan nimu siya Ismail, dahil pinatingihan Panginuun kanmu paghagadun.

Gimpuunan 16:13

Iningarnan ni Hagar “Diyus Maghiling” ti naghampang sa kanya pag Panginuun, dahil magkun siya, “Nakitan aw gid niku ti Diyus, ti maghiling sa kangku sa inda pag rugar?”

Gimpuunan 27:33

Pagka nasaydan inda ni Isaak, nangirkirug gid siya ag magkun, “Si unu nguna ti un-an nangidu ag nagdara sitay sa kangku karan-unun? Bag-u lang niku kaun kanmu magras-ug. Ipinakaun yi niku sa kanya kang papalad ag balaw yi gid niku mabawi tunda. Pinapaladan niku siya ag sa kanya yi tunda hanggan aban.”

Gimpuunan 29:32

Namuduy si Liya ag nanganak lalaki ag iningarnan niya Rubin, dahil magkun siya, “Nakitan Panginuun kang kakurian, ag taynguna pihu mahalun yi aku niku asawa.”

Gimpuunan 31:12

ag magkun siya, ‘Bantayi, ti tanan lalaki pag kambing mag-ama sa manga babayi pag kambing may buntuk-buntukan. Binwat niku inda dahil nakitan niku ti tanan pagbuwatun ni Laban sa kanmu.

Gimpuunan 31:24

Tunda katpung pag yabi, napakakit ti Diyus sa kan Laban taga Aram, sa panab-anan tagin-up. Magkun ti Diyus sa kanya, “Danga nimu pagbuwati daut si Hakub.”

Gimpuunan 31:29

May dahilan aku hampay buwatan niku kawu kadautan, nakan lang pinaandaman aku kis-ab yabi Diyus nimu ama kuntay danga niku kawu pagbuwati daut.

Gimpuunan 31:5

Magkun siya tag sa kanda, “Napansin niku tuhay yi kay magpakiusa niyu ama sa kangku. Dapat balaw aku pinabay-anan Diyus niku ama.

Gimpuunan 31:53

Mana ti Diyus nimu laki ni Abraham hanggan ti Diyus niku ama ni Nahur, imaw diman ti Diyus nida ama ni Tira, imaw ti humusay sa kanta duwa.” Nansumpa diman si Hakub sa kan Laban sa ngaran Diyus paggalangun niya ama ni Isaak.

Gimpuunan 32:9

Nandarangin si Hakub, “Diyus niku laki ni Abraham ag Diyus niku ama ni Isaak, kawu duy ti Panginuun ti magkumun sa kangku pagbalik aku sa kang manga katawuhan, ati sa daga nu naan aku pag iinanak, ag papaladan nimu aku.

Gimpuunan 35:3

Atabug kita sa Bitil, ag bumuwat aku ati harandugan para sa Diyus imaw ti nag-awat sa kangku katpung sa udas niku kakurian, ag siya diman kang kaibahan una naan tabug aku.”

Gimpuunan 46:1

Ginminan si Hakub atabug sa Ihiptu kaibahan kay magtal-anakan dara ti tanan niya kasiyunan. Pagras-ug niya sa Biirsiba, naghandug siya sa Diyus niya ama, ni Isaak.

1 Krunika 12:17

Linmuwang si Dabid sa pagsulang sa kanda ag magkun, “Nu nangataytag kamu sitay sa pag-awat sa kangku bilang manga mahal pagkakilala, pagtanggapun niku kamu kumuyug sa kanmi. Dapat nu nag-ataytag kamu agud itudlu aku sa kang manga kalaban una unman aku may binwat daut sa kanyu, mana makitan inda Diyus nita manga ginurang ag parusahan niya kamu.”

Kanta 31:7

Masulung gid aku dahil sa kanmu pagmahal, dahil nakitan nimu kang manga pag-agwanta, ag alam nimu kang manga kakurian.

Pag-ighit 3:7

Bag-u magkun ti Panginuun, “Nakitan niku ti kakurian manga nasakupan niku sa Ihiptu. Nadnugan niku kanda maghagad awat dahil sa masyadu pag-unuunu manga manugpatigayun sa kanda, ag naawa gid aku sa kanda dahil sa kanda manga kakurian.

Isayas 8:13

Aku, ti Panginuun Makamaskihan, kailangan niyu kilalan-un banal. Aku ti dapat niyu kadalaan ag galangun.

Danyil 2:23

Diyus niku manga ginurang, pagdayawun niku kawu ag pagpasalamatan. Kawu ti nagpakaun sa kangku kadunungan ag kabisugan. Ag ipinakaun nimu kanmi paghagadun sa kanmu sa panab-anan pagpaalam nimu sa kanmi kay ibug sabihun tagin-up hari.”

Diyuturunumiyu 15:13

Ag nu palpasan yi nimu siya, danga siya pagpaulia unman may dara.

Hudas 1:9

Sa kanda katpung magtalaluhan diyablu tungkul sa bangkay ni Muysis ti pangulu anghil si Mikail unman nagpanghas nagbangdan sa diyablu. Sinabi lang niya sa diyablu, “Tamyawun kawu Panginuun.”