Gimpuunan 3:22 - Hanunuu

²² Magkun ti Panginuun Diyus, “Malu, kainda ti tawu parihu yi waydi sa kanta, magkilala yi sa mayad ag sa daut. Kailangan balaw gid siya pasnuan kumaun burak kayu kabuhian, dahil nu kumaun siya, magkaimaw siya buhi unman may katapusan.”

Gimpuunan 3:22 Iomraidhean Croise

Gimpuunan 1:26

Bag-u magkun ti Diyus, “Lalangun nita ti tawu ga kanta histuda. Sida ti manpamahala sa tanan pag kalasi hayup: manga maglanguy, maglayang, maglakaw ag magyapang.”

Gimpuunan 2:9

Pinatubu Panginuun Diyus ti tanan kalasi manga kayu marinu bantayun ag kay manga burak masarap kan-un. Sa karaw-an halamanan may imaw puun kayu kabuhian, ag may imaw diman puun kayu magpakaun kadunungan nu hintay ti mayad ag ti daut.

Gimpuunan 3:21

Ag binuwatan Panginuun Diyus si Adam hanggan kay asawa manga pinagkarutay lukub hayup, bag-u kay ipinasulung sa kanda.

Gimpuunan 3:23

Nakan pinaighit siya Panginuun Diyus ginan sa halamanan Idin hampay tanmanun kay gininanan pag daga.

Gimpuunan 3:5

Sinabi tunda Diyus dahil alam niya nu kumaun kamu tunda pag burak kayu, mabukasan kanyu naisipan ag kamu ga Diyus yi waydi aban, magkilala sa mayad ag sa daut.”

Kanta 22:26

Mangaun ti manga pugri ag mabsug sida. Dayawun kawu manga magdangup sa kanmu. Pagsa kanda ti kaayadan hanggan ti malawig pag buhi.

Kabagawan 3:18

Mapalad ti tawu may kadunungan; ti kadunungan ikaayad ag ikalawig niya buhi.

Hirimyas 22:23

“Kamu pag manga mag-uli sa balay hari sa Hirusalim binuwat sa kayu sidru ginan sa Libanun, kaawaawa kamu nu rumas-ug yi sa kanyu ti kakurian, ga babayi magkakurian sa magpanganak,

Ipinakakit 2:7

“Ti may tuli kailangan pagpatingi sa pagsabihun Ispiritu sa manga iglisya. Ti manalu pag tawu imaw ti pakan-an niku karampatan makakaun sa burak kayu kabuhian sa halamanan Diyus.”

Ipinakakit 22:14

Papaladan Diyus ti maglumpiyu kanda manga rutay, pakan-an sida karampatan hampay makakaun burak kayu makapakaun tutuu pag buhi ag hampay makasulud sa banwa lakaw sa kay manga puwirtahan.

Ipinakakit 22:2

Baliw-baliw dipay sapa may puun kayu, kay burak makapakaun tutuu pag buhi sa tawu. Bulan-bulan magburak. Kay manga labung magpaayad sa sakit manga nasyun tawu.