Gimpuunan 29:18 - Hanunuu

¹⁸ Dahil magkaibug si Hakub sa kan Rakil, magkun siya tag kan Laban, “Mansirbi aku sa kanmu sa sulud pitu ka timpu nu ipakaun nimu sa kangku si Rakil bilang asawa.”

Gimpuunan 29:18 Iomraidhean Croise

Gimpuunan 24:67

Bag-u dinara ni Isaak si Ribika sa turda sa pag-ulian kaybi niya ina ni Sara. Naasawa niya si Ribika ag pagmahalun gid niya inda. Nakan nahimasmasan ti karukuan ni Isaak sa pagkamatay niya ina.

Gimpuunan 29:19

Sinmagut si Laban, “Mayad waya ngani kawu ti maasawa niya kaysa iba ka lalaki. Pagpirmi yi lang kawu sitaay.”

Gimpuunan 29:20

Nakan nagsirbi si Hakub sa kan Laban sa sulud pitu ka timpu hampay maasawa niya si Rakil. Dahil sa pagmahal niya sa kan Rakil, ga pira lang ka sirang sa kanya ti pitu ka timpu.

Gimpuunan 29:30

Nakan nangulid diman si Hakub sa kan Rakil. Mas mahal niya si Rakil kaysa kan Liya. Nagsirbi ngani si Hakub sa kan Laban sa sulud pitu waya maan ka timpu.

Gimpuunan 30:26

Pakan-an yi duy sa kangku kang manga asawa hanggan kang manga anak, dahil tabanun yi niku sida sa kang pagbalik sa kanmi. Alam di waydi nimu kang-ud kang sirbi sa kanmu.”

Gimpuunan 31:41

Sa sulud duwapulu ka timpu sa kang mag-ulian sa kanmu, 14 timpu aku nagsirbi sa kanmu para sa duwa nimu ka anak babayi. Nagsirbi waya aku unum ka timpu hampay bantayan kanmu manga hayup. Dapat hintay kanmu binwat? Sampulu ka ulit nimu binag-u ti pagbayad nimu sa kangku.

Gimpuunan 34:12

Kamu duy ti bahala nu pira kanyu hagadun ag nu hintay kang ipakaun hampay maasawa niku kanyu patar-ari. Bayadan duy niku kamu una pira kanyu hagadun basta maasawa lang niku si Dina.”

2 Samwil 3:14

Namasugu ngani si Dabid manga manugbarita tabug sa kan Isbusit hampay sabihun, “Ulian sa kangku kang asawa si Mikul. Dahil naasawa niku siya sa kapalit 100 buhi hanggan lukub pinagturian manga Pilistiyu.”

Husyas 12:12

“Naglayas si Hakub atabug sa Aram, nagsirbi siya ati bilang manug-alaga manga hayup para mapasa-kanya kay arasawan-un.

Husyas 3:2

Nakan linukat niku siya sa halaga 15 ka bilug pilak ag upat ka saku sibada.