Gimpuunan 31:19 - Hanunuu

¹⁹ Nitaun waydi ginminan si Laban hampay uguyan kay manga karanidu, ag habang udwaya siya, bin-ul ni Rakil ti manga diyus-diyusan niya ama.

Gimpuunan 31:19 Iomraidhean Croise

Gimpuunan 24:38

Pag-atag kawu sa ulian niku ama, ati kawu pagpili maasawa niku anak, ginan sa kang manga katawuhan.’

Gimpuunan 31:20

Dinaya ni Hakub si Laban taga Aram, dahil balaw niya ipinaalam kay magginan.

Gimpuunan 31:30

Alam niku magkaibug yi gid kawu muli. Dapat hayga tinakaw nimu kang manga diyus-diyusan?”

Gimpuunan 31:32

Dapat nu tungkul sa kanmu nadura pag manga diyus-diyusan, nu makitan nimu inda una sa kantapu sa kanmi, parusahi siya kamatayan. Sa atubangan nita manga katawuhan bilang manga kastigus, bantayi nimu nu may imaw kawu magkaapu atay sa kanmi, ag nu may imaw bul-a nimu.” Unman alam ni Hakub si Rakil maaw ti nagbuul manga diyus-diyusan ni Laban.

Gimpuunan 31:34

Dapat itinagu yi ni Rakil ti manga diyus-diyusan sa panhampilu sa kamilyu, bag-u kay tinukawan inda. Linigaw ni Laban ti manga diyus-diyusan sa turda ni Rakil dapat unman niya inda mag-akitan.

Gimpuunan 31:35

Magkun si Rakil sa kanya, “Amang, danga duy kawu magkaisug nu unman aku makatindug dahil magkadugu aku.” Ag parargu di gid maghanap si Laban dapat unman niya mag-akitan kay manga diyus-diyusan.

Gimpuunan 35:2

Nakan magkun si Hakub sa kay magtal-anakan hanggan sa tanan kaibahan niya, “Yamtan yi niyu kanyu manga diyus-diyusan. Lumpiyuha kanyu sadili ag ilisi kanyu manga rutay bilang tanda bag-u ag malumpiyu pag buhi.

Gimpuunan 38:13

May nagtultul sa kan Tamar kuntay kay manugang atabug sa Timna hampay uguyan ati kay manga karanidu.

2 Samwil 13:23

Pagkalawuy duwa ka timpu, katpung pag-uguyan ni Absalum kay manga karanidu sa Baal Hasur, arani sa Ipraim, binan-awan niya ti tanan anak hari pag-atag hampay mandaus ati.

2 Hari 23:24

Pinalayas diman ni Husyas sa Huda ag Hirusalim ti manga pandaniwan maghampang sa karadwa namatay, ti manga diyus manga magtal-anakan, ti tuhay waya pag manga diyus-diyusan, ag ti tanan mayagting pag pagsambahun manga tawu. Binwat inda ni Husyas agud matupad ti manga sugu nakasurat sa ribru nakitan ni Hilkiyas ti manughandug sa Balay Diyus Panginuun.

Isikil 21:21

Dahil ti hari Babilunya tumindug sa pagsangahan dalan, alamun niya nu naan siya pag lumakaw pag dalan sa panab-anan lunggungan sa ugyung, sa pagpaingana sa manga diyus-diyusan, ag sa pag-usisa mayad sa ihinandug pag atay hayup.

Husyas 3:4

Dahil kay ibug sabihun, maduraan hari hanggan takinan ti nasakupan Israil sa kadugayun pag panahun. Maduraan diman manga handug hanggan aramirawan pag batu, katunda diman ti ipud garamitun sa panhula hanggan ti manga diyus-diyusan.

Huswi 24:2

Magkun si Huswi sa tanan tawu, “Imaw inda ti pagsabihun Panginuun, ti Diyus Israil: Sa kabag-u, kanyu manga ginurang mag-uli sa dipay Sapa Iyupratis ag nagsamba sa iba ka manga diyus. Usa sa kanda si Tira kay ama ni Abraham ag ni Nahur.

Talaghusay 18:31

Ag habang ti Turda Diyus ati di waya sa Silu, ti diyus-diyusan ni Mikas parargu pagsambahun sa Dan.

1 Samwil 15:23

Ti paglapastangan sa Panginuun ga maghiri kay ka daut ag ti kaganitan ulu ga magsamba sa diyus-diyusan kay ka daut. Dahil sa kanmu pagbugya sa bagaw Panginuun, binugyahan diman niya kawu bilang hari.”

1 Samwil 19:13

Binmuul waydi si Mikul usa ka diyus-diyusan, bag-u kay ipinahuway sa kanda igyaan. Pinakumtan niya inda, bag-u sinaput sa bulbul kambing kay ulu.

1 Samwil 25:2

Ati sa Maun, may usa ka tawu mayaman gid ag may daga sa Karmilu. May imaw siya 1,000 kambing hanggan 3,000 karanidu kay pag uguyan ati sa Karmilu.