Gimpuunan 31:2 - Hanunuu

² Napansin diman ni Hakub tuhay yi kay magpakiusa ni Laban sa kanya.

Gimpuunan 31:2 Iomraidhean Croise

Gimpuunan 30:27

Sinmagut si Laban, “Nu mahimu danga dapu. Angay sa kang nanpahula, pinapaladan gid aku Panginuun dahil sa kanmu.

Gimpuunan 31:1

Nasaydan ni Hakub kay manga anak lalaki ni Laban magkun, “Bin-ul ni Hakub ti harus tanan pag kasiyunan nita ama. Ti tanan pag kayamanan niya ginan sa kasiyunan nita ama.”

Gimpuunan 31:3

Magkun ti Panginuun sa kan Hakub, “Pagbalik yi kawu sa daga nimu manga ginurang, ati sa kanmu manga katawuhan, ag kaibahan nimu aku.”

Gimpuunan 31:5

Magkun siya tag sa kanda, “Napansin niku tuhay yi kay magpakiusa niyu ama sa kangku. Dapat balaw aku pinabay-anan Diyus niku ama.

Gimpuunan 4:5

dapat balaw siya nakabaya sa kan Kain hanggan sa kay handug. Dahil siyun, nagalit gid si Kain, unman may mapatuladan kay uyahun.

Pag-ighit 4:10

Magkun si Muysis sa Panginuun, “Panginuun, unman aku madunung magbagaw. Ginan waya kaybi magkakurian aku magbagaw. Una ngani kainda paghampangun nimu aku, kanmu manugsirbi, hutal-hutal aku nu magbagaw.”

Danyil 3:19

Dahil sa kanda sagut, nag-amat di kay pangagalit hari sa kanda, ag makitan inda sa kay uyahun. Nakan nagsugu siya kuntay painita waya gid ti pugun makapitu ka bisis.

Diyuturunumiyu 19:4

Nu ti usa ka tawu nakamatay sa kay kaparihu balaw niya tikis ag unman waydi may dumut, makapalagiw siya sa usa sa inda pag manga banwa darangpan ag unman may gumaraw sa kanya.

Diyuturunumiyu 28:54

Una waya ti mabuut ag maalumanay pag tawu unman yi may pangaawa sa kay patar-ari, sa kay pagmahalun pag asawa, hanggan sa kay nasawad pag manga anak.

1 Samwil 19:7

Pagka dugay, ipinatawag ni Hunatan si Dabid ag itinultul niya ti tanan hinampangan nida ni Saul. Dinara ni Hunatan si Dabid atabug sa kan Saul, sinirbihan maan ni Dabid si Saul ga sa kabag-u.