Gimpuunan 29:17 - Hanunuu

¹⁷ Marapuy-rapuy kay mata ni Liya, dapat mas marinu si Rakil hanggan kay histuda niya bilug.

Gimpuunan 29:17 Iomraidhean Croise

Gimpuunan 12:11

Pagka magras-ug yi sida sa Ihiptu, magkun si Abram sa kay asawa, “Saray, alam niku marinu kawu pag babayi.

Gimpuunan 12:14

Nakan igu rinmas-ug sida sa Ihiptu, nakitan manga Ihipsiyu marinu gid si Saray.

Gimpuunan 24:16

Marinu gid pag daraga si Ribika ag tugnaw waya. Linmus-ug siya atabug sa bubun ag sinukadan niya danum kay banga. Bag-u tinmukad maan siya hampay muli.

Gimpuunan 26:7

Nu may magpaingana taga Girar sa kan Isaak tungkul sa kay asawa, pagkumnun niya kay patar-ari si Ribika. Marinu si Ribika, nakan magkadala siya magsabi kuntay kay asawa inda, dahil barang matyun nida siya hampay mab-ul si Ribika.

Gimpuunan 29:16

May duwa ka anak daraga si Laban. Si Liya kay panganay ag si Rakil kay arian.

Gimpuunan 29:18

Dahil magkaibug si Hakub sa kan Rakil, magkun siya tag kan Laban, “Mansirbi aku sa kanmu sa sulud pitu ka timpu nu ipakaun nimu sa kangku si Rakil bilang asawa.”

Gimpuunan 29:30

Nakan nangulid diman si Hakub sa kan Rakil. Mas mahal niya si Rakil kaysa kan Liya. Nagsirbi ngani si Hakub sa kan Laban sa sulud pitu waya maan ka timpu.

Gimpuunan 30:22

Unman diman kinalimtan Diyus si Rakil. Dinungug niya kay darangin magkaanak siya hanggan.

Gimpuunan 35:24

Kay manga anak niya sa kan Rakil sida ni Husi ni Binhamin.

Gimpuunan 39:6

Ikinatiwala ni Putipar ti tanan sa kan Husi ag unman siya may tuhay irintindihun purya wadi sa kay magpili kay kan-un. Makurasug si Husi ag marinu kay bilug.

Gimpuunan 48:7

Magkaala-ala niku ti pagkamatay nimu ina. Ginan kami sa Padan tunda katpung ag maglakaw sa daga Kanaan. Arani yi kami sa Iprata tunda katpung kay magkamatay, nakan ilinbung yi lang niku siya sa saruy dalan atabug sa Iprata.” (Ti Iprata ti pag-ingarnan Bitlihim taynguna.)

Kabagawan 31:30

Ti makagararya makadaya, ag ti karinuan maglawuy lang. Dapat ti babayi maggalang sa Panginuun imaw ti mahimu dayawun.

Hirimyas 31:15

Magkun waya ti Panginuun, “May nadnugan lulumian ag hirinangbitun ginan sa banwa Rama. Paglumian ni Rakil kay manga anak. Maglumi siya ag dayi magtanggap kasulungan dahil namatay kay manga anak.”

Matiyu 2:18

“May nadnugan sa banwa Rama maglulumian may magtarayagan. Paglumian ni Rakil kay manga anak, dayi malibang kay isip dahil udyi kay manga anak.”

1 Samwil 10:2

Nu kita mamululagan yi sab, may masampakan kawu duwa ka lalaki arani sa may lubung ni Rakil sa Silsa, sa katugkaan daga Binhamin. Bag-u sumabi sida sa kanmu magkun, ‘Ti manga asnu kanmu paghanapun nakitan yi. Udyi pag-alalahanun nimu ama, kamu yi ngap kay pag-alalahanun taynguna, magkun siya, “Kabitay wadi kang buwatun hampay makitan niku kang anak?” ’