Gimpuunan 31:3 - Hanunuu

³ Magkun ti Panginuun sa kan Hakub, “Pagbalik yi kawu sa daga nimu manga ginurang, ati sa kanmu manga katawuhan, ag kaibahan nimu aku.”

Gimpuunan 31:3 Iomraidhean Croise

Gimpuunan 13:15

Ti tanan maalantaw nimu pag daga ipakaun niku sa kanmu hanggan sa manga linahi nimu, ag kanyu yi inda tugka aban.

Gimpuunan 21:22

Ati katpung pag panahun, inmati si Abimilik sa kan Abraham kaibahan kay takinan manga sundalu si Pikul. Magkun si Abimilik sa kan Abraham, “Pag-awatan ungud kawu Diyus sa tanan nimu pagbuwatun.

Gimpuunan 26:24

Sa tunda pag yabi sa kay pagras-ug, napakakit sa kanya ti Panginuun ag magkun, “Aku ti Diyus nimu ama, ni Abraham. Danga kawu magkadala dahil kaibahan nimu aku. Papaladan niku kawu ag pakan-an mayamu pag lahi dahil sa kan Abraham kang manugsirbi.”

Gimpuunan 28:13

Nakitan diman niya ti Panginuun matindugan sa tungud agdan ag magkun tag sa kanya, “Aku ti Panginuun, ti Diyus ni Abraham ag ni Isaak. Ipakaun niku sa kanmu ag sa kanmu manga linahi inda pag daga kanmu pag paigyaan.

Gimpuunan 28:15

Pirmi nimu alalahanun aku kanmu kaibahan ag alagaan niku kawu una naan tabug. Ipabalik niku kawu sa inda pag daga ag balaw pabay-anan tugka sa matupad niku kang itinaratu sa kanmu.”

Gimpuunan 28:4

Mana ipakaun diman sa kanmu hanggan sa kanmu manga linahi ti inayaw pag papalad sa kan Abraham, hampay maapu nimu inda pag daga kanmu pag-ulian taynguna bilang usa ka day-uhan. Inda pag daga ipinakaun ngani Diyus sa kan Abraham.”

Gimpuunan 30:25

Igu ainanak ni Rakil si Husi, magkun si Hakub sa kan Laban, “Pasnui yi duy nimu aku makauli sa kanmi rugar.

Gimpuunan 31:13

Aku ti Diyus ti napakakit sa kanmu ati sa Bitil, sa daga nu naan pag binuhusan nimu lana ulibu ti batu kanmu ipinatindug bilang alaala. Ag ati diman kawu pag nagtaratu sa kangku. Taynguna, pag-alistu kawu ag pag-ighit sa inda pag rugar, pagbalik sa rugar nu naan kawu pag iinanak.’ ”

Gimpuunan 31:2

Napansin diman ni Hakub tuhay yi kay magpakiusa ni Laban sa kanya.

Gimpuunan 31:4

Nakan ipinatawag ni Hakub kay manga asawa, sida ni Rakil ni Liya, kuntay pag-atag sa kay pasturan niya manga hayup.

Gimpuunan 32:10

Balaw duy aku karapat-dapat mantanggap tanan kaayadan ag katapatan kanmu ipinakakit sa kangku, sa kanmu manugsirbi. Dahil katpung nandipay aku sa Hurdan, unman duy aku may iba dara nu unman sugkud lang, dapat taynguna may duwa ka gurupu yi duy aku ka kaibahan.

Gimpuunan 32:5

Ag sabiha niyu sa kanya kuntay may manga baka aku, manga asnu, karanidu, kambing hanggan manga suruguun lalaki ag babayi. Sabiha niyu sa kanya kamu kang sinugu hampay hilingun sa kanya ti mayad pag pakiusa niya sa kangku.”

Gimpuunan 32:9

Nandarangin si Hakub, “Diyus niku laki ni Abraham ag Diyus niku ama ni Isaak, kawu duy ti Panginuun ti magkumun sa kangku pagbalik aku sa kang manga katawuhan, ati sa daga nu naan aku pag iinanak, ag papaladan nimu aku.

Gimpuunan 35:1

Magkun ti Diyus sa kan Hakub, “Pag-alistu kawu, pag-ati kawu sa Bitil ag ati pag pangulian. Pagbuwat kawu ati harandugan para sa kangku, ti Diyus imaw ti nagpakakit sa kanmu katpung nalagiw kawu sa kanmu patar-ari sa kan Isaw.”

Gimpuunan 35:3

Atabug kita sa Bitil, ag bumuwat aku ati harandugan para sa Diyus imaw ti nag-awat sa kangku katpung sa udas niku kakurian, ag siya diman kang kaibahan una naan tabug aku.”

Gimpuunan 50:24

Taynguna, magkun si Husi sa kay manga patar-ari, “Arani yi aku mamatay, dapat balaw kamu pabay-anan Diyus. Bul-un niya kamu sitay ginan pag rugar ag darahun sa rugar itinaratu niya sa kan Abraham, sa kan Isaak ag sa kan Hakub.”

Kanta 46:1

Ti Diyus imaw ti mag-alaga ag magpakaun sa kanta kabisugan. Alistu gid siya pirmi mag-awat sa udas kakurian.

Kanta 50:15

Pagdangup kamu sa kangku sa udas kakurian, dahil iribri niku kamu, ag dayawun niyu aku.”

Kanta 90:15

Pakan-i kami kabayaan parihu kay kadugay sa manga timpu pinarusahan nimu kami ag pinakurian kami.

Pag-ighit 3:12

Magkun ti Diyus, “Ibahan niku kawu, ag inda ti puruyba aku ti nagsugu sa kanmu: Nu naipalwas yi nimu ti manga Israilita ginan sa Ihiptu, sambahun niyu aku sa inda pag bantud.”

Isayas 41:10

Danga kawu magkaarimputu dahil aku kanmu Diyus. Pabisugun niku kawu ag awatan. Alagaan niku kawu sa panab-anan niku kamaskihan imaw ti rumibri sa kanmu.

Hibriyu 13:5

Danga kamu mag-ugali maraibgun sa kuwarta. Pagmasulung yi lang kanyu naisipan sa kanyu kahamtangan. Dahil Diyus diman ti may sabi magkun, “Una sa hintay ngarana balaw pakurangan niku kawu, una sa hintay ngarana unman gid pabay-anan niku kawu.”