Gimpuunan 3:18 - Hanunuu

¹⁸ Mantubu sa daga ti manga ilamnun hanggan ti manga halaman dugihan. Kanmu karan-unun ginan sa basad talun.

Gimpuunan 3:18 Iomraidhean Croise

Gimpuunan 3:17

Sinabi diman niya sa kan Adam, “Dahil nagpaniwala kawu sa kanmu asawa, ag nagkaun kawu burak kayu kang pag-irangan sa kanyu, saadan niku ti daga dahil sa kanmu. Nakan sa buu nimu buhi manbudlay gid kawu sa hustu hampay may makaun.

Gimpuunan 3:19

Kailangan magbudlay gid kawu sa hustu agud may makaun, tugka sa bumalik kawu sa daga sa kanmu gininanan. Dahil ginan kawu sa daga, sa daga diman kawu pag bumalik.”

Hub 1:21

Magkun siya, “Iinanak aku unman may dara ag mamatay diman aku unman may dara. Ti Panginuun ti nag-ayaw una hintay pag kasiyunan niku, ag ti Panginuun diman ti bum-ul inda. Dayawun gid ti ngaran Panginuun!”

Hub 31:40

mana manubu sa kang daga ti manga dugihan ag manga ilamnun sa halip tirigu ag sibada.” Sitay pag nap-ut kay bagaw ni Hub.

Hub 5:5

Kay ani hanggan ti manga burak niya manga tanum magtubu sa dugihan pag ilamnun, bul-un lang manga tawu magkalun-us. Kay kasiyunan agawun lang manga tawu maraibgun sa manga kasiyunan.

Kanta 104:2

Magkatabunan kawu rayaw ga kanmu rutay ag linadlad nimu ti langit ga turda.

Kanta 90:3

Kawu ti magpasya sa kamatayan tawu; pag-ibalik nimu siya sa daga sa kay gininanan.

Kabagawan 22:5

Maglakaw ti manga daut pag tawu sa dalan madugi ag may manga suduk. Pag-aman kawu sa tunda pag dalan nu pagdahanan nimu kanmu buhi.

Kabagawan 24:31

Punu yi inda manga ilamnun ag dugihin pag manga kayu, bag-u daut yi kay alad.

Isayas 32:13

Ti daga niku manga nasakupan tubuan manga ilamnun ag dugihan pag halaman. Magkaradura ti masulung pag ulian hanggan banwa.

Isayas 5:6

Pabay-anan yi lang niku inda ag balaw yi asikasuhun. Balaw yi niku inda puldan kay manga sanga ngatay balubuan kay puun. Pabay-anan yi lang niku mibusul sa manga ilamnun ag manga halaman madugi. Bag-u suguun niku ti manga rurum tubay yi inda padna uran.”

Isayas 7:23

Sa ati diman pag udas, ti ubasan may 1,000 puun, kay halaga 1,000 pulud pilak bumaliw marikut ag mapnu tanum madugi.

Isayas 7:24

Mangidu ti manga tawu ati dara kanda manga bayi hanggan bangkaw dahil marikut yi ag punu tanum madugi.

Hirimyas 12:13

Kang manga nasakupan mamamgas tirigu, dapat mangani sida dugi. Mangungud sida sa tarabahu dapat unman sida may pakinabangun. Mangani sida kakay-ahan dahil sa kang masyadu pangagalit.”

Hirimyas 4:3

Magkun ti Panginuun sa manga taga Huda ag taga Hirusalim, “Bag-uhun niyu kanyu manga sadili ga magbungkal kamu kanyu daga balaw waya nabungkal. Danga niyu ipamgas ti mayad pag binhi sa manga mailamnun madugi.

Matiyu 13:7

Kay iba binhi nipamgas sa basad kadugihan. Pagka linmangba ti manga dugi, pinil-it ti binhi.

Ruma 14:2

May tawu magkaun una hintay pag karan-unun, unman may daut sa kay naisipan. Dapat ti malumuy kay pagsarig unman magkaun taguban.

Hibriyu 6:8

Dapat nu tunda pag daga tubuan manga ilamnun dugihan kay iba, unman may gana tida pag daga ag udyi dugay aban saadan yi Diyus pihu irubun aban apuy.

Huswi 23:13

pihu gid unman yi ipatabug Panginuun niyu Diyus sa kanyu inda pag manga nasyun. Bagkus ngap, bumaliw dilikadu sida sa kanyu parihu sa suduk, ag bumaliw sida pabuyat sa kanyu parihu sa latigu nu malaptik kawu sa dayu ngatay dugi nu matbuk kanmu mata. Parargu inda tugka sa magkaramatay kamu sa siyun pag marinu daga ipinakaun sa kanyu Panginuun niyu Diyus.