Gimpuunan 31:12 - Hanunuu

¹² ag magkun siya, ‘Bantayi, ti tanan lalaki pag kambing mag-ama sa manga babayi pag kambing may buntuk-buntukan. Binwat niku inda dahil nakitan niku ti tanan pagbuwatun ni Laban sa kanmu.

Gimpuunan 31:12 Iomraidhean Croise

Gimpuunan 31:10

Magkun waya si Hakub, “Katpung udas mag-aramaan manga hayup, nanagin-up aku. Nakitan niku ti manga lalaki pag kambing magtakpal sa manga babayi pag kambing may buntuk-buntukan.

Gimpuunan 31:42

Nu balaw siguru aku giniyahan Diyus, ti paggalangun niku ama, ni Isaak, imaw diman ti Diyus ni Abraham, barang tinulak yi nimu aku unman may kadara-dara. Dapat nakitan Diyus kang pag-agwanta hanggan magtarabahu, nakan pinaandaman niya kawu kis-ab yabi.”

Kanta 10:14

Dapat nakitan nimu ti manga mag-agwanta hanggan ti manga magkakurian, ag alistu kawu umawat sa kanda. Magpakarani sa kanmu ti manga kaawaawa parihu sa manga ulila, ag pag-awatan nimu sida.

Kanta 12:5

Magkun ti Panginuun, “Awatan niku ti manga pugri dahil pag-api-apihun sida ag mag-arunghung sida sa agwanta. Alagaan niku sida dahil inda kanda pagkaibgan.”

Kanta 139:3

Pagbantayan nimu aku sa kang magtarabahu ag magpahari. Alam nimu ti tanan niku pagbuwatun.

Pag-ighit 3:7

Bag-u magkun ti Panginuun, “Nakitan niku ti kakurian manga nasakupan niku sa Ihiptu. Nadnugan niku kanda maghagad awat dahil sa masyadu pag-unuunu manga manugpatigayun sa kanda, ag naawa gid aku sa kanda dahil sa kanda manga kakurian.

Pag-ighit 3:9

Nadnugan niku kay maghagad awat manga Israilita, ag nakitan niku nu kabitay sida pag-unuunuhun manga Ihipsiyu.

Manugtudlu 5:8

Danga kawu magkadulaw nu makitan nimu pag-apihun ti manga pugri sa kanyu rugar, unman pagpakan-an katadlungan ag pagpuryahun kanda karampatan. Dahil ti takinan mag-api sa kanda pag-alagaan pinakaabwat waya pag takinan, ag inda pag duwa pag-alagaan waya gid lalu pinakaabwat pag takinan.

Libitiku 19:13

Danga niyu pagdayaa aw ngatay pagtakawi kanyu kaparihu. Danga yi niyu pagpaaldawan ti pagpakaun upa sa tawu pinatarabahu niyu.

Binwat 7:34

Nakitan gid ngani niku kanda mag-unuunu manga taga Ihiptu sa kang nasyun pag tawu. Nadnugan diman waydi niku kanda magpabawi. Nakan aku ginan sa langit nagsitay tag sa babaw daga hampay bawiun sida ginan sa kanda kakurian. Taynguna abala duy, hampay kawu yi kang suguun tabug sa Ihiptu.’”

Ipisu 6:9

Kamu pag manga amu, pagpasunaid kamu sa kanyu manga panawuhun, danga waydi niyu pagpakapadalaa, dahil alam di niyu parihu lang waydi kamu panawuhun usa lang ka Panginuun sa langit, ud may pag-apihun sa kanyu tanan.

Diyuturunumiyu 24:15

Bayadi siya sa sinirang pag upahan sa unman waya mag-isangday ti init dahil pugri siya ag magsarig siya sa kay kabaydanan. Dahil nu unman, barang mandangup siya sa Panginuun laban sa kanmu, ag isipun inda kanmu kasalanan.