Gimpuunan 29:32 - Hanunuu

³² Namuduy si Liya ag nanganak lalaki ag iningarnan niya Rubin, dahil magkun siya, “Nakitan Panginuun kang kakurian, ag taynguna pihu mahalun yi aku niku asawa.”

Gimpuunan 29:32 Iomraidhean Croise

Gimpuunan 16:11

Magkun waya ti anghil sa kanya, “Magbuduy yi kawu ag balaw dumugay manganak kawu lalaki. Paingarnan nimu siya Ismail, dahil pinatingihan Panginuun kanmu paghagadun.

Gimpuunan 29:31

Nakitan Panginuun balaw mahal ni Hakub si Liya, nakan pinahintulutan niya magkaanak si Liya, dapat si Rakil unman.

Gimpuunan 31:42

Nu balaw siguru aku giniyahan Diyus, ti paggalangun niku ama, ni Isaak, imaw diman ti Diyus ni Abraham, barang tinulak yi nimu aku unman may kadara-dara. Dapat nakitan Diyus kang pag-agwanta hanggan magtarabahu, nakan pinaandaman niya kawu kis-ab yabi.”

Gimpuunan 35:22

Habang ati di waya sida ni Hakub mag-uli, nag-ulid si Rubin sa kan Bilha sa usa ka asawa niya ama. Igu naalaman tunda ni Hakub, magkaisug gid siya. May 12 ka anak lalaki si Hakub.

Gimpuunan 35:23

Kay manga anak niya sa kan Liya sida ni Rubin (ti panganay), si Simyun, si Libi, si Huda, si Isakar, ag si Sabulun.

Gimpuunan 37:29

Igu binmalik si Rubin sa bubun, udyi lagan ati si Husi. Nakan ginitas niya kay rutay dahil sa karukuan.

Gimpuunan 42:22

Magkun si Rubin, “Kabay pagsabihun yi niku sa kanyu kaybi danga niyu siya pag-unha? Dapat unman kamu nagpatingi sa kangku! Nakan taynguna pagsuktun yi kita sa kay pagkamatay.”

Gimpuunan 42:27

Pagka magkayabi yi nagpat-ung sida sa usa ka rugar hampay ati pag manpahari, ti usa sa kanda nagbukas kay saku hampay pakaunun kay asnu. Pagbukas niya, nakitan niya ati ti ibinayad niya pag kuwarta.

2 Samwil 16:12

Barang makitan Panginuun kang magkakurian, ag balusan niya kaayadan kang magkalakawan kakurian taynguna.”

1 Krunika 5:1

Si Rubin kay panganay pag anak ni Israil, dapat dahil sa nangulid siya sa usa sa manga asawa niya ama, kay karampatan bilang panganay ipinakaun sa manga anak ni Husi kay diman patar-ari. Nakan balaw siya nisurat sa listahan nida manga linahi bilang panganay pag anak.

Kanta 106:44

Dapat nu magtawag sida sa Diyus, pag-awatan diman niya sida sa kanda manga kakurian.

Kanta 25:18

Bantayi nimu kang magkalakawan manga kakurian, ag patawada ti tanan niku kasalanan.

Pag-ighit 3:7

Bag-u magkun ti Panginuun, “Nakitan niku ti kakurian manga nasakupan niku sa Ihiptu. Nadnugan niku kanda maghagad awat dahil sa masyadu pag-unuunu manga manugpatigayun sa kanda, ag naawa gid aku sa kanda dahil sa kanda manga kakurian.

Pag-ighit 4:31

ag naniwala gid sida. Pagka naalaman nida magdumdum di maaw ti Panginuun sa kanda ag mag-akitan diman niya kanda manga kakurian, linmuhud sida ag sinmamba sa Panginuun.

Bilang 1:5

Inda ti manga tawu mangawat sa kanyu: Lahi Takinan Rubin Ilisur anak ni Sidiyur Simyun Silumyil anak ni Surisaday Huda Nashun anak ni Aminadab Isakar Natanyil anak ni Suwar Sabulun Ilyab anak ni Hilun Ipraim kay anak ni Husi Ilisama anak ni Amihud Manasis kay anak ni Husi Gamalyil anak ni Pidasur Binhamin Abidan anak ni Giduni Dan Ayisir anak ni Amisaday Asir Pagiyil anak ni Ukran Gad Iliyasap anak ni Diyuwil Niptali Ahira anak ni Inan.

Lukas 1:25

“Taynguna aku binaya Panginuun. Binwat niya inda hampay balaw yi pag-api-apihun aku manga tawu.”

Diyuturunumiyu 26:7

Naghagad awat kami sa Panginuun, ti Diyus nimi manga ginurang, ag pinatingihan niya kami. Nakitan niya kanmi kakurian, kanmi mag-agwanta, hanggan kanmi kaapihan.

Diyuturunumiyu 27:13

Ag inda waydi pag manga lahi ti dapat tumindug sa Bantud Ibal hampay saadan ti manga tawu: ti lahi ni Rubin, ni Gad, ni Asir, Sabulun, ni Dan hanggan Niptali.

1 Samwil 1:11

Nantaratu si Hana sa Panginuun magkun, “Panginuun Makamaskihan, bantayi duy nimu kang kakurian. Alalahana duy nimu aku kanmu suruguun ag danga pagkalimti. Nu pakan-an nimu aku usa ka anak lalaki, ihandug niku siya sa kanmu hampay sumirbi siya sa kanmu sa buu niya buhi. Ag balaw niku ipauguy kay buhuk, bilang tanda sa kay pagsirbi sa kanmu.”

1 Samwil 1:20

Rinmas-ug ti panahun namuduy si Hana, nanganak usa ka lalaki. Iningarnan niya inda Samwil, dahil magkun siya, “Hinagad niku siya sa Panginuun.”