Gimpuunan 3:6 - Hanunuu

⁶ Pagka binantayan babayi ti puun kayu, marinu katna tunda bantayun ag mayad kan-un kay burak, dahil sa magkaibug siya dumunung, pinmuti yi ngani siya burak kayu ag kay kinaun. Kay diman waydi pinakan-an kay asawa, kinmaun diman waydi.

Gimpuunan 3:6 Iomraidhean Croise

Gimpuunan 3:12

Sinmagut ti lalaki, “Tunda ngani duy pag babayi kanmu ipinakaun sa kangku imaw ti nagpakaun burak kayu bag-u kang kinaun.”

Gimpuunan 3:17

Sinabi diman niya sa kan Adam, “Dahil nagpaniwala kawu sa kanmu asawa, ag nagkaun kawu burak kayu kang pag-irangan sa kanyu, saadan niku ti daga dahil sa kanmu. Nakan sa buu nimu buhi manbudlay gid kawu sa hustu hampay may makaun.

Gimpuunan 39:7

Balaw nagdugay, naibug sa kanya ti asawa niya amu. Paggaryahun niya si Husi hampay man-ululidan.

Gimpuunan 6:2

Nakitan manga anak Diyus ti manga mararinu pag manga anak babayi, nakan inasawa nida kanda pagkaibgan asawan-un.

2 Samwil 11:2

Magkamalambung yi tunda katpung, binmangun si Dabid ag nanlakaw-lakaw sa babaw atup balay hari. Habang magbantay siya tag sa sirung, may nakitan siya usa ka marinu pag babayi magparigus.

1 Hari 13:19

Kinmuyug ngani sa kanya ti suruguun Diyus, nangaun ag nanginum siya ati.

Hub 31:1

“Nagtaratu aku sa kang sadili balaw gid aku mansinuk may pangaibug isip sa manga daraga.

Isikil 24:16

“Anak tawu, sa usa ka pidpiraw bul-un niku ti pagmahalun gid nimu pag babayi. Dapat danga nimu siya paglumii ngatay pagrukui.

Isikil 24:25

Magkun waya ti Panginuun sa kangku, “Anak tawu, sa udas dautun niku ti Balay Diyus kanda darangpan, kanda pag-ipadayaw, pagmahalun ag pagbayaun, bag-u panmatyun yi niku kanda manga anak,

Husyas 6:7

Parihu sa kan Adam, dinaut niyu ti kasunduan niku sa kanyu. Nagpudil kamu sa kangku asan sa kanyu rugar.

Matiyu 5:28

Dapat pagsabihun niku sa kanyu, ti kada magsinuk sa usa ka babayi may tapil yi ibug, nagkasala yi ngap siya nag-uragin yi sa kay tagipusuun.

1 Timutiyu 2:14

Bukun si Adam nu unman si Iba ti nadaya ag nagkasala.

Huswi 7:21

Sa manga bagay naagaw nita, may nakitan aku usa ka marinu pag rutay ginan sa Babilunya, pilak manga duwa ka kilu may tunga, ag usa ka barita gintu manga tunga kilu. Naibug gid aku sa inda pag manga bagay, nakan bin-ul niku. Ilinbung niku inda sa daga sa sulud niku turda. Ti pilak ati gid sa sirung.”

1 Huwan 2:16

Dahil ti tanan bagay sa kalibutan, ti manga daut pag kagustuhan naisipan, ti manga daut pag kagustuhan mata ag ti magpadayaw-dayaw sa kay kahamtangan, balaw ginan sa Ama nu unman ginan ngap sa kalibutan.

Talaghusay 14:17

Siyun ginan udyi may apas kay maglumi ti babayi tugka sa ikapitu pag sirang. Nakan sinabi yi lang ni Samsun sa kanya kay sagut dahil magpilit siya. Ag ti sinabi ni Samsun sa kanya sinabi diman waydi niya sa kay manga kasimanwa.