Gimpuunan 30:16 - Hanunuu

¹⁶ Marukirum yi kay magras-ug ni Hakub ginan sa tanman, sinulang siya ni Liya ag magkun, “Kailangan sa kangku kawu pag umulid taynguna pag yabi, dahil binayadan yi niku kawu sa kan Rakil manga mandragura dara niku anak.” Nakan nangulid ngani si Hakub sa kan Liya sa tunda pag yabi.

Gimpuunan 30:16 Iomraidhean Croise

Gimpuunan 30:14

Tag-ani tirigu ati katpung kay mag-atag ni Rubin sa tanman ag may nakitan siya manga tanum mandragura. Binmuul siya kay burak inda ag dinara sa kay ina sa kan Liya. Igu nakitan tunda ni Rakil magkun siya tag kan Liya, “Pakan-i duy aku manga mandragura dara nimu anak.”

Gimpuunan 30:15

Dapat sinmagut si Liya, “Udwaya aw kawu magkasulung sa kanmu pagbuul sa kang asawa? Taynguna, bul-un waya nimu ti manga mandragura niku anak?” Magkun si Rakil, “Nu pakan-an nimu aku manga mandragura ipaulid niku si Hakub sa kanmu taynguna pag yabi.”

Gimpuunan 30:17

Dinungug Diyus ti darangin ni Liya ag namuduy siya. Nanganak siya lalaki kay ikalima pag anak nida ni Hakub.