Gimpuunan 31:35 - Hanunuu

³⁵ Magkun si Rakil sa kanya, “Amang, danga duy kawu magkaisug nu unman aku makatindug dahil magkadugu aku.” Ag parargu di gid maghanap si Laban dapat unman niya mag-akitan kay manga diyus-diyusan.

Gimpuunan 31:35 Iomraidhean Croise

Gimpuunan 31:19

Nitaun waydi ginminan si Laban hampay uguyan kay manga karanidu, ag habang udwaya siya, bin-ul ni Rakil ti manga diyus-diyusan niya ama.

Gimpuunan 31:34

Dapat itinagu yi ni Rakil ti manga diyus-diyusan sa panhampilu sa kamilyu, bag-u kay tinukawan inda. Linigaw ni Laban ti manga diyus-diyusan sa turda ni Rakil dapat unman niya inda mag-akitan.

Gimpuunan 31:36

Unman yi magkapigilan ni Hakub kay isug, nakan magkun siya sa kan Laban, “Hintay lugud pag kadautan kang nabwat sa kanmu ag linagas waya nimu aku?

1 Hari 2:19

Nakan nag-atag si Batsiba sa kan Hari Sulumun hampay sabihun sa kanya ti tungkul sa pagsabihun ni Aduniyas. Pagka nakitan siya ni Sulumun, tinmindug siya sa kay tukawan hari hampay sulangun kay ina, bag-u nanluhud siya sa kay ina. Bag-u tinmukaw siya sa kay tukawan hari. Nanpab-ul siya turukawan ag ipinauli sa kay sikun, ipinatukaw siti kay ina.

Pag-ighit 20:12

“Galanga niyu kanyu ama ag ina hampay mabuhi kamu dugay sa pag-ipakaun niku pag daga sa kanyu.

Libitiku 15:19

Nu magkadugu ti usa ka babayi, kabilang siya sa mauring sa sulud pitu ka sirang, ag una si unu ti manhiyaput sa kanya ibilang diman sa mauring tugka sa misalup ti init.

Libitiku 19:3

Kailangan galangun niyu kanyu ina hanggan ama, ag kailangan diman tupadun niyu kang manga pag-isugu sa kanyu sa manga Sirang Pamahari. Aku ti Panginuun kanyu Diyus.

Libitiku 19:32

Galanga niyu ti manga gurangun, galanga diman niyu aku kanyu Diyus. Aku ti Panginuun.

Ipisu 6:1

Kamu pag manga anak, pagsunud sa kanyu manga gurang. Katida ti dapat niyu buwatun nu kamu magsarig sa kan Kiristu.

1 Pidru 2:18

Kamu pag manga panawuhun, pagpasakup paggalang kamu sa kanyu amu, pagmatinupadun kamu, balaw lang nu mayad ag mahusay pag amu, una diman sa unman mayad pag amu.

1 Pidru 3:6

Tida imaw yi gid kan Sara itinayak pag mustara. Nagsunud kabay siya sa kay asawa sa kan Abraham, kay iningarnan niya kay takinan. Kamu diman ga kan Sara manga linahi nu mahal lang kanyu manga buwat ag nu unman kamu may pagkadalaan una di.