Gimpuunan 31:28 - Hanunuu

²⁸ Udyi lang waydi nimu aku pinakan-an rugar hampay maarkan niku kang manga laki hanggan manga anak bag-u sida ginminan. Balaw gid mayad inda kanmu binwat.

Gimpuunan 31:28 Iomraidhean Croise

Gimpuunan 29:13

Igu nadnugan ni Laban asan si Hakub kay bapa niya sa kan Ribika, susun niya sinulang inda. Hinagkung niya ag inarkan si Hakub bag-u dinara sa kay balay. Ag ati itinultul ni Hakub sa kan Laban ti tanan nangyari.

Gimpuunan 31:13

Aku ti Diyus ti napakakit sa kanmu ati sa Bitil, sa daga nu naan pag binuhusan nimu lana ulibu ti batu kanmu ipinatindug bilang alaala. Ag ati diman kawu pag nagtaratu sa kangku. Taynguna, pag-alistu kawu ag pag-ighit sa inda pag rugar, pagbalik sa rugar nu naan kawu pag iinanak.’ ”

Gimpuunan 31:24

Tunda katpung pag yabi, napakakit ti Diyus sa kan Laban taga Aram, sa panab-anan tagin-up. Magkun ti Diyus sa kanya, “Danga nimu pagbuwati daut si Hakub.”

Gimpuunan 31:29

May dahilan aku hampay buwatan niku kawu kadautan, nakan lang pinaandaman aku kis-ab yabi Diyus nimu ama kuntay danga niku kawu pagbuwati daut.

Gimpuunan 31:3

Magkun ti Panginuun sa kan Hakub, “Pagbalik yi kawu sa daga nimu manga ginurang, ati sa kanmu manga katawuhan, ag kaibahan nimu aku.”

Gimpuunan 31:55

Igu sa sunud pag sirang, maaga waya hinagkung ni Laban ag pinapaladan kay manga anak hanggan manga laki, bag-u nuli yi siya.

Gimpuunan 32:1

Habang maglakaw sida ni Hakub, sinulang siya manga anghil Diyus.

1 Hari 19:20

Tinayakan ni Ilisyu ti manga baka ag linagas si Ilyas. Magkun si Ilisyu, “Man-ngaruk dapu duy aku sa kang ama ag ina bilang pagpaalam, bag-u di kumuyug aku sa kanmu.” Sinmagut si Ilyas, “Hu, dapat danga nimu pagkalimti kang binwat sa kanmu.”

2 Krunika 16:9

Dahil magbantay gid ti Panginuun sa buu kalibutan hampay pabaskugun ti manga tawu matinupadun sa kanya. Kabuangan kanmu binwat! Nakan kainda ginan pirmi yi kawu manlaban.”

Pag-ighit 4:27

Magkun ti Panginuun sa kan Aarun, “Paglakaw yi kawu, sulanga si Muysis sa pangawakawaan.” Nakan sinulang niya si Muysis sa Bantud Diyus ag inarkan bilang pangamusta.

Binwat 20:37

Nanlumi gid sida tanan kanda hinagkung kinaawaan si Pablu.

1 Kurintu 2:14

Ti tawu nu udwaya inulian Ispiritu Banal unman tumanggap manga katutuuhanan ginan sa Ispiritu Diyus, dahil unman ngap may kabuluhan tunda sa kanya. Unman diman magkauninawan niya dahil tunda pag manga katutuuhanan magkaintindihan lang ginan sa Ispiritu.

Rut 1:14

Nanlumi maan sida matnug. Bag-u inarkan ni Urpa kay manugang ag nuli, dapat si Rut napatayak di kaibahan ni Nuymi.

Rut 1:9

Ag papaladan mana kamu Panginuun makaasawa maan kamu hampay magkaimaw mahusay pag kahamtangan sa kanyu bag-u ulian.” Bag-u inarkan sida ni Nuymi. Nanlumi sida matnug

1 Samwil 13:13

Sinabi ni Samwil sa kan Saul magkun, “Balaw mayad kanmu binwat! Unman inisip nimu mayad sa kanmu sadili nakan ngani kawu sinmalan. Unman nimu tinupad ti pagsabihun Panginuun nimu Diyus sa kanmu. Nu abi kawu nagsunud lang mana, parig-unun di Panginuun kanmu maghari sa Israil hanggan kanmu manga lahi hanggan waya aban.