Gimpuunan 3:16 - Hanunuu

¹⁶ Sinabi diman niya sa babayi, “Dahil sa kanmu binwat, dugangan niku kanmu kakurian sa magbuduy ag malakawan nimu ti masyadu pag sakit sa kanmu magpanganak. Dapat una katida, hangadun di gid nimu kanmu asawa, ag siya ti maghari sa kanmu.”

Gimpuunan 3:16 Iomraidhean Croise

Gimpuunan 4:7

Nu kawu mana magbuwat lang mayad, man-aw masulung diman kawu. Dapat nu dayu kawu magbuwat mayad, bilang ga mablitangan sa kanmu sabian ti kasalanan, mag-alagad wadi sa kanmu pasaka, bag-u aban kawu yi kay suruguun. Nakan kailangan kawu di gid ti panalu.”

1 Krunika 4:9

May usa ka tawu kay ngaran si Habis. Garalangun siya pag tawu kaysa kay manga patar-ari lalaki. Iningarnan siya niya ina Habis dahil magkun kay ina, “Masyadu aku nakurian sa kang magpanganak sa kanya.”

Istir 1:20

Nu maipabantala yi inda sa buu kaharian pihu gid galangun manga babayi kanda manga asawa ginan sa manga mayaman tugka sa manga pugri.”

Kanta 48:6

Tinakigan sida sa kadalaan parihu sa babayi magpanamdam.

Isayas 13:8

ag mangirkirug sa kadalaan. Maungdan nida ti subra pag kakurian parihu sa kakurian babayi magpanganak. Mamarantayan sida sa usa kag sa usa ag manragang kanda manga uyahun sa kay-a.

Isayas 21:3

Ti nakitan ag nasaydan niku sa kang pangakakitun nakapakaun gid masyadu pag kadalaan sa kangku. Nanarakit kang bilug, ga babayi magkakurian sa magpanganak.

Isayas 53:11

Nu makitan niya kay burak niya kakurian, makabaya siya. Magkun ti Panginuun, “Sa panab-anan kadunungan niku matadlung pag manugsirbi, mayamu ti kilalan-un niya matadlung, mangagwanta siya para sa kanda manga kasalanan.

Hirimyas 13:21

Hintay ti maramdaman nimu nu ti kakampi nimu pag nasyun ti sumakup sa kanmu? Unman aw manrukuan kawu ga usa ka babayi magkaanak yi?

Hirimyas 22:23

“Kamu pag manga mag-uli sa balay hari sa Hirusalim binuwat sa kayu sidru ginan sa Libanun, kaawaawa kamu nu rumas-ug yi sa kanyu ti kakurian, ga babayi magkakurian sa magpanganak,

Hirimyas 4:31

Nadnugan niku ti maglumi hanggan magpabawi, ga babayi magpanganak sa kay panganay anak. Lumi inda manga nasakupan Hirusalim ga maghingagaw kanda arup. Pag-ipaabwat nida kanda manga kamang magkun, “Kaawaawa waydi kami; ag ga malipungan yi, dahil asan yi kanmi manga kalaban ti manmatay sa kanmi.”

Hirimyas 49:24

Naglumuy ti manga taga Damasku ag linmayas sida dahil sa dala. Dala ag kabuyatan tagipusuun ti nadamdaman nida ga bilang babayi arani yi manganak.

Hirimyas 6:24

Nabaritaan nimi tungkul sa kanda nakan bag-u kami nanlulubay. Dala ag kakurian ti mag-asaydan nimi parihu sa babayi magpanamdam arani yi manganak.

Bilang 30:13

Kay asawa may karampatan magpasnu ngatay mag-ampara sa una hintay pag itinaratu niya ngatay isinumpa.

Huwan 16:21

Parihu sa babayi magpanamdam, magkakurian siya dahil rinmas-ug yi kay kaudasan. Nu bay nakalawuy yi ti anak udyi magkadumduman babayi kay nalakawan pag kakurian. Magbaya ngap siya dahil nilusad yi ti usa ka lapsag.

1 Kurintu 11:3

Dapat kang gustu pagmaintindihan niyu si Kiristu tigpamahala sa kada lalaki, ti lalaki magpamahala sa kay asawa bag-u ti Diyus magpamahala waydi sa kan Kiristu.

1 Kurintu 14:34

Ti manga babayi kailangan danga mag-ingay sa katpung tiripun iglisya. Dahil unman pagpasnuan sida magbagaw sa katpung pagtiripun. Kailangan ti manga babayi pagmapinakumbabaun angay sa isinurat sa Kasuguan Diyus.

1 Kurintu 7:4

Ti babayi unman makapamahala sa kay sadili bilug nu unman kay asawa lalaki tigpamahala. Katunda diman waydi ti lalaki unman makapamahala sa kay sadili bilug nu unman kay asawa babayi tigpamahala.

Kulusas 3:18

Kamu pag manga babayi, pagpasakup kamu sa kanyu sadili asawa, dahil katida gid ti angay sa kanyu pagsarig sa Panginuun.

1 Tisalunika 5:3

Nu pagkumnun manga tawu, “Kita may kahusayan unman may pagkadalaan!” tunda ngap bigla pag mangyari ti kadamhakan. Dayu gid sida umiwas dahil inda mangyari parihu sa udas nu magpanamdam ti babayi manganak.

1 Timutiyu 2:13

Isipa niyu si Adam ti un-an linalang bag-u di si Iba.

1 Timutiyu 2:15

Dapat ingatan di Panginuun ti manga babayi sa kanda katpung magpanganak, nu magpakumbaba sida kay ugali sa pagsarig, sa pagmahal ag sa lubus magpasakup sa Panginuun.

Titu 2:5

Pagpirmi sida maalumanay, pagmalinis kanda manga ugali, pagmasipag sa buruwatun sa sulud balay, pagkaayad kanda manga nabubut-un, pagpasakup sida sa kanda manga asawa hampay unman may pag-ilibak ti manga tawu laban sa Bagaw Diyus.