Gimpuunan 3:5 - Hanunuu

⁵ Sinabi tunda Diyus dahil alam niya nu kumaun kamu tunda pag burak kayu, mabukasan kanyu naisipan ag kamu ga Diyus yi waydi aban, magkilala sa mayad ag sa daut.”

Gimpuunan 3:5 Iomraidhean Croise

Gimpuunan 2:17

purya lang sa burak kayu magpakaun kadunungan nu hintay ti mayad ag ti daut. Dahil nu kan-un nimu tunda, sa tunda diman pag sirang pihu gid kawu mamatay.”

Gimpuunan 2:9

Pinatubu Panginuun Diyus ti tanan kalasi manga kayu marinu bantayun ag kay manga burak masarap kan-un. Sa karaw-an halamanan may imaw puun kayu kabuhian, ag may imaw diman puun kayu magpakaun kadunungan nu hintay ti mayad ag ti daut.

Gimpuunan 3:10

Sinmagut ti lalaki, “Nasaydan duy niku kawu maglakaw sa halamanan, nakan napatagu aku. Nadala duy aku dahil uba-uba aku.”

Gimpuunan 3:22

Magkun ti Panginuun Diyus, “Malu, kainda ti tawu parihu yi waydi sa kanta, magkilala yi sa mayad ag sa daut. Kailangan balaw gid siya pasnuan kumaun burak kayu kabuhian, dahil nu kumaun siya, magkaimaw siya buhi unman may katapusan.”

Gimpuunan 3:7

Minsan nabukasan kanda naisipan, nakilala nida ti mayad ag ti daut, bag-u napansin nida uba-uba maaw sida. Nakan nanahi sida manga labung igus hampay kanda ipatakip sa kanda bilug.

1 Hari 22:6

Nakan ipinatawag ni Akab ti manga purupita — manga 400 sida tanan ag pinaingana, “Atabug aw kami sa Ramut Gilyad ngatay unman?” Sinmagut sida, “Sigi, paglakaw kamu, dahil papanaluhun kamu Panginuun!”

2 Krunika 32:15

Danga kamu magpaluku sa kan Isikyas. Danga kamu magpaniwala sa kanya, dahil unman may diyus sa una naan pag nasyun ngatay kaharian ti nakaparibri sa kay nasakupan sa kang kamang ngatay sa kamang niku manga ginurang. Ag lalu yi gid kanyu diyus!”

Kanta 12:4

Magkun sida, “Sa panab-anan nimi manga baragawun manalu kami. Pagustu kami una hintay kanmi bagawun, unman may makaampara sa kanmi.”

Pag-ighit 20:7

“Danga niyu paggamita kang ngaran sa unman may pulus. Aku, ti Panginuun niyu Diyus, ti pumarusa una si unu ti gumamit kang ngaran sa unman may pulus.

Pag-ighit 5:2

Magkun ti hari Ihiptu, “Si unu tunda pag Panginuun hampay mamatingi aku sa kanya ag pasnuan umighit ti manga Israilita? Balaw aku magkilala sa tunda pag Panginuun, ag balaw niku paighitun ti manga Israilita.”

Isayas 14:14

Dumayik aku sa tungud manga rurum, ag bumaliw parihu sa Kaabwat-abwatan pag Diyus.’

Isikil 13:22

“Pagparukuun niyu ti manga matadlung sa panab-anan niyu kapudilan, una aku ngani mismu unman nagparuku sa kanda. Paggaryahun niyu ti manga daut danga sida mag-apas sa kanda daut pag buruwatun sa panab-anan pagtaratu sa kanda kuntay maribri sida sa kamatayan.

Isikil 28:12

“Anak tawu, paghirinangbitun kawu laban sa hari Tiru. Sabihi siya aku, ti Panginuun Diyus, magkun: Kaybi usa kawu ka mustara kaayadan. Madunung kawu ag marinu gid.

Isikil 28:2

“Anak tawu, sabihi ti takinan Tiru aku, ti Panginuun Diyus, magkun: Sa kanmu pagkamarapadayaw pagkun kawu, ‘Usa ka diyus aku, matukawan sa tukawan hari sa karaw-an kadagatan.’ Dapat kay tutuu, una mag-isip kawu madunung parihu sa usa ka diyus, balaw kawu diyus nu unman tawu lang.

Isikil 28:9

Malu, makasabi aw waya nimu, ‘Usa ka diyus aku,’ sa atubangan manga manmatay sa kanmu? Para sa kanda tawu lang kawu ag balaw usa ka diyus.

Isikil 29:3

Sabihi siya aku, ti Panginuun Diyus, magkun: Kalaban niku kawu, hari Ihiptu. Parihu kawu sa daka pag buaya malanguyan sa sapa. Magsabi kawu, ‘Ti Sapa Nilu, aku ti nagbuwat inda para sa kang sadili.’

Danyil 4:30

magkun siya, “Tutuu gid ungud makapangyarihan yi ti Babilunya, ti kang ipinatindug pag kaharian banwa sa panab-anan niku sadili kabisugan ag para sa kang kadayawan.”

Danyil 6:7

Kami bilang manga manugpaanyu, manga miyur, manga gubirnadur, manga manughusay, ag manga manug-asikasu sa kanmu kaharian nagkausa manpakihampang sa kanmu kuntay pamuwat kawu usa ka sugu, sa sulud tatlumpulu ka sirang kailangan unman gid may mandarangin una sa kantapu pag diyus ngatay tawu nu unman sa kanmu lang. Ag kailangan tupadun gid inda, dahil una si unu ti lumabag sa inda pag sugu iyamut sa may liyun kali.

Matiyu 6:23

Dapat ay nu madlum kanmu mata, madulman ti buu nimu ginhawa. Nakan nu ti rayaw sa kanmu nagbaliw madulum, pingit yi pag dulum.”

Binwat 26:18

Kailangan pamuklatun nimu kanda manga mata, kailangan bawiun nimu sida ginan sa kadudulman atag sa marayaw, ginan sa kapangyarihan ni Satanas tabug ngap sa Diyus, hampay nu sida sumarig sa kangku, patawadun kanda manga kasalanan hampay mipaminsan sida sa manga tawu napasakup sa Diyus.’

2 Kurintu 11:3

Dapat naala-ala niku barang maakit kanyu naisipan ga kan Iba nadaya waydi ulay, barang kamu rumamig sa marig-un niyu pagmahal sa kan Kiristu.

2 Kurintu 4:4

Unman sida magsarig, dahil kanda naisipan binuta ni Satanas, imaw tig hari sa manga taga kalibutan. Binuta sida hampay balaw makitan nida ti karayawan Mayad pag Barita tungkul sa kadayawan ni Kiristu imaw ti histuda Diyus.

2 Tisalunika 2:4

Siya yi gid ti Manuglaban. Magpalabi-labi siya laban sa tanan pag-ingarnan manga tawu kuntay diyus hanggan sa tanan pag manga pagsambahun nida. Pagka dugay ipaabwat niya kay sadili, sumaka siya sa Balay Diyus, tumukaw siya ati akuun niya kuntay Diyus siya.

Ipinakakit 13:14

Dinaya niya ti tanan tawu sa babaw daga dahil sa manga tanda ipinabuwat sa kanya sa atubangan usa ka hayup malangas. Nagarya niya ti manga tawu hampay bumwat tawu-tawu ga hayup malangas, imaw ti nabiyagan baladaw dapat nag-ayad di maan.

Ipinakakit 13:4

Ti tanan tawu nagsamba sa daragun, dahil ipinakaun niya kay karampatan sa hayup malangas. Sinambahan nida hanggan ti hayup malangas, dinayaw nida magkun, “Hintay ti makatulad sa hayup malangas, si unu ti makalaban sa kanya?”

Talaghusay 3:2

Binwat inda Panginuun hampay tudluan lumaban ti manga linahi Israilita balaw waya nakalakaw inda.